Milli mála - 01.01.2011, Qupperneq 50
50
Kimberlé W. Crenshaw upp í hugann. Hún hefur í skrifum sínum
um félagslega valdaása (e. intersections) fjallað um mótun sjálfsmynda
og varað við þeirri einföldun sem ráðið hefur umræðunni undanfarna
áratugi.65 Áhugi hennar beinist sérstaklega að afgerandi áhrifum
kynþáttar, kyns og stéttar þegar kemur að myndun sjálfsmyndar.
Fræðimaðurinn Summer Woo gengur enn lengra. Hún rannsakar
sérstaklega áhrif þess að vera af tveimur eða fleiri kynþáttum og
segir að slíkir einstaklingar „standi síendurtekið frammi fyrir hróp-
andi mótsögnum þegar kemur að því að skilgreina félagslega og
persónulega sjálfsmynd sína“.66 Hún leggur áherslu á nauðsyn þess
að ungmenni af blönduðum uppruna sem takast á við sjálfs-
myndarsköpun þarfnist jákvæðra fyrirmynda.67 Dora Pulido-
Tobiassen og Janet González-Mena taka í sama streng. Þær vara við
því að ungmenni af blönduðum uppruna verði að „sætta mót-
sagnakennd skilaboð um hver þau eru og hvert hlutverk þeirra sé í
samfélagi sem úthlutar forréttindum til hvítra en lítur niður á
litaða“.68 Einstaklingur af blönduðum uppruna stendur and spænis
erfiðum hindrunum jafnhliða því sem hún eða hann tekst á við
sömu fordóma og blökkumenn. Rossi lætur afkomendur Orland-
usar og Irene annars vegar og Láru/Aishu hins vegar takast á við
kynþáttafordóma jafnt frá hvítum sem svörtum íbúum Kostaríku.
Lára er dæmd út á jaðarinn því, eins og Pulido-Tobiassen og
González-Mena benda á: „þá gera almennar skilgreiningar okkar á
kynþætti ekki ráð fyrir börnum sem ekki eru „þessi“ eða „hinn“,
heldur „báðir“ eða „margir““.69 Dominique Michel-Peres hefur
65 Kimberlé Crenshaw o.fl., Critical Race Theory: The Key Writings that Formed the Movement, New
York: New Press, 1995.
66 Summer Woo, „The Radical Identity of Asian American/White Children and Experiences of
Race“, sjá: http://www.allacademic.com/ [sótt í september 2011]. Þar segir hún; „continually face
ambiguities and contradictions when defining their social and personal identity“, bls. 2.
67 Sama rit, bls. 3.
68 Janet González-Mena og Dora Pulido-Tobiassen, „Apoyando el desarrollo de una identidad sana“,
sjá: http://teachingforchange.org/files(022-B.pdf [sótt í september 2011]. Þar segja þær;
„reconciliar los mensajes conflictivos acerca de quiénes son y su valor en una sociedad que
concede privilegios a la gente con piel blanca y devalúa a la gente de piel oscura“, bls. 1.
69 „los usos comunes de las categorías raciales no toman en cuenta un niño que no es ‘uno’ o ‘el
otro’, sino que es ‘ambos’ o ‘muchos’“, sama rit, bls. 4. Sjá enn fremur hugmyndir Philips M.
Browns þar sem hann staðhæfir að einstaklingar af blönduðum uppruna lendi í sálfræðilegum
jafnt sem félagslegum erfiðleikum þegar að því kemur að velja sér fyrirmyndir og samfélagslegan
samastað. Philip M. Brown, „Biracial Identity and Social Marginality“, sjá: http://www.springer-
link.com/content/g87216837t5427n3/ [sótt í september 2011, bls. 320].
Að SKYGGNAST Í SKÚMASKOTIN