Morgunblaðið - 23.10.2014, Qupperneq 62

62 FRÉTTIRErlent
MORGUNBLAÐIÐ FIMMTUDAGUR 23. OKTÓBER 2014
DREIFARAR • SNJÓTENNUR • SNJÓBLÁSARAR • SLITBLÖÐ
A. Wendel ehf | Tangarhöfða 1 | 110 Reykjavík | Sími 551 5464 | wendel.is
Tæki til
vetrarþjónustu
Stofnað 1957
Peking. AFP. | Um 2.400 manns voru
tekin af lífi í Kína á síðasta ári, að því
er fram kemur í nýrri skýrslu mann-
réttindahreyfingarinnar Dui Hua-
stofnunarinnar sem er með aðsetur í
Bandaríkjunum.
Aftökunum fækkaði um 20% frá
árinu áður. Alls voru um 12.000
manns tekin af lífi í Kína árið 2002
og aftökunum hefur fækkað mjög á
síðustu árum. Kína er þó enn það
ríki sem tekur flesta af lífi og aftök-
urnar þar eru fleiri en í öllum öðrum
löndum heims samanlagt, að sögn
mannréttindahreyfingarinnar.
Alls voru að minnsta kosti 778
manns tekin af lífi í öðrum löndum
en Kína á síðasta ári, að því er fram
kom í skýrslu sem mannréttinda-
samtökin Amnesty International
birtu fyrr á árinu. Yfirvöld í Kína
veita engar upplýsingar um aftökur í
landinu og líta á þær sem ríkis-
leyndarmál.
Telur líklegt að
aftökum fjölgi í ár
Dui Hua-stofnunin segir að niður-
stöður skýrslunnar byggist á upp-
lýsingum frá embættismanni í kín-
verska dómskerfinu sem hafi aðgang
að gögnum um aftökur í landinu.
Hún telur að þrátt fyrir fækkunina á
síðustu árum sé líklegt að aftök-
unum fari að fjölga að nýju í ár, með-
al annars vegna þeirrar stefnu
stjórnvalda í Peking að taka hart á
sjálfstæðisviðleitni Uighura í Xinji-
ang-héraði.
Hundruð manna hafa verið dæmd
sek um aðild að hryðjuverka-
starfsemi í héraðinu.
Dui Hua-stofnunin segir að aftök-
unum hafi fækkað eftir að hæstirétt-
ur landsins fékk aftur vald til að
endurskoða alla dauðadóma árið
2007. Hæstirétturinn hafi hnekkt
um 39% dauðadóma sem hann
endurskoðaði á síðasta ári og vísað
málunum aftur til undirdómstóla.
bogi@mbl.is
Aftökur
Íran 369+ Írak 169+
Kína þúsundir
Upplýsingar um aftökur eru ríkisleyndarmál í Kína og talið er að aftökurnar þar
séu fleiri en í öllum öðrum löndum heims samanlagt
Mannréttindahreyfingin
Dui Hua-stofnunin segir að
2.400 manns hafi verið
tekin af lífi í Kína á síðasta ári
Aftökur í heiminum
A.m.k. 778 aftökur voru staðfestar á síðasta ári, að sögn Amnesty International
Sádi-
Arabía
Banda-
ríkin 3979+
13+
Sómalía 34+ Súdan 21+
JapanJemen 8 Víetnam 7+ Taívan 6 Kúveit 5 Indónesía 5
Botsvana Indland1 1
Nígeria 4 Malasía 2+ Afganistan 2
Bangladess 2
Gaza-
svæðið 3+
Suður-
Súdan 4+
Norður-
Kórea
Fregnir herma að minnst 70 manns hafi verið teknir af
lífi. Amnesty telur að aftökurnar hafi verið miklu fleiri
+ sýnir að
um lágmarks-
tölu er að
ræða
Hálshöggning
Aftökuaðferðir
RafmagnsstóllBanvæn lyfjagjöf HengingAftökusveit
Sádi-
Arabía
BandaríkinBandaríkin,
Kína,
Víetnam
Afganistan, Bangladess,
Botsvana, Indland, Íran, Írak,
Japan, Kúveit, Malasía,
Nígería, Gaza, S-Súdan, Súdan
Kína, Indónesía
N-Kórea, Taívan,
Sádi-Arabía,
Sómalía, Jemen
Heimild: Dauðadómar og aftökur árið 2013, Amnesty International/Dui Hua-stofnunin
2.400 manns tekin af lífi í Kína
Vopnaður maður skaut á hermann
við stríðsminnisvarða í Ottawa í
gær og réðst síðan inn í kanadíska
þinghúsið í borginni. Hermaðurinn
lést skömmu síðar af sárum sínum.
