Morgunblaðið - 23.10.2014, Page 30
Á VEIÐUM
Benedikt Bóas
benedikt@mbl.is
Á morgun hefjast jólin hjá rjúpna-
veiðimönnum. Þá hefst rjúpna-
veiðitímabilið þar sem skyttur fara
á fjöll til að veiða í jólamatinn.
Tímabilið stendur í tólf daga þar
sem veiða má þrjá daga í senn frá
föstudegi til sunnudags, fjórar
helgar í röð. Síðasti veiðidagur er
16. nóvember. Ekki er víst að
veðrið verði veiðimönnum hliðhollt
alla dagana og mikilvægt að huga
vel að því við undirbúning. Sam-
kvæmt spá helgarinnar verður fínt
að ganga til rjúpna á Norðurland-
inu en verra annars staðar.
Sunnudagurinn gæti svo orðið
ónýttur og í raun ónýtur vegna
djúprar lægðar sem stefnir á land-
ið.
Skotveiðifélag Íslands, Skotvís,
sendi frá sér tilkynningu í vikunni
en veiðimenn eru flestir afar
ósáttir við að vera nánast skipað á
fjöll í hvaða veðri sem er.
„Hvað varðar fjölda leyfilegra
veiðidaga vill Skotvís engu að síð-
ur ítreka fyrri áherslur sínar varð-
andi veiðitíma á rjúpum, þar sem
lagt er til að stunda megi veiðar
að minnsta kosti í 18 daga, yfir
sex vikna tímabil. Rökstuðningur
Skotvís byggist á þeirri staðreynd
að á þeim árum sem veiðidögum
fækkaði úr 69 í níu hafði fjöldi
leyfilegra veiðidaga engin áhrif á
sóknina. Þann árangur sem náðst
hefur við að ná niður heildarveið-
inni má rekja til sölubanns á
rjúpnaafurðum, sem sett var á ár-
ið 2005 og hefur verið í gildi síðan.
Stíga á varlega til jarðar
Þó svo að vel megi rökstyðja að
leyfilegir veiðidagar ættu að vera
fleiri en 18 og tíminn lengri en sex
vikur telur Skotvís að stíga eigi
varlega til jarðar við fjölgun daga
umfram þessar tillögur.
Með þessu móti ætti að skapast
nægilegt svigrúm fyrir veiðimenn,
stofnanir og fræðimenn til að
rannsaka áhrif annarra þátta en
veiða.“
Skotvís vill ennfremur benda
veiðimönnum á að ganga vel um
landið – þannig geta þeir haft
áhrif. „Nú í aðdraganda veiðanna
og meðan á þeim stendur biður
Skotvís veiðimenn að sýna öðrum
gott fordæmi í anda siðareglna
skotveiðimanna, njóta útiverunnar
og félagsskaparins þessa 12 daga
sem leyft er að veiða, tína upp tóm
skothylki og skilja ekkert eftir
nema sporin sín.“
Fínt á föstudag
Einar Sveinbjörnsson á Veður-
vaktinni segir að um helgina megi
vænta hæglætisvetrarveðurs víð-
ast hvar á föstudag, með hægum
vindi og smáéljum hér og þar. „Á
laugardag hvessir hins vegar af
austri og þá má reikna með snjó-
komu og skafrenningi til fjalla en
slyddu á láglendi. Einkum um
sunnanvert landið. Norðan- og
norðaustanlands er útlit fyrir
heldur skárra veður. Á sunnudag
dregur svo enn frekar til tíðinda
og talsverðar líkur þá á norð-
ankasti á landinu samfara djúpri
lægð fyrir austan land.“
Ekkert á að skilja eftir nema sporin
Rjúpnaveiðitímabilið hefst á morgun Fjöldi leyfilegra veiðidaga hefur engin áhrif á sóknina
Spáð vondu veðri á sunnudag og því gæti einn dagur farið í súginn Skotvís vill fleiri daga
Morgunblaðið/Golli
Bráð í sjónmáli Veiðimenn veiða rúmlega 10% af stofni rjúpunnar en sölubann sem sett var á laggirnar 2005 hefur
stuðlað að hóflegum veiðum flestra veiðimanna þótt alltaf séu til svartir sauðir sem stunda magnveiðar.
30 FRÉTTIRInnlent
MORGUNBLAÐIÐ FIMMTUDAGUR 23. OKTÓBER 2014
Það er árviss viðburður að björg-
unarsveitir séu ræstar út til að
aðstoða rjúpnaskyttur í vanda.
Með því að undirbúa sig vel má
bæði koma í veg fyrir slys og að
villast.
