Læknablaðið - 15.06.1997, Qupperneq 39

LÆKNABLAÐIÐ 1997; 83
399
benda á að grundvöllur góðrar heilbrigðisþjón-
ustu eru rannsóknir sem auka hagkvæmni, inn-
leiða nýja tækni og auka sparnað í heilbrigðis-
þjónustunni. Læknar gegna þarna lykilhlut-
verki. Sívirkar rannsóknir eru í raun
undirstaða nútíma læknisfræði og tryggja gæði
þjónustunnar. Stærsta ögrun læknismenntun-
arinnar bæði grunnnáms, framhaldsnáms sem
og viðhaldsmenntunar er hin gríðarlega þekk-
ingarsprenging sem orðið hefur og heldur
áfram með vaxandi hraða í læknisfræði, lffvís-
indum og ýmsum tæknigreinum sem áhrif hafa
á heilbrigðisþjónustuna. Á sama tíma halda
grundvallaratriði læknisfræðinnar velli bæði í
grunngreinum og klínískri aðferðafræði. Jafn-
framt því sem traustur þekkingargrunnur er
lagður verður því að búa læknanema undir
virka símenntun, sem stendur alla ævi. Náms-
tækni og gagnrýnin þekkingaröflun á eigin
ábyrgð eru hornsteinar slíkrar símenntunar og
þátttaka í rannsóknum er nauðsynlegur hluti af
undirbúningi undir slíkan, ævilangan námsfer-
il. Því er nauðsynlegt að auka fjárframlög hins
opinbera til þessara mála og auka jafnframt
skilning þess á mikilvægi þessa grundvallar-
atriðis í íslensku heilbrigðiskerfi. LÍ hefur lyk-
ilhlutverki að gegna í þessu og gæti varðað
leiðina með góðu frumkvæði. Nauðsynlegt er
að búa betur að þeim sem stunda rannsóknir í
læknisfræði á íslandi.
Nefndin taldi að athuga bæri þá hugmynd að
koma á einhvers konar símenntunar-, fram-
haldsmenntunarstofnun við læknadeild sem
hefði ákveðið starfsrými og fjárframlag. Þessi
stofnun væri ábyrg fyrir þessum málaflokki og
gæti hugsanlega tengst Endurmenntunarstofn-
un HÍ. Rætt var um að efla kennslu í aðferða-
fræði vísinda, kenna úrvinnslu hugmynda á vís-
indalegan hátt og bæta þekkingu lækna í far-
aldsfræði og tölfræði, til að gera þá hæfari til að
stunda gæðarannsóknir. Ljóst er að þeir ung-
læknar sem á undanförnum árum hafa nýtt
tíma sinn vel til rannsóknarstarfa eru mjög eft-
irsóttir. Þeim hefur reynst auðvelt að fá stöður
erlendis og eiga greiðari leið heim til íslands að
loknu sérfræðinámi.
Nefndin telur æskilegt að opna leið fyrir sér-
fræðinga utan sjúkrahúsa til rannsóknarsam-
vinnu við aðila innan veggja sjúkrahúsanna.
Líklegt má telja að það muni bæta samvinnu
þessara aðila og auka gæði heilbrigðisþjónust-
unnar bæði innan og utan sjúkrastofnana.
Ingólfur Sveinsson og Matthías Kjeld ræða málin í kaffihléi. Ljósm.: Lbl.