Morgunblaðið - 23.10.2014, Blaðsíða 72

þjóðlegt
gómsætt
og gott
alla daga
Gríptu með úr næstu verslun
www.flatkaka.is
kÖku
gerÐ hp
JÓLAtónleikar
Ásgeir Ingvarsson
ai@mbl.is
Þ
að var fyrir tæpum áratug að
systkinin Ellen Kristjáns-
dóttir og Kristján Krist-
jánsson, KK, héldu sína
fyrstu jólatónleika. Tilefnið var jóla-
platan Jólin eru að koma sem leit
dagsins ljós í árslok 2005, að sögn
Ellenar fyrir hálfgerða slysni.
„Við ætluðum að gera okkar
fyrstu „systkinaplötu“ og vorum að
reyna að semja lög fyrir það verk-
efni. Þetta var í júlí eða ágúst og
óvænt þróast tónsmíðarnar út í það
að hlusta á og semja jólalög,“ segir
hún.
Ellen lýsir hvernig þau Kristján
leituðu uppi jólalega og hátíðlega
texta bæði úr safni fjölskyldunnar
og úr verkum sumra ástkærustu
ljóðskálda þjóðarinnar. Titillag plöt-
unnar var einmitt kvæði og lag
ömmu þeirra Ellenar og Kristjáns,
Elínar Eiríksdóttur frá Ökrum.
„Öll þessi vinna fór hálfpartinn
fram í leyni og endaði með því að í
október vorum við komin upp í sum-
arbústað með Ívari Bongó. Fyrr en
varði voru tólf lög tilbúin til útgáfu
og örstutt til jóla.“
Síðan þá hafa Ellen og Kristján
haldið jólatónleika hvert einasta ár
og fengið til liðs við sig úrvalshóp
listamanna. Ellen segir systkinin
hafa verið tvö saman fyrst um sinn
en síðan hafi tekið að fjölga í hópn-
um. Að þessu sinni er hljómsveitin
skipuð þeim Jóni Ólafssyni, hljóm-
sveitarstjóra og hljómborðsleikara,
Andra Ólafssyni bassaleikara, Bryn-
dísi Höllu Gylfadóttur sellóleikara
og Lilju Valdimarsdóttur sem leikur
á franskt horn.
Alls verða tónleikarnir tíu talsins,
hér og þar um landið. Ellen og KK
troða upp sem dúett í Ólafsvík 3.
desember og Landnámssetrinu
Borgarnesi 19. desember. Öll hljóm-
sveitin kemur fram 29. nóvember í
Neskirkju, 30. nóvember í Lang-
holtskirkju, 12. desember í Hljóma-
höllinni Keflavík, 13. og 14. desem-
ber í Salnum Kópavogi, 15.
desember í Fríkirkjunni í Reykja-
vík, 20. desember í Bæjarbíói Hafn-
arfirði og 21. desember í Graf-
arvogskirkju.
„Fátækleg jól“
Aðspurð hvernig yfirbragðið verð-
ur á jólatónleikunum segir Ellen að
það megi eiga von á rólegri og nota-
legri stemningu þar sem blandað er
saman frumsömdum jólalögum úr
smiðju systkinanna og sígildum jóla-
söngvum, jafnt gömlum sem nýjum.
„Ónafngreindur en þekktur tón-
listarmaður gantaðist skemmtilega
með það þegar diskurinn kom út ár-
ið 2005 og kallaði hann KK og Ellen:
fátækleg jól. Kom þetta til af því að
tónlistarflutningurinn var mjög fá-
brotinn: bara söngur og gítarleikur,“
segir hún. „Þó bæst hæfi við lítil
hljómsveit er einfaldleikinn enn til
staðar og tónlistinni gerð skil á lát-
lausan hátt.“
Inni á milli laga segir Kristján
gestum frá jólunum eins og þau voru
í æsku hans og Ellenar, á stóru
heimili, yngst fimm systkina. „Það
er mikill uppistandari í bróður mín-
um þegar sá gállinn er á honum og
hann getur verið afskaplega fynd-
inn. Eina söguna hefur hann sagt ár
eftir ár á jólatónleikunum og í hvert
sinn hef ég átt í mestu erfiðleikum
með að stilla mig, oft hlegið í gegn-
um heilu lögin á eftir. Var það fyrst í
fyrra að ég fór að loksins komast yf-
ir þetta og geta sungið hlátralaust
eftir þessa sögu.“
Leppalúði í Lundi
Bæði eru þau Ellen og Kristján
mikil jólabörn og segir Ellen KK
vera mikinn jólasvein og uppá-
tækjasaman þegar þessi árstími
gengur í garð. Þannig hafi hann og
einn af eldri bræðrunum stundað
það, þegar fjölskyldan bjó í Lundi
í Svíþjóð, að hræða börnin í næstu
húsum og láta þau halda að Grýla
og Leppalúði væru á ferð.
Hún segir það forréttindi fyrir
systkinin að fá að eiga þennan
góða og ánægjulega tíma saman í
desember ár hvert. „Ég hlakka til
þessara tónleika og ómetanlegt er
að troða svona upp á ólíkum stöð-
um í miklu jólaskapi.“
Á móti kemur að lítill tími vill
gefast fyrir jólaundirbúning í des-
ember. Fyrir utan alla tónleikana
með Kristjáni syngur Ellen einnig
á árlegum jólatónleikum Borg-
ardætra. Ekki bætir úr skák að
Ellen er gift Eyþóri Gunnarssyni
sem spilar bæði með Baggalúti og
Borgardætrum um jólin. Tónleika-
hald þeirra beggja þýðir að sam-
verustundirnar á aðventu eru fáar.
„Ég reyni að undirbúa það sem ég
get af jólunum í nóvember en svo
gengur þetta allt samt vel fyrir
sig, með hefðbundnu jólastússi, ys
og þys, og endar með kærleiks-
ríkum jólum með stórfjölskyld-
unni.
Miðar á tónleika Ellenar og KK
verða seldir á www.midi.is
Morgunblaðið/Sverrir
Huggó Ellen og KK verða meða annars í Fríkirkjunni í Reykjavik.
Slysuðust til að
gera jólaplötu
Ellen Kristjánsdóttir segist oft eiga í mesta
basli með að halda aftur af hlátrinum þegar
bróðir hennar Kristján deilir æskuminn-
ingum með gestum á jólatónleikunum
Morgunblaðið/Skapti Hallgrímsson
Minningar „Það er mikill uppistandari í bróður mínum þegar sá gállinn er á honum og hann getur verið afskaplega
fyndinn,“ segir Ellen um innslögin á milli laga þegar KK segir frá jólunum á æskuheimili þeirra systkinanna.