Morgunblaðið - 23.10.2014, Qupperneq 38

VIÐTAL
Agnes Bragadóttir
agnes@mbl.is
Brynjar Harðarson, framkvæmda-
stjóri Valsmanna hf., sem eiga land-
svæðið á Hlíðarenda, þar sem þeir
hyggjast byggja upp 500 íbúða
byggð og atvinnuhúsnæði, gefur
ekki mikið fyrir það sem fram kom á
fundi um framtíð
Reykjavíkurflug-
vallar í fyrra-
kvöld, og var boð-
að til af
félagsskapnum
Hjartað í Vatns-
mýrinni.
„Við vinnum
áfram samkvæmt
þeim áætlunum
að uppbyggingin
geti hafist fyrir
árslok. Valsmenn hf. starfa að und-
irbúningnum á grund-velli gildandi
deiliskipulags, sem gefið var út í
október árið 2010,“ sagði Brynjar í
samtali við Morgunblaðið í gær. „Ég
tel að þessi fundur hafi verið algjört
gönuhlaup, því það var ekki verið að
veita okkur neitt framkvæmda- eða
byggingarleyfi. Við erum með starf-
andi samráðshóp Reykjavíkurborg-
ar, Vals og Valsmanna hf. um und-
irbúning þessara framkvæmda, og
sá samráðshópur er að sækja um
framkvæmdaleyfi fyrir fram-
kvæmdavegi til að skilja að íþrótta-
svæði Vals og uppbyggingarsvæð-
ið.“
Brynjar bendir á að Valsmenn hf.
hafi keypt landið sem um ræðir fyrir
tíu árum og þá greitt fyrir hálfan
milljarð króna.
„Við erum ekki á móti Reykjavík-
urflugvelli. En mér finnst það
gleymast í umræðunni að hér er um
tvö aðskilin mál að ræða, annars
vegar er það neyðarbrautin svokall-
aða og svo er það Reykjavíkurflug-
völlur í heild sinni. Á þessum fundi
flugvallarvinanna var verið að
blanda þessum málum saman,“ segir
Brynjar.
Spurður um það viðhorf sem fram
kom á fundinum í fyrrakvöld, að
nauðsynlegt væri að Rögnunefndin
svonefnda, sem fjallar um framtíð
innanlandsflugsins og flugvöllinn,
fengi að ljúka störfum, áður en tekn-
ar væru óafturkræfar ákvarðanir í
skipulagsmálum, sagði Brynjar:
„Samkvæmt embættisbréfi Rögnu
Árnadóttur frá því að hún var í fyrra
skipuð formaður nefndarinnar er
nefndin ekkert að fjalla um neyðar-
brautina. Ragna hefur lýst því yfir á
fundum með okkur, að ekkert í
hennar vinnu snerti þessa umræddu
flugbraut.“
Brynjar segir að þegar þríhliða
samkomulagið um flugvallarnefnd-
ina var gert í október í fyrra, hafi
Hanna Birna Kristjánsdóttir innan-
ríkisráðherra gefið út þá yfirlýsingu
að hún myndi gefa nefndinni vinnu-
frið. Rögnunefndin á að skila niður-
stöðum sínum fyrir áramót, eins og
fram hefur komið í Morgunblaðinu.
Fjallar ekki um neyðarbrautina
Brynjar segir að þegar nefndin
hafi skilað af sér muni koma á dag-
inn að ekkert í umfjöllun hennar taki
til þriðju flugbrautarinnar, neyðar-
brautarinnar. Það verði einfaldlega
að taka sjálfstæða ákvörðun um
hana.
Brynjar bendir jafnframt á að
þegar til hafi staðið að samgöngu-
miðstöð yrði byggð á sama svæði og
Valsmenn hf. undirbúa nú uppbygg-
ingu, þ.e. norðan við Loftleiðahótel-
ið, hafi engum andmælum verið
hreyft, þótt ljóst hafi verið þá að
neyðarbrautin yrði að víkja. „Svo er
nú ekki úr vegi að benda á að neyð-
arbrautin er að einum þriðja undir
mold í dag, þannig að það er fyrir
löngu búið að aftengja stóran hluta
þessarar brautar,“ segir Brynjar.
„Það er enginn vandi að þróa
byggð í Vatnsmýrinni á sama tíma
og þar er rekinn nýtískulegur flug-
völlur og á fundinum í gær komu þau
sjónarmið fram í máli tveggja frum-
mælenda. Ég held að ef menn halda
áfram að berja hausnum við steininn
og berjast fyrir flugvellinum í
óbreyttri mynd muni það á endanum
skaða mest hagsmuni flugvallarins
sjálfs. Flugvöllurinn þarf að þróast
eins og öll mannanna verk,“ sagði
Brynjar að lokum.
„Ekki á móti flugvellinum“
 Brynjar Harðarson, framkvæmdastjóri Valsmanna hf., segir Reykjavíkurflugvöll þurfa að þróast
 Segir fundinn á Hótel Natura, sem flugvallarvinir boðuðu til, hafa verið gönuhlaup
Hlíðarendi Valsmenn hf. áforma mikla uppbyggingu vestan undir Öskjuhlíð. Þar er stefnt að því að reisa um 500
íbúðir, í fimm hæða blokkum. Áformin gera ráð fyrir að einnig verði reist verslunar- og atvinnuhúsnæði á reitnum.
