Vera - 01.12.2002, Blaðsíða 58

Matur
Danskt og„dejligt"
Mataruppskriftirnar í jólamánuðinum koma frá Marentzu Poulsen og er réttina að
finna á jólahlaðborði hennar og Idu Davidsen á Hótel Loftleiðum. Þetta er í níunda
sinn sem gestir Hótels Loftleiða geta gætt sér á veitingum þeirra á aðventunni.
Marentza segir að um ekta danskt jólahlaðborð só að ræða en þær hafi bætt nokkrum íslenskum
réttum við til að gleðja landann. Ida leggur grunn að réttunum og þær stöllur finna upp á ein-
hverju nýju á hverju ári til að gleðja gesti sína með. Ida er alltaf viðstödd þegar hlaðborðið opn-
ar en síðan sér Marentza um að gæðin haldist og er á staðnum til að leiðbeina fólki. Hún segist
hvetja fólk til að gefa sér góðan tíma til að borða, fara margar ferðir og taka lítið á diskinn í einu
því þá sé miklu auðveldara að borða mikið. „Stundin við borðhaldið er svo mikilvæg, þess
kunna Danir svo vel að njóta. Við íslendingar erum smátt og smátt að læra af þeim að sitja lengi
og njóta stundarinnar," segir hún.
A sumrin rekur Marentza Café Flóruna í Grasagarðinum í Laugardal en snýr sér að nám-
skeiðahaldi o.fl. á haustin. Hún er með námskeið í smurbrauðsgerð í Matreiðsluskólanum í
Kópavogi og býður námskeið í því að setja saman stórar veislur, t.d. fermingarveislur. „Það er
svo mikilvægt að fólk njóti þess að undirbúa veislurnar og búa til matinn, í stað þess að stór
veisla sé bara tilefni kvíða," segir Marentza og býður lesendum Veru að njóta réttanna sem hún
gefur hér uppskrift að.
myndir: Þórdís
Hótel Loftleiða síld
1 lítersfata Kryddsíld
6-8 meðalstórar kartöflur
Kryddmajones:
2 dl majones
4 msk dijonsinnep
2 tsk HP sósa
2 tsk worchestersósa
salt og pipar eftir smekk
blaðlaukur
Blandið saman öllu hráefninu í kryddmajones-
ið og bragðbætið með salti og pipar.
Sjóðið kartöflurnar, kælið og skerið í sneiðar,
setjið kartöflusneiðarnar saman við krydd-
majonesið og setjið á fat, skerið síldina í fallega
bita og raðið þeim ofan á kartöflusalatið. Skreytt
58 með fínt söxuðum blaðlauk.
ÍU
3-
<u
>