Tímarit Máls og menningar - 01.09.1987, Blaðsíða 5

Ádrepur
Frá ritstjórn
Með þessu hefti bætist Tímariti Máls og menningar nýr liðsmaður: Guðmundur
Andri Thorsson hefur verið ráðinn ritstjóri. Andri er lesendum Tímaritsins vel
kunnur, hann hefur undanfarin ár skrifað margar greinar og ritdóma um nýjar
bækur og eldri bókmenntir. Ekki er hann alls óvanur ritstjórn heldur því hann
hefur verið einn af forsprökkum tímaritsins Tenings síðan það var stofnað. Við í
ritstjórn Tímaritsins bjóðum hann velkominn til starfa.
Mörg orð mætti hafa um efni þessa heftis en það talar auðvitað máli sínu best
sjálft. Þórhildur Ólafsdóttir dósent í frönsku við Háskólann skrifaði að okkar
beiðni greinina sem hér birtist um franskar bókmenntir. Upphaflega var ætlun-
in að hún fjallaði um nýjar bækur en þegar á reyndi fannst henni nauðsyniegt að
setja íslenska lesendur inn í aðdragandann — og hann varð að heilli grein. Þór-
hildur hefur lofað að fylgja henni eftir með annarri um franskar samtímabók-
menntir. Sýnishorn af þeim fylgir í smásögu sem Þórhildur þýddi eftir Le Clezio
sem nú er talinn einn markverðasti ungra höfunda í Frakklandi.
Frá útgáfunni er það að segja að hún hefur verið jöfn það sem af er ári. Ný ís-
lensk barnabók kom út í vor, Skotta ogvinirhennareftir Margréti Jónsdóttur með
myndum Önnu V. Gunnarsdóttur. Afmælisbækurnar hafa haldið áfram að
koma út. Þær eru í þessari röð: Tengsl eftir Stefán Hörð Grímsson, Hundrað ára
einsemd eftir Marquez í þýðingu Guðbergs Bergssonar, íslensk lýrik með ljóða-
lestri Kristínar Önnu Þórarinsdóttur á snældu, Vopnin kvöddeftir Hemingway í
þýðingu Halldórs Laxness, aukahefti Tímarits Máls og menningar, Myndin af
Dorian Gray eftir Oscar Wilde og stórbók Astrid Lindgren: Sögur og œvintýn með
áður birtu og einnig óbirtu efni á íslensku eftir þennan vinsæla barnabókahöf-
und.
Framundan er svo flóðið!
SA
267