Morgunblaðið - 19.02.2015, Blaðsíða 22

22 FRÉTTIRInnlent
MORGUNBLAÐIÐ FIMMTUDAGUR 19. FEBRÚAR 2015
Helgi Bjarnason
helgi@mbl.is
Meðalverð á minkaskinnum á loð-
skinnauppboði danska uppboðshúss-
ins sem lauk um helgina var 11%
hærra en á uppboðinu í janúar.
Skinnin höfðu hækkað um 10% í jan-
úar þannig að verðhækkunin hélt
áfram. Er það kærkomið fyrir
minkabændur eftir gríðarlegt verð-
fall á síðasta ári.
Á febrúaruppboðinu voru boðnar
til sölu um 6 milljónir minkaskinna
og seldust öll skinnin sem er mik-
ilvægast að mati Einars E. Ein-
arssonar, ráðunautar Ráðgjafar-
miðstöðvar landbúnaðarins í
loðdýrarækt.
Kaldur vetur í Kína
4% af hækkuninni í febrúar skýr-
ist af hækkun Bandaríkjadals gagn-
vart danski krónu og evru þannig að
kaupendur fá í raun um 7% hækkun
á markaðsverði. Frá því í september
hefur dollarinn styrkst um 14%
gagnvart evru og danskri krónu og á
það mikinn þátt í þeirri verðhækkun
sem orðið hefur.
Fram kemur á vef uppboðshúss-
ins, Kopenhagen Fur, að 570 kaup-
endur mættu á febrúaruppboð, þar
af 300 frá Kína. Veturinn hefur verið
kaldur í Kína og renna skinnin því
glatt út úr búðum og birgða-
geymslum. Þetta uppboð var það síð-
asta fyrir kínversku áramótin og því
um leið síðasti möguleiki fyrir kín-
verska kaupendur að kaupa skinn til
að hafa í verkmiðjum sínum við upp-
haf nýs ár. Einnig hefur verið kaldur
vetur í Bandaríkjunum og talsverð
eftirspurn þaðan. Uppboðshúsið er
einnig ánægt með eftirspurnina í
Evrópu þótt þar hafi veður verið
hlýtt. Á þessum mörkuðum vinnur
hátískan með loðskinnum.
Uppboðshúsið vekur athygli á því
að í lok mánaðarins er stór skinna-
sýning í Hong Kong og þá muni skýr-
ast hvernig markaðurinn bregst við
þeim markaðsverðum sem verið hafa
að myndast á síðustu uppboðum.
Meðalverð allra seldra minka-
skinna á uppboðinu var 409 danskar
krónur eða um 8.000 íslenskar. Frá
Íslandi voru seld um 29 þúsund skinn
sem er um 15% af íslensku fram-
leiðslunni á síðasta ári. Þessi skinn
deilast á marga flokka og því er erfitt
að segja mikið um stöðu framleiðsl-
unnar í samkeppni þjóðanna en að
mati Einars verður þó það sem sést
út úr tölunum að teljast jákvætt fyrir
íslensku framleiðsluna.
Telur hann að ef þetta markaðs-
verð helst út sölutímabilið megi
bændur vel við una því þá verði
skinnaverðið aftur komið yfir fram-
leiðslukostnað. Á síðasta ári náði það
ekki framleiðslukostnaði og var því
tap á framleiðslunni.
Verður að spyrja að leikslokum
„Engu að síður verður samt að
spyrja að leikslokum. Til viðbótar
þessari miklu hækkun á dollar
gagnavart evru hefur íslenska krón-
an líka verið að styrkjast hægt og ró-
lega frá áramótum sem þýðir lægra
skilaverð til bænda hér á landi. Ég
myndi samt segja að útlitið væri já-
kvætt og spennandi eins og svo oft
áður í þessari grein,“ segir Einar.
Jákvæður og spennandi markaður
 Minkaskinn að jafna sig á markaði eftir gríðarlegt verðfall á síðasta ári  20% hækkun á árinu
 Öll framboðin skinn hafa selst á uppboðum  Íslenskur loðdýrabúskapur aftur kominn í plús
Morgunblaðið/Ómar
Minkarækt Minkabændur geta tekið gleði sína á ný ef það verð helst sem kaupendur hafa boðið að undanförnu.
