Tímarit Máls og menningar - 01.07.1962, Page 64

TÍMARIT MÁLS OG MENNINGAR
hugað öll atriði þess og aðstæður nógu gaumgæfilega, hefur tamið sér hugs-
unarmáta sem hlýtur að valda samskonar glöpum í meðferð flestra annarra
viðfangsefna.
Harðast koma reikningsglöpin niður á alþýðu, þegar forráðamenn þjóðar-
innar fremja þau, svo sem við íslendingar höfum óspart fengið á að kenna.
Við þeim glöpum verður aldrei séð, fyrr en öll alþýöa hefur tamið sér að-
gætni, glöggskyggni, og rökfestu, svo að hún þoli engum falsreikninga í bók-
um eða blöðum, og þó sízt í sölum alþingis og ríkisstj órnar. Þann hugsunar-
máta temur frjáls og fjölþætt reikningsiðkun unglingum, öðrum störfum bet-
ur, ef þess er vandlega gætt að hvergi sé vanreiknað né misreiknaö. Þessvegna
varðar það miklu að hver einasti unglingur temji sér að reikna sérhvert dæmi
rétt og vel.
254