Morgunn - 01.06.1996, Blaðsíða 27

MORGUNN
Viljinn til að lifa heiðarlegu lífi gerir huganum kleift að öðlast
rósemi og skýrleika og einbeitingu. Þá og aðeins þá, getum við
lifað með þá ringulreið, sársauka og ósamræmi sem nútíma
þjóðfélagið býður upp á, og þá aðeins höfum við þann styrk
sem er nauðsynlegur til að bjóða óréttlætinu birginn.
Við fæðumst öll með mannleg gildi, eins og góðvild og
heiðarleika, og í hjarta okkar þráum við ást - en sjálfshyggjan
og sjálfseinangrun okkar, dregur okkur að andstæðu ástarinnar
- óttanum. Með því að vera stöðugt meðvituð um þau
mannlegu gildi sem við veljum í lífi okkar, þá höldum við
sambandi milli huga og hjarta og um leið læknum við okkur af
sjúkleika óttans, sem hefur svo lengi eitrað okkur og heiminn
allan.
Og hvernig á að fara að því að velja okkur meðvitað
mannleg gildi? Leiðirnar eru auðvitað margar, en fyrst af öllu,
verðum við að átta okkur á að veruleikinn er svo miklu meira
en efnið sem augað nemur og miklu meira en allar þær
hugsanir og tilfinningar sem flögra í gegnum okkur á degi
hverjum.
Handan við allan sýndarveruleikann er dýpri undiralda,
sem veldur hreyfingu skipsins sem siglir á sjónum - en ekki
skvetturnar og gusurnar sem birtast á yfirborðinu. Þegar við
höfum áttað okkur á tilvist undiröldunnar og að hún er
margfalt sterkari en hávaðasamar yfirborðsöldurnar, þá er
eins og við vöknum. Og þá viljum við vakna betur og betur og
enn betur. Og það vill svo til, að það veltur algerlega á hversu
einlægur viljinn og löngun okkar er, hversu vel okkur tekst að
vakna.
Þið hafið e.t.v. tekið eftir því, að ég hef ekki enn notað
orðið Guð í þessu spjalli. En ég er ein af þeim sem fer varlega í
að nota þetta orð, því það vekur svo margvíslegar hugmyndir
hjá fólki. Ég vel heldur að nota hugtakið æðsta vitund eða
almættið. Ég er hins vegar sannfærð um það, að allir dulvitr-
ingar og einlægt andans fólk hafi í gegnum tíðina átt við sömu
25