Morgunn - 01.06.1996, Side 35

MORGUNN
okkar eigin, gefur bæninni aðalatriðið. Þetta er í takt við
hefðbundna kristna hugmyndafræði og virðist einnig vera það
sem dulrænir, andlegir meistarar hafa iðkað.
Þó að þessi flokkun eigi fullan rétt á sér, þá er vert að taka
fram að oftast er í rauninni um að ræða einhvers konar blöndu
úr báðum hjá flestum sem iðka bænir.
Niðurstöður rannsókna á þessuin tveimur útgangspunktum
eða sjónarmiðum, sýndu að báðar aðferðirnar voru jafnlíklegar
til árangurs. Jafnframt korn í ljós að enn mætti greina mismun-
andi tegundir bæna í a.m.k. fjóra undirflokka.
Fyrst er að telja bænir iðkaðar með hugarorkunni. Margar
tilraunir hafa verið gerðar með þess konar bænir, bæði jákvæð-
ar bænir og neikvæðar bænir og sannaðist að hvoru tveggja
virkar. Hugsanir okkar eru raunverulegur kraftur. í þessari
tegund bænar er lykilatriði að búa yfir sjálfsöryggi. Hvers kyns
hik og efasemdir lama áhrifamátt bænarinnar. Bænahugsanir
þurfa að vera skýrar og sterkar. Sjáið fyrir ykkur innihald bæn-
arinnar, segið það upphátt og gefið því líf. Vísindamenn jafnt
og dulfræðingar eru sammála um að ytri efnisheimurinn eða
ytri raunveruleikinn sé afleiðing af innri kröftum. Það er því
hægt að taka virkan þátt í sköpuninni og koma ytri veru-
leikanum í ákveðin farveg, með hugarorkunni.
í öðru lagi eru bænir iðkaðar með tilfinningaorkunni, sem
tilheyrir líka „guð hið innra“ hópnum. Engu að síður er þetta
sérstakur flokkur og eins ólíkur hinum fytri og kvenorka er
karlorku. Hugarorkan býr yfir sköpunarorku, en tilfinninga-
orkan gerir það líka. Hugurinn býr til form, en tilfinningarnar
búa til eiginleika. Það er mikilvægt að jafnvægi sé milli
hugarorkunnar og tilfinningarorkunnar, bæði hjá einstakling-
um og í heiminum í heild. Ef í heiminum væri lögð meiri rækt
við eiginleika eins og óeigingirni, bræðralag, réttlæti o.fl. til
jafnvægis við öll þau formafsprengi hugans sem þessi öld
hefur fært okkur, þá værum við trúlega í betri málum núna.
Ræktendur sem sagðir eru vera með græna fingur, ná
33