Vera - 01.12.2002, Blaðsíða 54

Alþingisva kti n
Þingkonan
Þingkonan að þessu sinni er Þorgerður Katrín Gunnarsdóttir
sem nú er að Ijúka sínu fyrsta kjörtímabil á Alþingi fyrir Sjálf-
stæðisflokkinn. Þorgerður Katrín, sem er lögfræðingur að
mennt, hefur vakið athygli og áhuga langt út fyrir eigin
flokkslínur fyrir skeleggan málflutning og forystuhæfileika. Hún
veitir allsherjarnefnd þingsins forystu og á sæti í mennta- og
samgöngunefnd, auk þess að sitja í sérnefnd um stjórnarskrár-
málefni og í íslandsdeild þingmannanefndar EFTA.
Móralinn í þinginu
Við byrjuðum á að forvitnast um
hvað hafi komið henni mest á
óvart þegar hún hóf störf á Al-
þingi. „Það var hinn góði andi
sem ríkir á þessum skemmtilega
vinnustað. Þegar öllu er á botninn
hvolft, og pólitískum ágreiningi
ýtt til hliðar, eru allir hór inni hin-
ir mestu mátar. Fólk er oft allt
öðruvísi en maður ætlar - ímynd-
in segir eitt en svo er karakterinn
allt annar,“ sagði Þorgerður
ákveðið.
Er til fátækt fólk á íslandi í dag?
„Fátækt er afstæð og erfitt að
nota það hugtak," segir Þorgerður,
„það er til fólk sem á mjög erfitt
og því á að hjálpa. Við höfum
byggt upp gott velferðarkerfi og
við þurfum að vera fljót að stoppa
í götin um leið og þau myndast.
En ástæðurnar fyrir erfiðleikum
fólks eru ekki eingöngu fjárhags-
legar þær geta verið af margvísleg-
um toga. Og spurningunni um
hvort velferðarkerfið sé að bregð-
ast er ekki auðsvarað, það er svo
margt annað sem þarf að skoða.
Okkur hættir til að líta á fólk sem
á í erfiðleikum sem einsleitan
hóp. Við þurfum að greina þarfir
hópsins og úrræðin verða síðan að
taka mið af því. Stefna ríkisstjórn-
arinnar á síðustu árum hefur ver-
ið að koma fólki til sjálfshjálpar.
Að fólk geti komist af sjálft og
staðið fyrir sínu. Við eigum að
byggja upp blómlegt samfélag sem
hvílir á ákveðnum grunnstoðum
og ein þeirra á að sjálfsögðu að
vera velferðarkerfið sem er örygg-
isnet okkar allra. Grunnurinn að
þessu öllu er áframhaldandi styrk
efnahagsstjórn. I þessum töluðu
orðum er ríkisstjórnin að sam-
þykkja 5 milljarða króna fjárveit-
ingu til handa öldruðum og öryrkj-
um m.a. til hækkunar grunnlífeyris
og lækkunar tekjuskerðingar. Það er
blóðugt hversu lágar tekjur þarf til
að bætur skerðist. Það má ekki
njörva fólk þannig niður að svig-
rúmið sé ekkert."
Hefðir þú sigrað Arna Mathiesen ef
haldið hefði verið prófkjör í Suð-
vesturkjördæmi?
„Því er erfitt að svara og ég veit
ekki hvort ég hefði endilega stefnt á
það. En aftur á móti átti flokkurinn
að fara í prófkjör í öllum kjördæm-
um svo að þingmenn gætu staðið
fyrir sínu. Eg vil að sem flestir komi
að ákvarðanatöku, sórstaklega á
tímum mikilla breytinga eins og nú
í kjölfar nýrrar kjördæmaskipunar.
A tólf ára fresti væri gott að skipta
um aðferð við val á frambjóðend-
um, það geta leynst kerfisbundnar
skekkjur í hverri aðferð fyrir sig og
þær myndu þá væntanlega leiðrétt-
ast á 12 ára fresti."
Gætir þú hugsað þér að verða
fyrsta konan til aö leiða Sjálfstæð-
isflokkinn?
„Það er mikið af mjög hæfileika-
ríku fólki í Sjálfstæðisflokknum og
konur gera sig stöðugt meira gild-
andi innan flokksins. Eg kvíði engu
hvað varðar framtíðarleiðtoga -
enda Davíð ekkert að hætta," sagði
Þorgerður sposkum rómi.
Þingmálin
Betra starfsumhverfi
kvennahreyfingarinnar
Kolbrún Halldórsdóttir og Þuríður Back-
man, þingkonur Vinstri grænna, hafa lagt
fram tillögu til þingsályktunar um bætt
starfsumhverfi kvennahreyfingarinnar og
annarra hópa sem vinna að jafnari stöðu
kynjanna á íslandi. Þingkonurnar leggja til í
fyrsta lagi að stofnaður verði sjóður í þeim
tilgangi að styrkja starf félagasamtaka, hópa
og einstaklinga sem miðar að jafnari stöðu
kynjanna. I öðru lagi að jafnréttisfulltrúum
eða öðrum starfsmönnum ráðuneytanna
verði falið að koma á beinum tengslum
fagráðuneyta og þeirra sem vinna að jafnari
stöðu kynjanna á hverjum tíma.
Úr fjötrum fátæktar
Jóhanna Sigurðardóttir og Guðrún Og-
mundsdóttir eru meðal flutningsmanna
þingsályktunartillögu um að fela félags-
málaráðherra að láta fara fram úttekt á um-
fangi, orsökum og afleiðingum fátæktar á Is-
landi með það að markmiði að treysta ör-
yggisnet velferðarkerfisins. Tii að ná því
markmiði verði lágmarks framfærslukostn-
aður skilgreindur og gerðar tillögur til úr-
bóta sem miði við að enginn hafi tekjur
undir skilgreindum framfærslumörkuin. 1
greinargerð með tillögunni segir að það
hljóti að vera forgangsverkefni í þjóðfélag-
inu að treysta á nýjan leik öryggisnet vel-
ferðarkerfisins svo losa megi fólk úr fjötrum
fátæktar sem verður stöðugt sýnilegri i
þjóðfélaginu.