Milli mála - 01.01.2011, Blaðsíða 213

213
það kvalræði eitt, á vit mestu auðæfa sem yngri sonur hefur nokkru
sinni eignast. Eins og hægt er að ímynda sér, var greifynjunni af
Tende órótt um nóttina, undir morgun kallaði hún á þernur sínar
og stuttu eftir að herbergið var opnað sá hún hvar hestasveinninn
kom og lagði bréf á rúmið hennar án þess að nokkur yrði þess var.
Það eitt að sjá bréfið kom henni úr jafnvægi bæði vegna þess að hún
vissi að bréfið var frá riddaranum af Navarre og vegna þess að það
var mjög ólíklegt að hann hefði haft tíma um nóttina, sem átti að
vera brúðkaupsnóttin, til að skrifa henni og því óttaðist hún að
hann hefði gert eitthvað, eða að eitthvað hefði gerst, sem hefði
komið í veg fyrir brúðkaupið. Hún opnaði bréfið í mikilli geðs-
hræringu og stóðu þessi orð:
Ég hugsa aðeins um yður, frú, aðeins þér leitið á huga minn, og á
þessum fyrstu stundum sem besti kvenkostur í Frakklandi er lögleg
eign mín, yfirgef ég í dagrenningu herbergið þar sem ég eyddi
nóttinni til að segja yður að ég hef nú þegar iðrast þess þúsund
sinnum að hafa hlýtt yður í stað þess að snúa baki við öllu til þess
að lifa einungis fyrir yður.
Bréfið, og ritunartími þess, snertu greifynjuna djúpt; hún snæddi
miðdegisverð með prinsessunni af Neufchâtel sem hafði beðið hana
að koma til sín. Opinber tilkynning hafði verið gefin út um
hjónabandið. Fjöldi manns var í herbergi prinsessunnar en um leið
og prinsessan sá greifynjuna yfirgaf hún gestina og bað greifynjuna
að koma inn í innri stofuna. Þær voru ekki fyrr sestar en tárin tóku
að streyma úr augum prinsessunnar. Greifynjan hélt að það væri af
völdum tilkynningarinnar um hjónabandið, sem prinsessan hefði
átt erfiðara með að þola en hún hafði búist við, en hún sá fljótt að
hún hafði rangt fyrir sér. „Æ, frú mín,“ sagði prinsessan, „hvað hef
ég gert? Ég gekk að eiga mann vegna þess að ég elskaði hann;
hjónabandið er mér til skammar, hann er lægra settur en ég, ekki
verðugur mín og þessi maður sem ég tók fram yfir allt elskar aðra
konu!“ Við þessi orð lá við að greifynjan af Tende félli í yfirlið; hún
taldi að prinsessan hefði ekki getað getið sér til um ástir eiginmanns
síns án þess að átta sig á hver konan var sem hann elskaði; hún kom
ekki upp orði. Prinsessan af Navarre (hún gekk undir því nafni eftir
MADAME DE LAFAYETTE