Sveitarstjórnarmál - 01.12.2001, Blaðsíða 24

438
Söfn
Eiríkur Þoríáksson forstöðumaður:
Listasafn Reykjavíkur - Hafnarhús
Með opnun Listasafns Reykjavíkur í Hafnar-
húsinu við Tryggvagötu í apríl 2000 opnuðust nýir
möguleikar til sýningarhalds í Reykjavík og öll
starfsemi safnsins fékk aukinn byr í seglin.
Með opnun Hafnarhússins meira en tvöfaldaðist
sýningarrými safnsins, sem varð til þess að nú er
mögulegt að kynna með skipulegri hætti en áður
hina miklu listaverkaeign þess. Auk þess öðlaðist
safnið sérstakan vettvang til að þjóna mun betur en
áður myndlist sem orðið hefur til undanfarna ára-
tugi og byggir á tækni og framsetningu, sem var
nær óþekkt fyrir tveimur áratugum; nú er einnig
hægt að hýsa í safninu fjölbreytta menningarvið-
burði og atburði, sem áður var erfitt að setja upp í
listasöfnum hér á landi. Loks er í Hafnarhúsinu
útisýningarsvæði, sem er einstakt fyrir íslenskt
listasafn, og getur því orðið mikil lyftistöng fyrir
höggmyndalist í landinu.
Listasafn Reykjavíkur starfar nú á þremur stöðum
í borginni, því auk Hafnarhússins eru Kjarvals-
staðir á Miklatúni og Ásmundarsafn við Sigtún
hlutar þess, en jafnframt hefur safnið umsjón með
útilistaverkum Reykjavíkurborgar.
Segja má að það safn listaverka sem Reykjavíkur-
borg hafði eignast í áranna rás hafi fyrst fengið
Eiríkur Þorláksson lauk
BA-prófi í sagnfrœði frá
Háskóla íslands 1978 og
MA-prófi i listasögu frá
Universit)’ oflowa í Banda-
ríkjunum 1981.
Hann hefur stundað
kennslu í listasögu á fratn-
halds- og háskólastigi og
var listgagnrýnandi við
Morgunblaðið 1990-1997. Eiríkur varfram-
kvœmdastjóri Menntastofnunar Islands og Banda-
rikjanna 1989-1997, en hefur verið forstöðumaður
Listasafns Reykjavikur frá 1997.
heimilisfestu árið 1973 þegar Kjarvalsstaðir voru
opnaðir. Þar er að finna tvo stóra sýningarsali, sem
strax urðu mjög eftirsóttir, en fyrstu tvo áratugina
voru þeir leigðir einkaaðilum til sýninga samhliða
því sem settar voru upp sýningar á vegum húsráð-
enda.
Þetta fyrirkomulag varð til þess að aðeins voru
takmarkaðir möguleikar á að sýna listaverkaeign
borgarinnar, og því voru t.d. verk Jóhannesar S.
Anddyri Listasafns Reykjavíkur i Hafnarhúsinu við Tryggvagötu.