Hér koma nokkur einföld ráð
frá Vátryggingarfélagi Íslands:
» Mikilvægt er að veiðimenn búi
sig vel, kynni sér í þaula færð og
veður fyrir brottför og taki fullt
mark á viðvörunum.
» Skoði gasspá og mælingar á
loftgæðum. Ef gasmengun er á
svæðinu getur þurft að endur-
skoða áætlanir og/eða hafa með
sér viðeigandi búnað. Rakur klút-
ur fyrir vitum getur hjálpað.
» Gera ferðaáætlun og skilja
hana eftir hjá vandamönnum.
» Klæðast fatnaði í nokkrum
lögum og það ysta vel vind- og
vatnshelt og í áberandi lit.
» Vera í vatnsheldum skóm með
grófum sóla.
» Hafa áttavita, kort og fjar-
skiptatæki með í för. Gæta þess
að allar rafhlöður séu vel hlaðnar
og vera með 112 snjallsíma-
forritið í símanum.
» Vera á vel útbúnum bíl, á góð-
um vetrardekkjum.
» Hafa orkuríkt nesti og nægan
vökva með í för og gott er að
hafa hluta vökvans heitan.
» Ekki vera ein/n á ferð og gæta
að öðrum veiðimönnum.
» Aldrei geyma byssuna hlaðna í
bílnum og hafa öryggið á á
göngu.
» Spenna ávallt bílbeltið.
Búnaður og
þekking
RJÚPNASKYTTUR ÞURFA
AÐ HUGA AÐ MÖRGU
Þrítugasti og sjötti árgangur Jarðhitaskólans útskrif-
aðist síðasta föstudag og fór athöfnin fram í Víðgelmi,
fyrirlestarsal Orkugarðs. Að þessu sinni útskrifuðust 29
nemendur frá 14 löndum. Nemendur komu frá Bólivíu
(1), Kína (1), Djibouti (2), Ekvador (1), El Salvador (1),
Eþíópíu (2), Íran (1), Kenýa (11), Papúa Nýja-Gíneu (1),
Portúgal (2), Rúanda (2), Sankti Vinsent og Grenad-
íneyjum (1), Súdan (1) og Tansaníu (1).
Frá upphafi hafa 583 nemendur frá 58 löndum útskrif-
ast úr skólanum, en auk þess stendur skólinn fyrir styttri
námskeiðum í þróunarlöndum þar sem fleiri sérfræð-
ingum gefst tækifæri á þjálfun. Jarðhitaskóli Háskóla Sameinuðu þjóðanna
hefur starfað í Reykjavík frá 1979 og er hluti af þróunaraðstoð Íslendinga.
Skólastjóri er Lúðvík Georgsson.
Árlega koma um og yfir 30 raunvísindamenn og verkfræðingar frá þró-
unarlöndunum til sex mánaða sérhæfðs náms í jarðhitafræðum og á annan
tug eru í meistara- og doktorsnámi í samvinnu við Háskóla Íslands.
Útskrifuðu 29 nemendur frá 14 löndum
Geðhjálp og samtökin Olnboga-
börn halda málþing á Gullteigi á
Grandhóteli í dag.
Heiti málþingsins er: Börn og
ungmenni með tvíþættan vanda,
hvernig kemur heilbrigðis- og
velferðarþjónusta til móts við
börn og ungmenni með vímu-
efna- og geðrænan vanda?
Málþingið hefst klukkan 10
og stendur til klukkan 16. Alls
verða flutt 14 erindi og að þeim
loknum verða pallborðs-
umræður með þátttöku fimm
sérfræðinga.
Fundarstjóri er Helgi Seljan.
Rætt um ung-
menni með tví-
þættan vanda Ljóstæknifélag Íslands var stofnað
22. október 1954. Félagið er því orð-
ið 60 ára. Af þessu tilefni býður
stjórn LFÍ til málþings fimmtudag-
inn 23. október kl. 13:30 í höfuð-
stöðvum Orku náttúrunnar á Bæj-
arhálsi 1.
Einnig verður kynnt ný og upp-
færð útgáfa af ritinu „Góð lýsing á
heimilinu“.
Í tengslum við málþingið verður
sýningin „Svipmyndir úr 60 ára sögu
LFÍ“ í samantekt Aðalsteins Guð-
johnsen, Daða Ágústssonar og Guðna
Gíslasonar. Hún verður sett upp í
sýningarsalnum 100 gráður í tilefni
dagsins.
Dagskráin er öllum opin.
Afmælismálþing um
ljóstækni og sýning
STUTT
Skólavörðustíg 7 | 101 Reykjavík | Sími 551 5814 | www.th.is
Bleikur fimmtudagur
opið til 21:0020% afsláttur af öllum
hönskum frá 23-25 okt.