Sveitarstjórnarmál - 01.02.1988, Blaðsíða 24

KYNNING SVEITARFÉLAGA
Hreppsnefnd hins nýja Reykhólahrepps
á einum fyrsta fundi sínum. Á myndinni
eru, talið frá vinstri: Smári Baldvinsson,
Valdimar Jónsson, Stefán Magnússon,
Guðmundur Ólafsson, oddviti, fyrir
enda borðsins, Áshildur Vilhjálmsdóttir,
Karl Kristjánsson og Einar Hafliðason.
Reinhard Reynisson, sveitarstjóri
hreppsins, tók myndina fyrir Sveitar-
stjómarmál.
Auk dvalarheimilisins verður í húsinu skrif-
stofa sveitarstjóra hins nýja Reykhólahrepps.
Einnig er hugmynd um að koma þar á fót dagvist
barna, og loks eru hugmyndir um, að þar mætti
finna húsrými undir vísi að byggðasafni og bóka-
safn hins nýja hrepps, en margar merkar bækur
eru til í bókasöfnum gömlu hreppanna, sem
þyrftu að komast í góða umhirðu, ef söfnin yrðu
sameinuð í eitt safn.
Heilsugœzlustöð
Heilsugæzlustöð tók til starfa í 120 ferm.
nýbyggðu húsi á Reykhólum haustið 1983, og
hafði gamla læknishúsið þá verið selt. Þangað
kemur læknir vikulega frá Búðardal, og héraðs-
hjúkrunarfræðingur, sem búsettur er á svæðinu,
hefur þar viðtalstíma tvisvar í viku. Eftir atvik-
um þykir heilbrigðisþjónustan nokkuð við-
unandi, þótt þar sé að finna þá íbúa landsins,
sem lengst eiga að sækja til læknis. Pað eru íbúar
á býlinu Kletti í Kollafirði, en þaðan eru 142 km
til Búðardals. Frá Reykhólum til Búðardals eru
þó 94 km, og til Garpsdals, þar sem hjúkrunar-
fræðingurinn býr, er um 30 km vegalengd. Um
árabil var erfitt að fá lækni til að sitja á Reyk-
hólum, en árið 1973 var Reykhólalæknishérað
sameinað Búðardalslæknishéraði, og síðan hafa
setið einn eða tveir læknar þar.
Heilsugæzlustöðin er byggð samkvæmt sömu
teikningu og heilsugæzlustöðvar á Stöðvarfirði
og Breiðdalsvík og er með móttökustofu læknis,
móttökustofu hjúkrunarfræðings og aðstöðu til
lyfjasölu og ungbarnaskoðunar.
Ýmislegt
Ný kirkja var vígð á Reykhólum árið 1963.
Kirkjan frá 1857 var tekin sundur og loks flutt
vestur í Saurbæ á Rauðasandi og reist þar.
Langt var komið að byggja mjólkurstöð
1960—1962, en hætt, þegar önnur reis í Búðar-
dal. Hluti þess húss er nú notaður sem félags-
heimili.
Flugbraut, sem er við Reykhóla, var nýlega
endurbyggð og lengd í 900 m. Jók það öryggi
héraðsbúa til mikilla muna.
Á Reykhólum eru nú alls 36 íbúðarhús eða
íbúðir. Þá má nefna umsvif nokkurra opinberra
stofnana. Vegagerð ríkisins hefur komið sér upp
umdæmisbækistöð á staðnum, Orkubú Vest-
fjarða rekur þar varaaflsstöð í stóru stál-
grindarhúsi, sem fyrirtækið Sjávaryrkjan reisti á
sínum tíma, Póstur og sími á hús undir starfsemi
sína, og endurvarpsstöð sjónvarps er við
„Reykhólasjó”.
Loks má þess geta, að kvenfélagið Liljan ann-
ast um skrúðgarð í Hvanngarðabrekku.
Lokaorð
í þessari samantekt hefur ýmsu fróðlegu verið
sleppt. Reynt var að stikla á stóru og taka fyrir
þær ákvarðanir, sem skiptu sköpum fyrir byggð
og ábúð á Reykhólum.
Sú ákvörðun íbúa þessa byggðarlags að
sameinast til einnar heildar við stjórn þessa
svæðis er merk ákvörðun.
Sú er einlæg ósk greinarhöfundar, að byggð
megi dafna, mannlíf megi blómgast og að
atvinnulíf fái fleiri styrkar stoðir til afla og
ábúðar fyrir íbúa þessa svæðis.
18 SVEITARSTJÓRNARMÁL