Tímarit Máls og menningar - 01.05.1947, Qupperneq 58

48
TÍMARIT MÁLS OG MENNINGAR
ar eða fjandsamlegar stéttir, er slíkri samfylkingu geti verið móti
stefnt? Þeirri spurningu verður bezt svarað með hinni: Fyrst ekki
eru lengur til neinir fjandsamlegir flokkar eða stéttir, en þjóðfélag-
ið allt ein hagsmunaheild, hví skyldi þá ekki einmitt efnt lil slíkrar
samfylkingar? Hvers vegna að skapa sér andstæður, þar sem þær
eru ekki til og eiga sér alls engan tilverurétt? Hér kemur og það til
greina, að slík samfylking hefur í sér fólgið mjög háleitt siðferðis-
gildi. Hún er yfirlýsing og staðfesting þess bróðernis, sem ríkjandi
er með öllum fyrr greindum samtökum. Hún táknar í raun og sann-
leika allsherjarfóstbræðralag verkalýðs, bænda og menntamanna, alls
liins vinnandi fólks og allra hinna mörgu þjóða, er Ráðstjórnarríkin
hyggja. Þessi samfylking kommúnista og utanflokksmanna er í raun
og veru einhver fegursti vitnisburðurinn, sem ráðstjórnarþjóðirnar
geta gefið skipulagi sínu, svo einhuga fylgi sem hún á að fagna með
landsbúum. Niðurstaða þingkosninganna 10. febrúar 1946 varð sú,
að 99,17% af þeim 99,5% kjósenda, er kjörstað sóttu, lýstu yfir
fylgi sínu við þetta fyrirkomulag með því að greiða samfylkingu
konnnúnista og utanflokksmanna atkvæði sín. Er þetta ekki nógsam-
lega eindreginn þjóðarvilji til að réttlæta slika samfylkingu?
Hér munu ýmsir hreyfa þeirri mótbáru, að 99% kosningahlut-
taka sé ótrúleg í mesta máta og þó ennþá ótrúlegra, að átt geti sér
stað 99% fylgi kjósenda við nokkurt mál. Þarna hljóti því að vera
hrögð í tafli, það er að segja, kosningaúrslit hljóti að vera fölsuð.
Islenzkum kjósendum gæti ef til vill verið nokkur vorkunn, þótt
þeim gengi illa að skilja slíkan samhug heillar þjóðar, ef þeir hefðu
ekki sjálfir eigi alls fyrir löngu tekið þátt í slikum kosningum.
í þjóðaratkvæðagreiðslunni um sambandsslitin 17. júní 1944
nam kosningahluttaka á Islandi 98,61% eða tæplega 1% minna en
í Ráðstjórnarríkjunum 10. febrúar síðast liðinn. Atkvæði með sam-
bandsslitunum greiddu 97,35% þeirra kjósenda, sem kjörstað sóttu,
tæplega 2% færri hlutfallslega en þeir, sem greiddu samfylking-
unni atkvæði í Ráðstjórnarríkjunum. Mótatkvæði voru meira að
segja hlutfallslega mun færri í lýðveldisatkvæðagreiðslunni, því að
einungis 0,52% kjósenda greiddu atkvæði gegn lýðveldisstofnun-
inni, en andstæðingar samfylkingarinnar í rússnesku kosningunum
reyndust þó 0,81f/ kjósenda.