Morgunn - 01.06.1996, Side 54

MORGUNN
og því síður að senda slíkt frá sér. En staðreyndin er hins vegar
allt önnur. Það má vel vera að ekki sé ástæða til að birta slíkar
frásagnir hér eða í Tímariti Sálarrannsóknarskólans, en slíkar
frásagnir eiga eigi að síður örugglega erindi í dulræna
sagnasafnið. Svo mikið er víst. Auðvitað kemst ekki nema brot
af öllu sagnasafninu hér fyrir í Morgni eða í hinu 200 síðna
Tímariti Sálarrannsóknarskólans sem síðar í vetur mun sjá
dagsins ljós. En Tímariti skólans mun ætlað að birta um 100 til
150 skemmtilegustu dulrænu frásagnimar á hverju misseri
skólans ásamt viðtölum og greinum um dulræn mál héðan og
þaðan.
En munið þið enn og aftur kæru lesendur: Sendið inn til okkar
dulrænar frásagnir af hvaða tagi sem er. Slíkar frásagnir eru
gjarnan merkilegir draumar, (ykkar eða annara), undarleg
dulræn skynjun, fyrirboðar, merkileg ferð til miðils, meintar
lækningar að handan, nú eða bara álfa- eða huldufólkssögur
eða aðrar slíkar afar merkilegar sögur sem ykkur eða aðra
hefur hent. Allt er vel þegið. Munið það! Aðeins eitt skilyrði
er, það að frásögnin hafi ekki þegar verið birt á prenti annars
staðar. - Utanáskriftin til okkar er: Sálarrannsóknarskólinn,
Vegmúla 2, 108 Reykjavík.
Sögur nemenda Sálarrannsóknaskólans
(Úr heimaverkefnum)
Hróðný Garðarsdóttir
Dvergasteinn
Árið 1945 keypti afi minn lóð til húsbyggingar á Seltjarn-
arnesi. Grunnurinn var uppgrafinn á lóðinni og ekkert til
fyrirstöðu að hefja byggingaframkvæmdir nema fjarlægja
52