Morgunn - 01.06.1996, Síða 25

MORGUNN
Gleði andlega fullnumans, hans sem er stöðugt í andlegu
flæði og missir aldrei sjónar á hinum andlega veruleika, held
ég að sé svipuð gleðinni sem saklausa ungbarnið upplifir.
Barnið er nýliði hér á jarðarsviðinu og gagnvart öllu sem því
fylgir og er því enn nálægt heimi andans. Gamla sálin er hins
vegar búin að skoða sig um á nógu mörgum stöðum til að sjá
tálsýnirnar í sínu rétta ljósi og hefur því snúið til baka til þess
eilífa og hreina.
Fyrir okkur sem erum inni á milli þess mjög unga og þess
gamla, við getum aðeins átt von á að upplifa gleðitilfinningu
einfaldleikans og hreinleikans stutta stund í senn.
Flest trúarbrögð heims og andlegir skólar hafa kennt að
siðferði og andlegur þroski fari hönd í hönd. Ennfremur eru
megináherslur svo keimlíkar alls staðar og á öllum tímum, að
segja má að um alheimslögmál sé að ræða. En á sérhverjum
tíma verðum við þó að endurskoða mannleg gildi okkar í ljósi
þess sem við höfum lært og bætt við þekkingu okkar á
mannssálinni. Líka til að forðast kreddur, því kreddur eru
alveg áreiðanlega ekki hvatning fyrir þann sem leitar andlegs
þroska. Skilningurinn verður að vakna innra með hverjum og
einum.
Patanjali, sem var mikill indverskur vitringur, sagði að það
væri til þrenns konar eitur, sem hefti þroskaferil okkar frá því
að vera skepna sem stjórnast af hvötum sínum og yfir í
fullkomlega meðvitaða mannveru. Þessi eitur kallast grœðgi,
hatur og fáviska. En svo óheppilega vill til að þjóðfélag okkar
er byggt á þessum þremur þáttum. Af nógu er að taka en sem
dæmi má nefna hvernig eiturlyfjum og áfengi er markvisst
beint að unga fólkinu og oftar en ekki er ýmsum efnum
blandað í eitrið til að drýgja það, og þau geta jafnvel verið
hættulegri en lyfið sjálft s.s. rottueitur. Einnig má nefna að
valdhafar í flestum ef ekki öllum löndum heims eru allt annað
en ímynd einingar og velfarnaðar. Akvarðanir sem þeir taka,
eru oftast miðaðar við að auka persónulegar vinsældir þeirra
23