Læknablaðið : fylgirit - 01.10.2001, Qupperneq 8

SIÐFRÆÐI FÓSTURGREININGAR
rannsóknir, meðal annars með slembiúrtökum á
aðferðinni við hnakkaþykktarmælinguna, þar sem
þessi nýja aðferð er borin saman við 18 til 19 vikna
ómskoðun. Niðurstaðna er að vænta á næstu ár-
um. I Noregi var rannsóknaráætlun af þessum
toga stöðvuð haustið 1999 af faglegum og sið-
fræðilegum ástæðum.
Hugtakið „frjálst val allra kvenna“ er ekki raun-
verulegt fyrr en allar skoðanir hafa verið vandlega
yfirvegaðar. Það þýðir meðal annars að öllum
konum séu opinberlega tryggð sömu réttindi,
meðal annars þeim konum sem hafna kembileit,
eða eignast barn með litningagalla.
Heilsugæslan verður að vera í forsvari fyrir því að
semja klínískar leiðbeiningar og fræðsluefni fyrir
almenning og fagfólk um fósturgreiningar, eink-
um hvað varðar þátt heilsugæslunnar í þessum
hluta mæðraverndar. Við samningu slíks fræðslu-
efnis verður að hafa samráð við sem flesta fag- og
hagsmunaaðila. Tilgangur þessa rits er liður í því
átaki.
Á tímum hraðra samfélagsbreytinga, þar
sem gömul og ný siðferðisgildi blandast
saman við örar og ófyrirséðar tækniupp-
götvanir, er nauðsynlegt að staldra við
og ræða málin frá sem flestum sjónar-
hornum. Snemmómskoðun í meðgöngu
byggist í grundvallaratriðum á því að
meta og túlka hnakkaþykkt fóstursins.'
Ákvörðun um að hefja svo þýðingar-
mikla rannsókn á landsvísu verður ekki
tekin á grundvelli þess að tæknin sem
gerir slíkt mögulegt sé til, heldur ein-
göngu eftir að þverfagleg umræða um
kosti hennar og galla hefur átt sér stað
meðal allra þeirra aðila sem að málinu
koma. Aðeins þannig gætum við hags-
muna samfélagsins og einstaklinganna
sem mynda það.
Félag íslenskra heimilislækna og Ljós-
mæðrafélag íslands fagna því að tekist
hefur að koma á framfæri þeirri þverfag-
legu þekkingu sem endurspeglast í
þessu riti.
Þórir B. Kolbeinsson
formaður Félags íslenskra heimilislækna
Ástþóra Kristinsdóttir
formaður Ljósmæðrafélags íslands
8
Læknablaðið 2001/87/Fylgirit42