Glamox Luxo
er leiðandi framleiðandi
LED lýsingarbúnaðar
og býður heildarlausnir fyrir
skóla og bókasöfn
Leitaðu upplýsinga hjá löggiltum rafverktökum,
lýsingahönnuðum og arkitektum
Fáðu fagmann í verkið til að tryggja rétta
meðhöndlun, endingu og ábyrgð. Það er þitt öryggi.
www.reykjafell.is
Agnes Bragadóttir
agnes@mbl.is
Meirihlutinn í borgarstjórn sam-
þykkti að hefja undirbúningsfram-
kvæmdir á Hlíðarendareitnum, á
fundi sem lauk seint í fyrrakvöld, líkt
og fram kom í Morgunblaðinu í gær.
Njáll Trausti Friðbertsson, bæjar-
fulltrúi á Akureyri og annar tveggja
formanna félagssamtakanna Hjartað
í Vatnsmýrinni, félagsskapar sem vill
standa vörð um Reykjavíkurflugvöll,
sagði í samtali við Morgunblaðið í gær
að afgreiðsla meirihluta borgar-
stjórnar í fyrrakvöld á leyfi fyrir und-
irbúningsframkvæmdum væri sér og
þeim í Hjartanu í Vatnsmýrinni mikil
vonbrigði.
„Við í Hjartanu í Vatnsmýrinni er-
um á allan hátt sammála þeirri bókun
sem samráðshópur Rögnunefndar-
innar gerði á mánudag. Vitanlega átti
að bíða eftir niðurstöðum nefndarinn-
ar, sem samið var um að yrði gert fyr-
ir einu og hálfu ári,“ sagði Njáll
Trausti í samtali við Morgunblaðið í
gær.
„Mig grunar nú að almenningur
hljóti að hugsa sitt, miðað við það
hvernig framvindan hefur verið í mál-
inu hjá borgaryfirvöldum undanfarn-
ar vikur og mánuði. Ég held að mörg-
um komi á óvart hvernig borgar-
yfirvöld hafa unnið í málinu eftir að
Rögnunefndin tók til starfa,“ sagði
Njáll Trausti.
Menn hafi haldið að sátt væri kom-
in um að bíða þar til Rögnunefndin
hefði lokið störfum og skilað niður-
stöðum, „en það liðu ekki nema átta
vikur eftir að samkomulagið var gert
haustið 2013 þar til búið var að aug-
lýsa nýtt deiliskipulag fyrir Hlíðar-
enda. Þar með var sáttin rofin“, sagði
Njáll Trausti.
Framkvæmdavegur
Brynjar Harðarson, framkvæmda-
stjóri Valsmanna hf., sagðist ánægður
með niðurstöðu borgarstjórnar. „Á
þessu stigi eru það ekki Valsmenn hf.
sem fá framkvæmdaleyfi, heldur er
það samráðshópur Reykjavíkurborg-
ar, Vals og Valsmanna hf. sem mun fá
framkvæmdaleyfi til þess að leggja
svokallaðan framkvæmdaveg, sem
hefur ekkert að gera beint með okkar
byggingarleyfi,“ sagði Brynjar.
Hann benti á að það væru níu lóðir
á Hlíðarendareitnum og Valsmenn hf.
ættu einungis fjórar þessara lóða.
Framkvæmdavegurinn væri m.a.
hugsaður til þess að hægt yrði að
komast að öllum lóðunum níu.
„Staðreyndin er sú, að Reykjavík-
urborg á engra annarra kosta völ en
að leggja þennan framkvæmdaveg,
það hefur ekkert með Valsmenn að
gera eða flugbrautina títtnefndu.
Hlíðarendareitur er að fara í upp-
byggingu, umfram það sem er að ger-
ast hjá Valsmönnum hf.,“ sagði
Brynjar.
Brynjar segir að það næsta sem
gerist hjá Valsmönnum hf. sé að þeir
muni nú fyrir lok þessa mánaðar
leggja inn byggingarnefndarteikn-
ingar fyrir D-reit, sem hafi verið í
vinnslu sl. átta mánuði. „Þá munu
þær fara í umfjöllun umhverfis- og
skipulagssviðs Reykjavíkurborgar,
svo sem hvort þær standast deili-
skipulag, byggingarreglugerðir og
svo framvegis. Í framhaldi af því
sækjum við væntanlega um fram-
kvæmdaleyfi,“ sagði Brynjar.
Morgunblaðið/Ásdís
Hlíðarendi Væntanlega styttist í það að framkvæmdavegur verði lagður á Hlíðarendareitnum.
Hjartað í Vatnsmýrinni
segir sátt hafa verið rofna
 Valsmenn hf. ánægðir með afgreiðslu borgarstjórnar