Læknablaðið : fylgirit - 01.09.1978, Page 17

Borgarspítalinn fékk til afnota í apríl 1973 og loks 5) Hjúkrunar- og endur-
haafingardeild í Hafnarbúðum fyrir 25 sjúklinga, en hún tók til starfa í sept.
1977.
Er þá samanlagður rúmafjöldi Borgarspítalans 419 rúm. Það er 168 almennum og
91 geðsjúkdómarúmi meira en gert hafði verið r’áð fyrir í áætlunum frá 1953 að
borgin réði yfir þegar fyrra áfanga væri lokið. Fæðingarheimili Reykjavíkurborgar
er ekki meðtalið hér.
Með tilkomu þessara sjúkrarúma hefur sjúkrarúmaeklunni þó ekki verið aflétt.
Þörfinni fyrir hjúkrunarrúm hefur ekki verið fullnægt, en nú eru loks hafnar fram-
kvændir við byggingu B-álmu spítalans, sem vonir standa til að leysi mikinn vanda
hjúkrunarsjúklinga. Eins og áður segir býr slysavarðstofan og önnur þjónusta við
utanspítalasjúklinga við alltof þröngan húsakost, og svipað er að segja um ýmsa
aðra þætti spítalastarfsins, en það hefur verið í stöðugum vexti. Unnið er að
byggingu 1. áfanga fyrirhugaðrar þjónustuálmu, sem ætlað er að ráða bót á þessu
vandamáli m.m. Þessar framkvændir, eins og bygging B-álmu, heyra til 2. áfanga
byggingar Borgarspítalans og verða ekki gerðar frekar að umtalsefni hér.
Sjúklingar og starfsmenn Borgarspítalans skipta mörgum hundruðum og mynda eigið
samfélag með sínar margvíslegu þarfir og fjölbreytta starfsemi til að sinna þeim.
Sú starfsemi gegnir mikilvægu hlutverki í spítalastarfinu og öll þarf hún sitt
húsrými. Misjafnlega er að henni búið í byggingu, sem mikið vantar á að enn sé
fullbyggð í fyrirhugaðri stærð og þar sem starfið er lifandi og þróunin ör.
Dagleg stjórn spítalans hefur skrifstofur sínar dreifðar um bygginguna. Stærst
þeirra þjónustudeilda, sem enn hefur ekki verið getið, er eldhúsdeildin með sína
fjölbreyttu matreiðslu fyrir spítalann og að nokkru einnig fyrir þrjár deildir
hans úti í bæ. Tvö bókasöfn eru starfandi í spítalanum, læknisfræðilegt bókasafn,
sem veitir mikilvæga sérhæfða þjónustu, og sjúklingabókasafn, sem er mannað
sjálfboðaliðum úr Kvennadeild Rauða kross íslands. Kennslustofur og saumastofa
eru í bráöabirgðahúsnceði, sem tengt er við enda sjúkraálmu, og barnaheimili fyrir
100 börn starfsmanna er starfrækt á lóð spítalans. Þá er sjúklingum veitt þjónusta
á sviði hárgreiðslu og fótsnyrtingar, og sölubúð með smávöru er í byggingunni.
Fyrri áfangi Borgarspítalans í Fossvogi var árið 1970, þegar hann var fullbyggður,
56382 rúmmetrar að stærð. Byggingarkostnaður frá upphafi til ársloka 1970
reyndist í heild 403.779.971 kr., og eru þá vextir (41,5 millj.), búnaður, laakna-
og rannsóknatæki, lóðarlögun o.s.frv. tekið með. Er ekki ófróðlegt að bera
byggingarkostnaðinn saman við annars vegar áætlunina, sem miðuð var á sínum tíma
við aðstæður árið 1953 og hins vegar við byggingarkostnað í ársbyrjun 1978.
Við^Borgarspítalann, allar deildir hans, eru um 750 stöður, miðað við fullt starf,
og áætlaður reksturskostnaður á þessu ári (1978) er um 2,8 milljarðar krónur. Á
byggingartíma fyrri áfanga Borgarspítalans bar ríkinu að greiða, lögum samkvænt,
60% af sjálfum byggingarkostnaðinum (en frá 1. janúar 1974, 85%). Ríkisstjómin
ræður þannig mestu um ákvarðanir varðandi framkvcandir á sviði heilbrigðismála og
um hraða þeirra. Reykjavíkurborg hefur þó í verulegum mæli lagt fram fé í þessu
skyni fyrr en henni ber, til að flýta fyrir framkvandum. Svo var m.a. um Borgar-
spítalann, en borgarstjórn og sérstaklega þeir borgarstjórar, sem hér áttu hlut
að máli,x sýndu jafnan mikinn áhuga á byggingarframkvaBirium spítalans. 1 árslok
1967 átti ríkissjóður ógoldið ■ 51% af lögboðnu framlagi sínu, en í árslok 1970,
39%, eða 89,6 millj. kronur.
Svo sem sagt var frá í upphafi þessa máls var Reykjavíkurbæ legið þungt á hálsi
fyrir framkvæirialeysi í sjúkrahúsmálum áður en hafist var handa um byggingu
x Borgarstjórar: Gunnar Thoroddsen 4.2.1947 - 19.11.1959,
Auður Auðuns 19.11.1959 - 6.10.1960,
Geir Hallgrímsson 19.11.1959 - 1.12.1972.
15