Þjóðlíf - 01.03.1988, Page 7

INNLENT
Hiðumdeildahúsað Fannborg2. Bæjarskrifstofureruá4. hæð.tæknideildbæjarinsá 3. hæð en félagsheimilið á 1. og 2. hæð.
Endurbygging Félagsheimilis Kópavogs
Kostnaður á annað
hundrað milljónir
Áætlað er að kostnaður
við verkið sé yfir 100
milljónir. Heildarframlag
bæjarins til hússins þó
mun hærra sé reksturinn
og leigan tekin í dæmið.
„Eftirlitsskylda
bæjarfulltrúa hefur
brugðist.“ Stjórn félags
heimilisins gagnrýnd
fyrir tíðar fundasetur.
í febrúar var haldin glæsileg menningarvika í Kópavogi. Hátíðin
fór fram í nýendurbyggðum sal á 1. hæð Félagsheimilis Kópavogs sem
er veglegur í alla staði. Það sem skyggði hins vegar á gleðina var að
kostnaðurinn við breytingar og endurbætur á félagsheimilinu er að
margra mati miklu hærri en menn áttu von á. Heildarkostnaðurinn,
framreiknaður eftir byggingavísitölu,var sagður 93 milljónir. Skv.
upplýsingum tæknifræðings bæjarins sem annaðist eftirlit með fram-
kvæmdunum, er þó hér eingöngu um gróft áætlaða tölu að ræða,
kostnaðarliðir á síðasta ári og yfirstandandi ári liggja ekki endanlega
fyrir. Aðrir heimildamenn staðhæfa að kostnaðurinn sé nær því að
nema 108 til 110 milljónum. Aðspurðir útiloka forsvarsmenn bæjar-
sjóðs ekki að dæmið geti orðið á þann veg en það er flókið og á sér
sérstæða forsögu.
7