Tímarit Máls og menningar - 01.07.1962, Qupperneq 20

TÍMARIT MÁLS OG MENNINGAR
Kynhvötin er þyrnir í augum sið-
væddra og eitt af „vondu“ öflunum í
tilverunni, leiðir til siðferðilegrar
upplausnar og býr þannig í haginn
fyrir kommúnisma að áliti Peter Ho-
wards. í bók sinni „Remaking Men“
skrifar hann ýtarlegar leiðbeiningar
um sérkenni þeirra sem eru á „valdi
kynhvatarinnar“. Þar lýsir hann
hvemig megi þekkja úr þá sem láta
stjórnast af téðri hvöt og dæma þá.
Af „klæðaburði manns, litavali,
skóm, hárgreiðslu, talsmáta, hegðun,
umgengni við karla og konur má
greinilega lesa allt um siðferðileg
vandamál hans.“ „Kynhvatt (sexu-
ally-driven) fólk leiðist næstum und-
antekningarlaust út í tóbaksnautn,
áfengisdrykkju og eiturlyfjanotkun,“
segir Peter Howard ennfremur.
„Venjulega er þetta fólk kærulaust
um samfélagið ... Þetta fólk, sem
sjálft hefur gefizt upp, fellst á mála-
miðlun sem sjálfsagða lausn í stjórn-
málum og viðskiptum.“
Ekki verður annað sagt en leiðtog-
inn sjálfur, Frank Buchman, hafi
hreinan skjöld í öllum þessum efnum.
Hann var á ferðalagi í járnbrautar-
lest þegar Guð bauð honum að segja
upp stöðu sinni, sem hann hafði við
skóla einn. Síðan hefur hann „helgað
líf sitt endursköpun heimsins og hef-
ur aldrei þegið eyri í kaup. Sama máli
gegnir um alla MRA-menn. Þeir lifa
í þeirri trú að Guð sjái fyrir þeim sem
fylgja honum.“
Og vissulega hefur Guð reynzt hin
duglegasta fyrirvinna. Á Mackinac-
eyju í Michigan-vatni þar sem eru
höfuðbækistöðvar MRA hafa síðasta
áratuginn risið íburðarmiklar hallir,
gistihús, matsalir, leikhús, samkomu-
hús og skrifstofubyggingar. Þjóðar-
tekjur íslendinga mundu hrökkva
skammt til að koma upp slíkum stór-
hýsum.
Frank Buchman hefur lifað miklu
hreinlífi og aldrei verið við kvenmann
kenndur. Hann hóf feril sinn sem um-
sjónarmaður ungra drengja í verka-
mannahverfi í iðnaðarborg einni. í
grein sem birtist fyrir tveimur árum í
brezka stórblaðinu „Observer“ er lýs-
ing á þeim postulum hans sem hann
metur mest og er Peter Howard einn í
þeim hópi, þeir eru hávaxnir, spengi-
legir, herðabreiðir, íþróttamannsleg-
ir, og skortir kímnigáfu. í greininni
var tekið fram að í þessu fælist ekki
aðdróttun af neinu tæi. Af skrifum
Frank Buchmans má sjá að hann hef-
ur einnig dregizt að annarskonar
manngerð: ruddafengnum, harðsvír-
uðum, greindarlitlum svolum, sem
eru „góðir innvið beinið“. Einn
þeirra var Bill Pickle, leynivínsali
sem kom mjög við sögu er Frank
Buchman setti niður deilu við State
College í Pennsylvania. Buchman lýs-
ir honum þannig sjálfur: „Hann
hafði allan yndisþokka hrífandi synd-
ara, sem gæti orðið sannfærandi dýrl-
ingur.“ Bill þessi Pickle varð fylgi-
210