Morgunn - 01.06.1996, Page 26

MORGUNN
meðal fjöldans og þeir þora ekki að grípa til óvinsælla en
nauðsynlegra aðgerða eða ákvarðana, sem mæta andstöðu
ýmissa þrýsti- eða hagsmunahópa.
Reyndar tökum við öll meðvitað eða ómeðvitað þátt í
mörgu sem stríðir á móti sannfæringu okkar og mannlegum
gildum. En með því að vera meira og meira meðvitaður um
ákvarðanir sem við tökum og að við höfum valfrelsi sem við
iðkum í ríkum mæli, ennfremur að viðurkenna sársaukann sem
við verðum fyrir þegar við gerum eitthvað gegn betri vitund og
með því að sýna þessu aðgát, þá fetum við nær og nær
ástandinu sem Sioux-indíánarnir kölluðu að vera „sönn
mannvera“. Með því að kalla daglega fram í vitundina hver
okkar mannlegu gildi eru og hvað þau þýða, þá getum við
smám saman breytt græðginni í gjafmildi andans, hatri í
umburðarlyndi og fávisku í visku.
Við sjáum greinilega hvað eitrin þrjú eru að gera móður
okkar jörðinni. Með áframhaldandi eiginhagsmunastefnu, mun
okkur takast innan skamms að eyðileggja jörðina sem bústað
fyrir lifandi verur. En við getum líka gert jörðina að paradís
fyrir okkur og allar aðrar lífverur sem eiga hana með okkur.
Þetta getum við gert með því að taka ábyrgð á að breyta
sjálfum okkur. Við getum ekki vænst þess að mannleg gildi,
þ.e. andleg gildi, nái almennri viðurkenningu í heiminum fyrr
en við sem einstaklingar veljum þau í okkar eigin persónulega
lífi. Hin sameiginlega vitund, um að við berum öll ábyrgð á
jörðinni og öllum skepnum hennar, verður að byrja með
einstaklingnum. Eina leiðin til að gera breytingar er að vera
sjálfur það sem maður vill sjá gerast.
Við getum kannski ekki breytt hugarfari ráðamanna
heimsins, en við getum breytt okkar eigin hugarfari.
Til að ná árangri á andlegri þroskabraut þarf fyrst að vera
fyrir hendi skýrleiki og heilindi. Ef hjarta mitt býður mér
eitthvað, en ég segi eða geri þveröfugt, þá verður til ójafnvægi
í huga mínum sem varnar því að ég geti upplifað innri frið.
24