Læknablaðið : fylgirit - 15.12.1996, Qupperneq 96

96
LÆKNABLAÐIÐ 1996; 82/FYLGIRIT 34
V-75. Tengsl sjúkdóma og endurtekinna
verkja meðal íslenskra skólabarna
Gudrún Kristjánsdóttir
Frá námsbraut í hjúkrunarfrœði HÍ
Fyrri rannsóknir meðal skólabarna benda til
lítils sambands milli endurtekinna verkja (höfuð-,
maga- og bakverkja) og þess að vera með sjúk-
dóm eða hafa orðið fyrir slysi. Klínísk reynsla
segir okkur hins vegar að ýmsir sjúkdómar og
veikindi valdi verkjum til skamms eða lengri tíma
hjá börnum sem og öðrum. Faraldafræðilegar
rannsóknir á algengi verkja meðal veikra barna
eru þó af skornum skammti. Að verða fyrir höf-
uðmeiðslum á unga aldri hefur sýnt sig að auka
tíðni endurtekinna höfuðverkja, en lítið er vitað
um annars konar sambönd milli verkja og slysa.
Rannsókn þessi byggir á tilviljunarúrtaki 11 og
12 og 15 og 16 ára íslenskra skólabarna, alls 2173
börnum. Tilgangurinn er að varpa ljósi á algengi
endurtekinna verkja meðal þeirra barna sem segj-
ast vera með sjúkdóm og skoða samband þess að
vera með ýmsa sjúkdóma og hins að finna til
endurtekinna verkja. Einnig er skoðað samband
slysa sem gefið hafa tilefni til læknisheimsóknar á
skólaárinu og endurtekinna verkja.
Fyrstu niðurstöður benda til að samband sé
milli þess að finna til endurtekinna verkja (höf-
uð-, maga- og bakverkja) og að vera med ýmsa
sjúkdóma. Þær gerðir sjúkdóma sem helst virðast
koma við sögu tengjast taugakerfi, meltingar-
starfsemi, efnaskiptum og stoðkerfi. Enn frekar
benda niðurstöður til mjög veiks sambands milli
þess að hafa orðið fyrir slysi og hafa endurtekna
verki. Niðurstöðurnar verða skoðaðar í ljósi fyrri
rannsókna. Loks verður gildi þeirra fyrir hjúkrun-
arfræðinga og lækna i þjónustu við skólabörn
rætt.
I