Morgunn - 01.06.1996, Blaðsíða 69

Victor E. Frankl
og „Leitin að
tilgangi lífsins“
Nýlega er komin út í íslenskri þýðingu bók sem hefur selst í
milljónum eintaka um allan heim sl. 40 ár eftir Austurríkis-
manninn Victor E. Frankl sem var prófessor í taugasjúk-
dómum og geðlæknisfræði við háskólann í Vín og prófessor í
lógóþerapíu við Alþjóðaháskólann í Bandaríkjunum. Hann er
upphafsmaður þess, sem kallað hefur verið „þriðji Vínar-
skólinn í sállækningum" (eftir sálkönnun Freuds og
einstaklingshyggju Adlers), oftast kallað lógóþerapía.
Frankl fæddist árið 1905. Hann stundaði nám við
háskólann í Vín og hlaut þaðan doktorsnafnbót í læknisfræði
og heimspeki. Hann sat þrjú ár í fangabúðum nasista í seinni
heimsstyrjöldinni.
Hann hefur skrifað fjölda bóka, sem hafa verið þýddar á
fjölmörg tungumál. Hann hefur hlotið viðurkenningar virtra
skóla um allan heim og haldið fyrirlestra á óteljandi stöðum.
Lengst af hefur hann verið búsettur í Vín og haldið þar
fyrirlestra um lógóþerapíu og tilvistargreiningu. Þar er rekin
vísindastofnun í nafni hans sem er ætlað það hlutverk að
varðveita verk hans og veita upplýsingar um kenningar hans
og lífsstarf.
Frankl spyr stundum sjúklinga sína sem glíma við margvíslega
áþján í lifi sínu: „Hvers vegna fremurðu ekki sjálfsmorð?“
Svörin gefa honum oft vísbendingu um hvernig hann eigi að
67