Til skotbardaga kom í þinghúsinu
og var árásarmaðurinn skotinn til
bana. Einnig var hleypt af byssum í
nálægri verslunarmiðstöð og
nokkrum byggingum á svæðinu var
lokað.
Talið var að einn eða tveir aðrir
hefðu tekið þátt í árásinni. Hún var
gerð nokkrum klukkustundum eftir
að yfirvöld í Kanada vöruðu við
hættu á hryðjuverkum í landinu eft-
ir að maður, sem hafði snúist til ísl-
amskrar trúar, ók af ásettu ráði á
bíl tveggja hermanna og varð öðr-
um þeirra að bana. Á myndinni er
hermaðurinn borinn í sjúkrabíl, áð-
ur en hann lést.
AFP
Hermaður skotinn til bana
Bogi Þór Arason
bogi@mbl.is
Stjórnvöld í Bandaríkjunum hafa
farið lofsamlegum orðum um fram-
lag Kúbu til baráttunnar gegn ebólu-
faraldrinum í Vestur-Afríku og svo
virðist sem framlagið hafi ýtt undir
þíðu í samskiptum ríkjanna eftir ára-
tuga fjandskap.
Þrátt fyrir efnahagserfiðleika hef-
ur kommúnistastjórnin á Kúbu nú
þegar sent 165 lækna og hjúkrunar-
fræðinga til Síerra Leóne til að að-
stoða í baráttunni við ebólu. 83
læknar og hjúkrunarfræðingar voru
í gær á leiðinni til Líberíu og Gíneu
og stjórnin í Havana hefur lofað að
leggja til meira en 200 heilbrigðis-
starfsmenn til viðbótar.
John Kerry, utanríkisráðherra
Bandaríkjanna, hrósaði Kúbu fyrir
„skörulegt“ framlag til baráttunnar
gegn ebólu. „Kúba, land með aðeins
ellefu milljónir íbúa, hefur sent 165
heilbrigðisstarfsmenn og hyggst
leggja til nær 300 í viðbót,“ sagði
Kerry þegar hann ræddi við
stjórnarerindreka í Washington.
Framlagi Kúbumanna var einnig
hrósað í forystugrein í The New
York Times sem sagði það sýna að
kostir þess að Bandaríkin tækju aft-
ur upp stjórnmálasamband við Kúbu
væru miklu stærri en ókostirnir.
Mikilvæg tekjulind
Leiðtogar Kúbustjórnar hafa
endurgoldið hrósið. Fidel Castro,
sem settist í helgan stein árið 2008,
sagði í grein sem birt var á laugar-
dag að Kúbumenn myndu „með
glöðu geði vinna með bandarískum
starfsmönnum“ í baráttunni við
ebólu. Bróðir hans og eftirmaður,
Raúl, tók í sama streng á fundi um
ebólu í Havana á mánudaginn var.
Stjórnin á Kúbu er mjög stolt af
heilbrigðiskerfi sínu og hefur sent
um 135.000 heilbrigðisstarfsmenn til
annarra landa frá árinu 1960, m.a. til
að taka þátt í neyðaraðstoð. Um það
bil 50.000 læknar og hjúkrunarfræð-
ingar starfa nú í 66 löndum í Róm-
önsku Ameríku, Afríku og Asíu.
Kúba byrjaði að taka greiðslur fyrir
þjónustuna árið 2004 og hún er orðin
mikilvæg tekjulind.
AFP
Fræðsla Fyrirlesari á fræðslufundi í New York fyrir starfsfólk bandarískra
sjúkrahúsa um öryggisráðstafanir við umönnun ebólusjúklinga.
Framlagi Kúbu-
manna hrósað
 Leggja til hundruð manna gegn ebólu