Brynjar
Harðarson
38 FRÉTTIRInnlent
MORGUNBLAÐIÐ FIMMTUDAGUR 23. OKTÓBER 2014
Brynjólfur Þorkelsson
Framkvæmdastjóri
binni@remax.is
Sylvía Walthers
Löggiltur fasteignasali
sylvia@remax.is
Vilt þú vita
hvers virði
eignin þín
er í dag?
Pantaðu frítt
söluverðmat án
skuldbindinga!
Skeifunni 17
„...virkilega vönduð, lipur og góð
þjónusta. Allt sem þau sögðu
stóðst. Auðvelt að mæla
með Remax Alpha!“
Áslaug og Benni
HRINGDU NÚNA
820 8080
Á málstofu RNH, Rannsóknarseturs um ný-
sköpun og hagvöxt, föstudaginn 24. nóvember
mun bandaríski hagfræðingurinn Corbett
Grainger, prófessor í Wisconsin-háskóla, bera
saman auðlindaskatt í sjávarútvegi og úthlutun
afnotaréttinda, en hann hefur birt fjölda fræði-
greina um það mál.
Ragnar Árnason prófessor mun greina og
gagnrýna ýmsar mælingaskekkjur og hugs-
anavillur í umræðum á Íslandi um tekjudreif-
ingu og skatta.
Hannes H. Gissurarson prófessor mun ræða
um nýútkomna bók franska hagfræðingsins
Thomasar Pikettys um Fjármagn á 21. öld, en
sú bók hefur vakið mikla athygli og verið mis-
jafnlega tekið. „Vill Piketty leggja alþjóðlega
ofurskatta á stóreignamenn og hátekjufólk.
Mun Hannes gagnrýna talnameðferð og röksemdir Pikettys og meðal ann-
ars bera saman tekjudreifingu í heiminum og á Vesturlöndum síðustu ára-
tugi, lýsa áhrifum hnattvæðingarinnar á tekjudreifingu og tala um, hvað sé
óréttlátt við tekjudreifingu samkvæmt frjálsu vali og hvað Balzac, sem
Piketty vitnar oft í, segi í raun og veru um ríkt fólk í skáldsögum sínum,“
segir í tilkynningu.
Auk RNH standa Samtök skattgreiðenda að málstofunni. Hún er í fund-
arsal fyrirtækisins Gamma við Garðastræti 37 kl. 16-17.30, en síðan er mót-
taka þar í boði RNH til 19. Aðgangur er ókeypis og allir velkomnir.
Málstofa um nýsköpun og hagvöxt
Corbett Grainger
Á málstofu Hafrannsóknastofnunar
fimmtudaginn 23. október flytur
Ástþór Gíslason fiskifræðingur er-
indi sem nefnist: Dreifingu og flutn-
ingi dýrasvifs á Selvogsbanka að
vorlagi lýst með svifsjá. Erindið
verður flutt kl. 12:30 í fyrirlestr-
arsal á fyrstu hæð á Skúlagötu 4 og
eru allir velkomnir.
Í erindinu verður lýst útbreiðslu
dýrasvifs og sviflægra agna á fín-
og stórkvarða á Selvogsbanka í
tengslum við umhverfisþætti og
plöntusvif.
Jafnframt verður lýst líklegum
flutningsleiðum svifsins með því að
tvinna saman upplýsingar um
mergð og útbreiðslu svifs og nið-
urstöður þrívíddarstraumalíkans af
íslenska hafsvæðinu.
Erindi um dreifingu og flutning dýrasvifs
STUTT
Ögmundur Jónasson, fyrrver-
andi innanríkisráðherra, og Jón
Gnarr, fyrrverandi borgarstjóri í
Reykjavík, skrifuðu hinn 19. apr-
íl 2013, réttum átta dögum fyrir
alþingiskosningarnar, undir
samkomulag um endurbætur á
aðstöðu fyrir farþega og þjón-
ustuaðila á Reykjavíkurflugvelli.
Í samkomulaginu fólst meðal
annars að Isavia tæki yfir rekst-
ur og eignarhald á núverandi
flugstöð Flugfélags Íslands, að
gerð yrði viðskiptaáætlun fyrir
nýja flugstöð og að fallið yrði
frá fyrri áformum um byggingu
samgöngumiðstöðvar í Vatns-
mýri.
Nú, einu og hálfu ári eftir
undirritun samkomulagsins,
hefur ekkert verið gert til þess
að hrinda samkomulagi ríkis og
borgar um endurbætur á að-
stöðu á Reykjavíkurflugvelli í
framkvæmd.
Friðþór Eydal, upplýsinga-
fulltrúi Isavia, sagði í samtali
við Morgunblaðið í gær að það
eina sem hefði gerst á þessum
18 mánuðum væri að fulltrúi
Icelandair Group væri kominn í
Rögnunefndina.
SAMKOMULAG RÍKIS OG
BORGAR 19. APRÍL 2013
Ekkert gerst í
18 mánuði
Kampakátir Ögmundur Jónasson
og Jón Gnarr undirrita samninginn.