Morgunblaðið - 23.10.2014, Side 102

102 MENNING
MORGUNBLAÐIÐ FIMMTUDAGUR 23. OKTÓBER 2014
Stereo Hypnosis hefur jafntog þétt vakið á sér athygliundanfarin ár fyrir tónlistsína sem er í senn vönduð
og aðgengileg. Músíkinni mætti helst
lýsa sem sveimkenndri raftónlist sem
krydduð er líf-
rænum hljóð-
færaleik ásamt
alls konar um-
hverfishljóðum
og hliðarþruski.
Flest sem und-
irritaður hefur
heyrt með þeim félögum hefur verið
fyrirtaks efni en nýjasta platan setur
þá þremenninga í þá stöðu að enn
meiri væntingar verða gerðar til efn-
is frá þeim héðan í frá. Helgast það af
því að nýja platan, Morphic Ritual, er
hreint fyrirtak.
Það er ekki svo einfalt að ætla að
setja tónlist Stereo Hypnosis á ein-
hvern tiltekinn bás (sbr. lýsinguna
hér að framan) en til að gefa áhuga-
sömum hugmynd þá minnir upp-
hafslag plötunnar sumpart á hið stór-
kostlega lag Tongue með
Underworld, af meistaraverkinu
Dubnobasswithmyheadman frá 1993.
Hnitmiðaðir rafgítartónar líða yfir
undirliggjandi rafsveim í verulega
vel sömdu lagi. Ekki amaleg byrjun á
ferðalaginu, og það sem betra er, hún
heldur dampi – eða réttara sagt
sveimi – allt til enda. Þá er það vel til
fundið að flétta lögin saman svo ekki
komi þagnir á milli. Það hæfir þess-
ari músík afar vel.
Lögin sjö á plötunni eru hvert öðru
betra og vandasamt að tína eitthvað
framúrskarandi til. Silent Brother
fer til að mynda af stað eins og eitt-
hvað indælt úr smiðju The Stars of
the Lid, áður en melódían, dásam-
lega einföld og falleg í senn, byrjar að
hljóma eftir rúma mínútu. Alveg ein-
staklega smekkleg raftónlist hér á
ferð og viðkomandi til hróss á alla
kanta. Annað er eftir því og ætla ég
að nefna Telescopic Eye sem annað
uppáhaldslag. Með því að telja einnig
til Subliminal Circus er ég búinn að
nefna meira en helming laga plöt-
unnar og þar með fallinn í upptaln-
ingargildruna með stæl.
En við því er ekkert að gera, plat-
an er bara svo þrælfín. Stereo Hyp-
nosis hafa hér sent frá sér fram-
úrskarandi skífu sem jafnast á við
það sem best gerist í lífrænt krydd-
aðri og sveimkenndri raftónlist.
Seiðandi sveimur
með lífrænu ívafi
Hljómdiskur
Morphic Ritual bbbbn
Morphic Ritual er 5. skífa raftríósins
Stereo Hypnosis. Sveitina skipa Óskar
Thorarensen sem leikur á hljómborð,
hljóðgervla og leggur til umhverfishljóð,
Pan Thorarensen sem leikur á trommur,
forritar, leikur á hljóðgervla og leggur
til umhverfishljóð, og Þorkell Atlason
sem leikur á gítar og bassa. Sveit-
armeðlimir semja öll lög, hljóðblanda
og útsetja.
JÓN AGNAR ÓLASON
TÓNLIST
Stereo Hypnosis
Hljómsveitin hefur sent
frá sér „framúrskarandi
skífu.“
Silja Björk Huldudóttir
silja@mbl.is
„Þessi diskur er beint framhald af
tvöfalda geisladiskinum Hvar er
tunglið? sem út kom árið 2006,“ segir
saxófónleikarinn og tónskáldið Sig-
urður Flosason um nýútkominn
geisladisk sinn sem nefnist Í nóttinni.
„Titlar diskanna tveggja kallast á, því
sjá má titil þess nýja sem svar við
þeim fyrri.“
Í nóttinni inniheldur, líkt og Hvar
er tunglið?, tónsmíðar Sigurðar við
ljóð Aðalsteins Ásbergs Sigurðssonar
í flutningi Kristjönu Stefánsdóttur
söngkonu og Jazzkvartetts Sigurðar
Flosasonar sem auk hans er skipaður
þeim Eyþóri Gunnarssyni á píanó,
Richard Andersson á kontrabassa og
Einari Scheving á trommur.
Gat hreinlega ekki hætt
Aðspurður segir Sigurður að sam-
starf þeirra Aðalsteins og Kristjönu
megi rekja til sumarsins 2005 þegar
Aðalsteinn gerði texta við tvö af lög-
um Sigurðar í því augnamiði að Krist-
jana gæti sungið þau á tónleika-
ferðalagi þeirra til Japans þá um
sumarið. „Það má segja að þáverandi
japanski útgefandi minn, Yuka Og-
ura, hafi verið ákveðinn örlagavaldur
því það var hún sem óskaði eftir þess-
um sungnu lögum á sínum tíma sem
svo leiddi af sér þetta frjóa samstarf.
Því í framhaldinu fórum við Að-
alsteinn að rugla meira saman reyt-
um með þeim afrakstri að til varð tvö-
faldi geisladiskurinn Hvar er
tunglið,“ segir Sigurður og tekur
fram að hann hafi aldrei verið sérlega
hófsamur í því sem hann taki sér fyrir
hendur. „Eftir að Hvar er tunglið?
kom út gat ég hreinlega ekki hætt.
