Milli mála - 01.01.2010, Qupperneq 189

5. rannsóknin
Í nóvember 2009 var send út rafræn könnun með 21 spurningu á alla
sem skráðir eru á póstlista starfsmanna Háskóla Íslands hi-starf. Á
þeim tíma voru um 643 fastráðnir kennarar skráðir á þennan póstlista,
um 600 starfsmenn í stjórnsýslu en einnig um 1250 stundakennarar
(skv. heimasíðu Háskóla Íslands). Ekki var unnt að fá upplýsingar um
hversu margir notenda póstlistans voru virkir og spurningarnar áttu
ekki við aðra en þá sem stunda fræðistörf. Viku síðar voru kennarar
minntir á könnunina. Svör bárust frá 238 kennurum: 121 konu og 117
körlum. Dreifing eftir fræðasviðum var nokkuð jöfn (frá 39–49) af
flestum sviðum en 60 svarendur voru af Félagsvísindasviði, sem er
fjölmennasta fræðasvið Háskólans. Tuttugu svarendur voru 22–30 ára
en fjölmennasti aldurshópurinn var 51–60 ára eða 75. Svarhlutfall
varð lægra en við höfðum vonast til en engu að síður draga
niðurstöðurnar fram áhugavert mynstur sem vert er að gefa gaum.
Í þessari grein verður sjónum beint að þeim spurningum er
varða notkun tveggja tungumála, ensku og íslensku, í tengslum við
kennslu og fræðaskrif (skrifum í ritrýnd rit) og hvernig kennarar
telja sig búna undir að nota ensku í starfi. Spurningum má skipta í
þrjá flokka eftir inntaki og tilgangi. Stundum var leitað eftir
upplýsingum um sama efni í fleiri en einni spurningu.
Fyrsti flokkur spurninga hverfðist um að hve miklu leyti kenn-
arar töldu sig búna undir að takast á við ensku. Í þeim flokki var
spurt hvort svarendur hefðu stundað framhaldsnám í enskumæl-
andi landi og hvernig þeir mætu eigin enskukunnáttu. Í öðrum
flokki spurninga var leitað eftir upplýsingum um hversu mikill
hluti námsefnis sem þeir legðu fyrir nemendur væri á ensku og
hvort kennarar teldu ávinning af því eða ekki að nota ensku í
kennslu og hverju það skipti um vinnuálag þeirra að vinna með tvö
tungumál. Spurt var um hvaða áhrif kennarar teldu það geta haft á
getu nemenda sinna til að fjalla um efnið á móðurmálinu þegar stór
hluti námsefnisins væri á ensku. niðurstöður úr flestum spurning-
anna í öðrum flokki sem varða kennslu er lýst annars staðar40 og
verður ekki fjallað um þær hér.
BIrna arnBJörnSDÓTTIr Og HaFDÍS IngVarSDÓTTIr
189
40 Hafdís Ingvarsdóttir og Birna arnbjörnsdóttir, „Coping with English at Tertiary Level:
Instructors’ Views“.
Milli mála 2011_Milli mála 1-218 6/28/11 1:39 PM Page 189