Vera - 01.02.2003, Qupperneq 10

/ ÁSKRIFANDINN

jr' 'f
i *
Kvenréttindi aðal áhugamálið
Elísabet Þorgeirsdóttir
„Ég lærði viðskipta- og markaðsfræði í University of Kansas í
Bandarikjunum, tók þar M.Sc. próf 1994 og er nú að læra tölvunar-
fræði í Háskóla (slands með vinnu," segir Katrín Anna þegar hún er
spurð um sjálfa sig. „Ég hef unnið í rúm fimm ár hjá Landsteinum
(sland hf. sem er framsækið hugbúnaðarfyrirtæki og selur m.a.
Navision og Axapta hugbúnað. Ég finn ekki mikið fyrir því á
vinnustað að konur hafi ekki jöfn tækifæri á við karla vinnulega
séð. Ég verð hins vegar oft vör við það að enn er langt í land hvað
varðarjafnréttismál, þess vegna nefni ég kvenréttindi sem eitt mitt
helsta áhugamál." Aðspurð um hvort að launajafnrétti ríki á
hennar vinnustað svarar Kristín að hún voni að svo sé þó að
auðvitað sé alltaf erfitt að segja til um slíkt þar sem launaleynd ríkir.
Katrín segist hafa haldið það þegar hún var yngri að búið
væri að kippa jafnréttismálunum í lag en fyrsta jafnréttisbarátta
þeirra systra fólst í því að fá bróður þeirra til að vaska upp líka. (
náminu í Bandaríkjunum varð henni betur Ijóst hve staðan er
ójöfn, segir að þar hafi ójafnréttissinnaður kennari verið kornið
sem fyllti mælinn. „Ég fór þá að lesa mig til um femínisma og
fann að ég var á heimavelli þegar ég las bækur eftir konur eins og
Gloriu Steinem, Naomi Wolf og fleiri."
Katrín Anna er í sambúð með Grétari Rafni Árnasyni, líffræðingi
og tölvunarfræðingi hjá (slenskri erfðagreiningu. Þau eru nýbyrjuð
að byggja hús í Grafarholti og búa um þessar mundir á neðri hæð
hjá foreldrum hennar sem er næsta hús við nýja heimilið.
Besta blaðið á markaðnum
„Ég ræði mikið við vinkonur mínar um femínisma og við ætlum
að stofna umræðuhóp um málið. Áður en að því kæmi ákváðum
við allar að gerast áskrifendur að VERU og nú er bara að hefjast
handa. Ég keypti VERU oft í lausasölu en fann að það var betra að
vera áskrifandi því blaðið blasir ekki við manni við afgreiðslukass-
ana í stórmörkuðunum. Ég þurfti því að muna eftir að fara í búð-
ir þar sem það fæst og finnst miklu betra að fá það sent heim."
Helsti kostur VERU segir Katrín Anna vera hve blaðið sé fjöl-
breytt og falli vel að áhugasviði hennar. „Mér finnst líka gott að
fjallað sé um bæði kynin en þátturinn Karlveran tryggir að svo sé.
Það þokast ósköp hægt ijafnréttismálunum og því er mjög mikil-
vægt að blað eins og VERA sé til, það er svo ólíkt öðrum blöðum
á markaðnum. Mérfinnst mjög mikilvægt að fjallað sé um hinar
ýmsu hliðar kynímyndar kvenna. Það var hrikaleg þróun þegar
klámvæðingin hélt innreið sína í samfélagið. Ég þótti hallærisleg
þegar ég lýsti þeirri skoðun minni fyrir nokkrum árum, en mér
finnst að augu fólks hafi opnast fyrir skaðseminni núna og fleiri
leyfa sér að vera gagnrýnir. Þegar fólk sér börnin sín verða fyrir
barðinu á klámvæðingunni hlýtur það að bregðast við. Við meg-
um ekki sofna á verðinum og þar hefur VERA mikilvægt hlut-
verk," sagði Katrín Anna.
10/ áskrifandinn / 1. tbl. / 2003 / vera
J