Ég hélt því áfram að grufla í ljóða-
bókum vinar míns, bæði gömlum og
nýjum, og lögin urðu til eitt af öðru,“
segir Sigurður og tekur fram að
Kristjana flytji lögin á óaðfinn-
anlegan hátt. „Hún er náttúrlega frá-
bær.“
Í nótttinni inniheldur alls 14 ný
djasslög Sigurðar við ljóð Aðalsteins
frá 34 ára tímabili. „Það er skemmti-
leg tilviljun að lögin sem enduðu á
þessa plötu eru við ljóð sem spanna
nánast allan feril skáldsins,“ segir
Sigurður og líkir ljóðavalinu við
skyndimynd af skáldi sem tekin sé án
vitneskju módelsins. „Því ég valdi
ljóðin sjálfur, ekki hann.“
Schumann og Schubert fyr-
irmyndir í nálgun við ljóðið
Aðspurður hvort stemning ljóð-
anna liti tónsmíðar hans svarar Sig-
urður því játandi. „Ég velti fyrir mér
heildarstemningunni í hverju ljóði og
stundum pæli ég jafnvel í hverju ein-
stöku orði. Ég horfi til meistara ljóða-
tónlistar á borð við Schumann og
Schubert sem mála myndir með tón-
list sinni sem styður algjörlega við
ljóðatextann og búa til drama í músík
og orðum. Og þótt ég sé að fást við
allt annars konar tónlist í allt annars
konar stíl tek ég mér þá til fyr-
irmyndar í því hvernig músíkin nálg-
ast textann og er þjónn ljóðsins, en
meginmarkmiðið er þó alltaf að búa
til sterka stemningu.“
Samhliða útgáfu geisladisksins
kemur út nótnahefti með lögunum af
diskinum. „Við Aðalsteinn höfum
áhuga á því að þetta efni sé aðgengi-
legt þannig að aðrir geti notað það,“
segir Sigurður og rifjar upp að þegar
Hvar er tunglið? kom út hafi sam-
hliða þeim diski líka komið út nótna-
hefti. „Það hefti hefur verið notað
talsvert í tónlistarskólum af söng-
nemendum á djass- og poppsviði,“
segir Sigurður og tekur fram að það
gleðji sig ávallt þegar hann heyri lög
sín flutt af öðrum. Þess má að lokum
geta að Í nóttinni verður fagnað með
útgáfutónleikum í Fríkirkjunni við
Tjörnina í kvöld kl. 20 og er aðgangur
ókeypis.
Morgunblaðið/Einar Falur
Samstillt Sigurður Flosason og Kristjana Stefánsdóttir stilla saman strengi
sína á nýútkominni djassplötu sem samin er við texta Aðalsteins Ásbergs.
Skyndimynd af skáldi
 Í nóttinni fagnað á útgáfutónleikum í kvöld kl. 20
 Sigurður Flosason samdi við ljóð Aðalsteins Ásbergs
Vefsíðan Albumm.is verður opnuð í
dag og verður á henni fjallað um ís-
lenska tónlist og snjó- og hjóla-
brettamenningu og reiðhjól. Stofn-
endur síðunnar eru Steinar Fjeld-
sted, sem margir kannast við úr
hljómsveitinni Quarashi, og Sigrún
Guðjohnsen og leggur fjöldi fólks
þeim lið, m.a. Addi Intro Beats sem
sér um myndbönd fyrir vefinn.
Steinar segir í tilkynningu að á vefn-
um verði hægt að horfa á alls konar
myndbönd sem tengjast tónlist og
„urban culture“ eða borgarmenn-
ingu. Mikið verður lagt í ljósmyndir
á síðunni og mun Ómar Smith taka
flestallar þeirra.
„Okkur fannst vera tími til kom-
inn að það kæmi miðill sem fjallar
um íslenska tónlist, hjólabretti, snjó-
bretti og hjól. Það er mjög margt
áhugavert að gerast að gerast í þess-
um geirum og við hjá Albumm.is
munum fjalla ítarlega um þessi mál-
efni,“ segir Steinar í tilkynningu. Á
vefnum verði að finna fjölda viðtala,
greina, frétta og myndbanda og því
verði hann afar lifandi miðill enda sé
af nógu að taka. Á vefnum verði ein-
göngu fjallað um íslenska listamenn
og áhugaverða hluti.
Til að byrja með verður Albumm-
.is á íslensku en til stendur að hafa
efni líka á ensku. „Albumm.is er fyr-
ir alla sem hafa áhuga á íslenskri
tónlist, skate, snow og bike en við
munum fjalla um þetta í mjög víðum
skilningi,“ segir Steinar.
Vefur Steini úr Quarashi, er annar tveggja stofnenda vefjarins Albumm.is.
Íslensk tónlist, hjóla-
og snjóbretti og hjól
Handunnir íslenskir skartgripir úr silfri
LAUGAVEGI 5 - SÍMI 551 3383
Verð 25.500,- Verð 25.600,-Verð 14.800,-
Verð 34.900,-
Verð 29.900,- Verð 25.700,-
Verð 25.700,-
Verð 17.900,-
Verð 17.900,-
Verð 18.900,-
Verð 17.900,-
Verð 25.700,-
Verð 19.900,-
Verð 14.800,-