Neytendablaðið - 01.12.1983, Blaðsíða 34

Þið þekkið þessa sögu
Þú kannast við sögu þeirra, það gera allir. Þau eru að
byggja. Og núna er jafnvel orðið stutt í það að þau flytji
inn. En þetta hefur ekki gengið andskotalaust. Satt best
að segja hefur þetta verið ein samfelld raunarsaga.
Allt byrjaði þetta eftir að
búið var að fá hina langþráðu
lóð. Áður en unnt var að gera
nokkuð varð að fá mann til að
teikna herlegheitin. Leitað var
til arkitekts sem þau höfðu
heyrt talað um. Hann lofaði
teikningum fljótt og örugg-
lega. Og sagðist ekki myndi
taka mikið verð i'yrir. Svo leið
og beið. Þrátt fyrir margar
símhringingar og ferðir á arki-
tektarstofuna bólaði ekkert á
teikningum. Maðurinn fór í
frí, skraþp til útlanda og var
veikur að sögn aðstoðarfólks.
Eftir margar vikur fengust
loksins teikningarnar. En með
þeim fylgdi reikningur, mun
hærri en þau höfðu átt von á.
Það var hins vegar farið að
hausta og fyrstu frost farin að
nálgast. Því var ekki um annað
að ræða en að taka teikning-
arnar svo unnt væri að byrja.
Og það var byrjað. Grafa
fengin til að taka grunninn.
Verkið tók lengri tíma og var
dýrara en gert var ráð fyrir.
Þetta varð saga hússins í heild.
Hvert handtak sem vinna
þurfti tók lengri tíma og varð
dýrara en gert var ráð fyrir í
upphafi. Þau fóru að komast í
þrot með peninga.
En þetta var þó ekkert hjá
því hvað það var sem þau
fengu fyrir alla þessa peninga.
Það var nefnilega það sem
heitir á vondu máli svikin vara.
Pípulögnin lak, rafmagnið
leiddi út, gluggarnir voru
óþéttir og svo framvegis, og
svo framvegis. Þrátt fyrir að
hver starfstéttin á fætur annarri
sem kom til vinnu við húsið
hikaði ekki við að leggja fram
himinháa reikninga virtust þeir
32