Læknablaðið - 15.06.1997, Qupperneq 47

LÆKNABLAÐIÐ 1997; 83
405
taka að sér tiltekna og vel skilgreinda þjónustu
á einu eða fleiri sjúkrahúsum. Skapa má stöð-
ugleika í tekjum í formi tryggingar, sem greidd
er verktökunum. Mæling verka í þessu kerfi
þarf að vera í stöðugri endurskoðun með tilliti
til breytinga á vinnuháttum og tækniframför-
um og til að gæta jafnræðis meðal sérgrein-
anna. Arðsemi sérgreinanna þarf að vera svip-
uð að teknu tilliti til kostnaðar við menntun og
lengdar starfsævi. Gera má ráð fyrir auknum
afköstum í kerfi sem þessu, meiri sveigjanleika
vinnuaflsins og meiri starfsfullnægju lækn-
anna.
Heilsugæsla: Heimilislœkningar: Styrkja
þarf rekstur heimilislækna utan heilsugæslu-
stöðva með því að bæta samninga, þannig að
þessir læknar geti fellt störf sín að faglegum
staðli Félags íslenskra heimilislækna. Stefna
ber að því að heilsugæslulæknar taki að sér í
verktöku rekstur stöðva sinna að öllu leyti eða
að hluta. Greina þarf rekstur þeirra frá öðrum
rekstri, sem þeir kunna að vísa sjúklingum sín-
um til. Til greina kemur að taka upp greiðslur
samkvæmt höfðatölu og að minnka vægi
greiðslna fyrir einstök læknisverk.
Greiðslur fyrir unnin verk geta runnið til
fyrirtækis þess, sem læknir rekur að hluta til
eða öllu leyti. Þessar ráðstafanir yrðu til þess
að styrkja trúnað og samvinnu heimilislækna
og verktaka innan hinna ýmsu sérgreina utan
sjúkrahúsa.
Sérgreinalœkningar: Þróa þarf áfram verk-
takakerfi það, sem sérfræðiþjónusta utan
sjúkrahúsa byggir á. Meta þarf að nýju raun-
verulegan kostnað við einkarekstur stofnana
lækna og miða við staðla, sem sérgreinafélögin
setja sér og heilbrigðisráðuneytið samþykkir.
Gera þarf nauðsynlegar breytingar á lögum um
almannatryggingar, þannig að öllum sér-
greinalæknum, hvort sem þeir hafa samning
við tryggingastofnun eður ei, sé heimilt að taka
sjúklinga til meðferðar án íhlutunar trygginga-
kerfisins, sýnist hvorum tveggja það hagfellt.
Eftirmáli
17.04.97. Góðu kollegar. í kaflann um nýlið-
un er bætt fyllri ábendingum til læknadeildar
auk þess sem mér finnst ekki viðeigandi að
hafa óskir um stöður klínískra kennara við
læknadeild á þessum stað. Kaflinn um launa-
þróun er fyrst og fremst um eina meginhugsun
og ferðast með hana um launakerfi lækna. Hún
er andsvar við þeirri skoðun minni, að læknar
séu ekki einungis í kjaramálum á leið „frá ábúð
til ánauðar“. Af persónulegum ástæðum get ég
því miður ekki tekið þátt í umræðum. Ég óska
þingheimi velfarnaðar og megi umræðurnar
umfram allt verða ærlegar.
Upplýsinga-, tækni- og gæðaþróun
Læknafélag íslands og gæðaþróun
Læknafélag íslands skal vinna að því mark-
miði, í samvinnu við lækna, sérgreinafélög
þeirra og heilbrigðisyfirvöld, að ekki seinna en
í lok ársins 2000 hafi allir þeir aðilar sem heil-
brigðisþjónustu veita komið á og þróað aðferð-
ir til gæðaþróunar, sem verði reglubundinn
þáttur í starfsemi þeirra.
Frá vinnuhópi LÍ um upplýsinga-, tækni- og gæðaþróun.
Hópinn skipuðu Björn Björnsson, Guðmundur I. Sverrisson,
Haraldur Briem, Högni Óskarsson, Ólafur Steingrímsson
hópstjóri og Sigurður Örn Hektorsson.
Högni Óskarsson gekk frá erindinu.
Greinargerð
Gæði læknisþjónustu má skilgreina sem jafn-
vægi, þar sem bætt heilsa er á annarri vogar-
skálinni, en á hinni er kostnaður og hugsanleg
áhætta eða skaði í kjölfar lækninga. Víða í
heilbrigðiskerfinu er ötullega unnið að því að
bæta og þróa þá þjónustu sem veitt er, innan
stofnana sem utan.
Undanfarna mánuði hefur hópur lækna, til-
nefndir af ýmsum félögum lækna og opinber-
um aðilum, unnið á vegum Heilbrigðis- og
tryggingamálaráðuneytis að gerð tillagna um
stefnu og framkvæmd í gæðaþróunarmálum