Vera - 01.12.2002, Blaðsíða 3

leiðari
Hvað kostar andleg þjáning?
Jólin eru að koma. Allar manneskjur lrlakkar til jólanna - er það ekki?
Eða getur verið að fyrir sumt fólk séu jólin kvöl? Ömurlegur tími þar
sem varnarleysi þeirra kemur enn betur í ljós? Nýlega kom fram í skoð-
anakönnun að 15% þjóðarinnar telur sig ekki hafa efni á jólahaldi, samt
hrúgast auglýsingabæklingar inn um lúguna og jólagjafaauglýsingar
fylla alla fjölmiðla. Er ekki öfugsnúið að hátíðin sem á að minna okkur
á kærleika frelsarans skuli geta snúist upp í kvalræði fyrir þau sem hafa
of lítið milli handanna?
„Fátækt er dýr“ er yfirskrift þema þessa blaðs. Þar vísum við til þess
að það að búa svo mörgu fólki óviðunandi kjör getur verið dýrara fyrir
þjóðfélagið heldur en að bæta kjörin. Skortur kallar á ýrnis sálræn og fé-
lagsleg vandamál sem getur verið dýrt að leysa, bæði peningalega og
andlega. Reyndar er erfitt að verðleggja þjáninguna í beinhörðum pen-
ingum en hliðarverkanirnar eru staðreynd. Börn sem fá það á tilfinn-
inguna allan sinn uppvöxt að þau séu annars og þriðja flokks, vegna að-
stæðna foreldra sinna, geta gripið til sinna ráða. Reiði og varnarleysi
hafa búið um sig í þeim og fengið mörg tilefni til að blossa upp.
Við fengum sögur úr raunveruleikanum, sögur kvenna sem lýsa að-
stæðum sínum og þeirri sorg sem fylgir því að geta aldrei um frjálst höf-
uð strokið. Tvær þeirra eru á örorkubótum sem rekja má til bílslysa.
Alltof oft lieyrum við af bílslysum og slíkar fréttir hryggja okkur, en
hugleiðum við hver örlög þeirra verða sem lifa slysin af? Fyrir utan lík-
amlega ákverka verður lilutskipti margra þeirra að lifa í fátækt vegna
þess hve örorkubætur eru naumt skammtaðar, skattleysimörkin lág og
skerðing barnabóta fljót að koma til ef fólk hefur einliverjar tekjur.
En það eru ekki bara bílslysin sem valda því að íslendingar missa
heilsuna. Vinnuálag og streita geta gert fólk að sjúklingum. Samkeppni
um veraldleg gæði bitna mjög á börnum sem líða skort og hún hefur
lamandi áhrif á foreldra sem ekki geta uppfyllt kröfur barna sinna.
..Hvað gerir maður ekki fyrir börnin sín?“ var setning sem heyrðist oft
í viðtöium sem ég átti við mæðurnar tvær sem báðar eru öryrkjar og ein-
ar með börn sín. Fyrir þær er velferð barnanna aðalatriði en fátæktin
gerir þeim lífsbaráttuna langtum sárari en hún þyrfti að vera. Nógu
erfitt er að glíma við veikindin, einmanaleikann og útskúfunina sem
þeim finnst þær finna fyrir.
Það verður að ráðast að rót þessa vanda og hætta að láta fólk búa við
mun verri aðstæður en nokkur ástæða er til í okkar ríka landi. Það eru
niargar leiðir sem stjórnvöld gætu gripið til ef vilji væri fyrir hendi. Ef
það verður ekki gert höldum við áfram að borga dýru verði þá fátækt
sein við höfum sjálf búið til.
GLEÐILEG JÓL!

+PLÚS

i É ' 11
Guðrún Gunnarsdóttir
dagski'árgerðarkona í íslandi í dag fyrir að neita að
taka viðtal við klámmyndaleikarann Ron Jeremy.
Það er frábært þegar fjölmiðlafólk þorir að fara eftir
sannfæringu sinni í stað þess „að spila bara með“.
Guðrún er líka svo góð söngkona og sló í gegn þeg-
ar hún söng lög Ellýjar Vilhjálms á tónleikum í
Salnum.
Kolbrún Halldórsdóttir og Þuríður Backman
fyrir þingsályktunartillögu um bætt starfsumhverfi
kvennalireyfingarinnar og annarra hópa sem vinna
að jafnari stöðu kynjanna hér á landi. Meðal þess
sem lagt er til er að stofnaður verði sjóður í þeim til-
gangi að styrkja starf félagasamtaka, liópa og ein-
staklinga sem miðar að jafnari stöðu kynjanna.

bók sem fjallar um heimilisofbeldi og kynferðisof-
beldi og höfundar hennar. Þær hafa verið duglegar að
kynna málefnið, t.d. verið með kynningarátak í skól-
um, félagsmiðstöðvum og víðar þai’ sem þær hafa náð
til nýrra hópa sem þurfa að Ireyra um þessi mál.
-MÍNUS
Viðtöl við „hamingjusamar hórur
sem Fréttablaðið hefur gert mikið úr og Spaugstofan
notfært sér. í kjölfarið hefur fylgt ógeðslegur Mmor
frá „gárungum" fjölmiðlanna og á spjallrásum hafa
ungir karlmenn skipst á skoðunum um verðlag á
vændi sem þeim finnst raunar vera of hátt, meira að
segja í Hafnarfirði.
Hnefaleikakeppnir með fáklæddum stelpum
Það er ekki nóg fyrir karlrembur landsins að fá nú
að horfa á íslendinga keppa í hnefaleikum, því verð-
ur að fylgja að ungar stúlkur í bikiní gangi um til að
sýna stigin svo karlarnir geti flautað og glaðst....
gaman, ganian.
Héraðsdómur Reykjavíkur
fyrir að hnekkja banni við einkadansi sem borgar-
stjórn og dómsmálaráðuneyti höfðu samþykkt. Nú
er nauðsynlegt að lögum verði breytt til þess að
bannið geti aftur gengið í gildi og önnur sveitarfólög
losnað við einkadansinn.