Sveitarstjórnarmál - 01.12.2001, Blaðsíða 19

Menningarmál
- Hefur hið góða samstarf við ríkisvaldið um
menningarborgarárið stuðlað að bœttum sam-
skiptum borgar og ríkis á öðrum sviðum?
„Þar hefur mönnum ekki tekist að hefja sig
upp yfir hið pólitíska skæklatog. Við hjá borg-
inni finnum mjög fyrir því i samstarfi við ráð-
herra Sjálfstæðisflokksins. í þeim efnum vantar
meira traust í samskiptunum. Af hálfu sveitarfé-
laganna vantar lika á að menn marki ákveðna
stefnu og sýni einbeittan vilja til að taka við
auknum verkefnum frá ríki svo dæmi sé tekið.
Menn geta ekki bæði borðað kökuna og átt
hana. Ef menn vilja í alvöru aukin verkefni verða
sveitarfélögin að eflast. Það þýðir ekki að vera
lengi í vafa urn það hvað menn vilja. Ef við eigum
að geta veitt íbúunum betri þjónustu verða sveitar-
félögin að fá meira sjálfsforræði um hvernig þau
veita þjónustuna. Að þau þurfi ekki alltaf að hlíta
forræði ríkisins og ná-
kvæmum fyrirmælum
þess um alla hluti svo
enginn möguleiki sé á
sveigjanleika. Ég hefi
í huga til að mynda
málefni fatlaðra. Ég
er líka eindregið
þeirrar skoðunar að
sveitarfélögin eigi að taka við löggæslunni. Þau
skipuleggja marga viðburði þar sem þörf er á þjón-
ustu lögreglu og þá þurfa þau að geta metið þörf á
löggæslu á hverjum stað og tíma. Þar að auki má
nefna hverfalöggæslu svo sjálfsagðan hlut að
borgin geti ráðið þjónustustiginu á sviði örygg-
ismála sem er ein mikilvægasta þjónusta sem
borgarsamfélagið þarf að veita þegnum sínum.
Fólk verður að geta treyst því að sæmilega sé
fyrir henni séð.“
- Telur þú sveitarfélögin almennt þess
megnug að ráða við fleiri verkefni en þau hafa
nú?
„Þegar ég horfi á sveitarfélagastigið í landinu
finnst mér að þau eigi að geta sinnt fleiri verk-
efnurn og þá á eigin forsendum. Það á að gera
þeim kleift að vera mikils megnug. Mér finnst að
verkefni menningarborgarársins hafi til dæmis
aukið almenna vitund fólks um að menningin
skiptir máli um að gera samfélögin samkeppnishæf
bæði innanlands og ekki síður þegar horft er til út-
landa, og þar á ég ekki aðeins við að listamenn séu
Rætt við borgarstjóra. Ljósm. Gunnar G. Vigfússon.
virkjaðir heldur að litið sé til þess að öll umgjörð
samfélagsins sé menningarleg og gefandi.
Umhverfi sem er menningarlegt og gefandi gefur
af sér skapandi og góða þjóðfélagsþegna. Ég held
að fólk sé betur meðvitað en áður um það hvað
skipti mestu máli og að byggðarlag með öfluga
menningarstarfsemi hafi vinninginn þegar fólk
spyr: Flvar viltu setjast að?
Ég vona að menningarborgarsjóðurinn geti
orðið einhvers staðar þó ekki væri nema sá
herslumunur sem vantar á til að koma á fót
menningarverkefni sem eitthvað munar um.
Mér finnst það verðugt verkefni sjóðsins.
Borgin hefur gert samstarfssamning við Vestur-
farasetrið á Flofsósi, sem er rnjög merkileg menn-
ingarstofnun, og mér skilst að rætt sé um að Lista-
safn borgarinnar gæti komið að stofnun Kjarvals-
stofu á Borgarfirði eystri. Mér þætti fara vel á því
ef af því gæti orðið. í
mínum huga er borgin
ekki í samkepppni við
önnur sveitarfélög hér
á landi heldur í sam-
keppni við aðrar
borgir í útlöndum.
Efling ýmissa þátta i
Reykjavík á að koma
í veg fyrir að fólk flytji til útlanda fremur en að
búa hér. Mér finnst það afskaplega misráðið þegar
reynt er að stilla sveitarfélögunum úti á landi upp
sem einni heild sem andstöðu andspænis Reykja-
vík. Landsbyggðin er ekki eitt. Aðstæður sveitarfé-
laga eru svo mismunandi frá einum landsluta til
annars að það er villandi urnræða sem aðeins elur á
togstreitu að stilla upp borginni sem andstæðu
landsbyggðarinnar.'
Unnar Stefánsson