Morgunblaðið - 19.02.2015, Blaðsíða 46

46 FRÉTTIRErlent
MORGUNBLAÐIÐ FIMMTUDAGUR 19. FEBRÚAR 2015
Bogi Þór Arason
bogi@mbl.is
Stjórnvöld á Ítalíu vöruðu í gær við
hættu á því að liðsmenn Ríkis íslams,
samtaka íslamista, kæmu sér upp
vígjum í Líbíu og notuðu þau til að
gera árásir í Evrópulöndum.
Bréf frá manni, sem talinn er vera
einn af áróðursmönnum Ríkis ísl-
ams, benda til þess að samtökin hafi í
hyggju að notfæra sér nálægð Líbíu
við Evrópu til að heyja stríð handan
Miðjarðarhafsins í löndum sunnan-
verðrar Evrópu, að sögn breska dag-
blaðsins The Daily Telegraph.
Paolo Gentiloni, utanríkisráðherra
Ítalíu, sagði í ræðu á þingi landsins í
gær að Ítalir væru tilbúnir að gegna
forystuhlutverki í því að afvopna
vígasveitir í Líbíu og koma á friði í
landinu ef Sameinuðu þjóðunum
tekst að koma á vopnahléi til að
binda enda á átök sem hafa staðið frá
því að einræðisstjórn Muammars
Gaddafis var steypt af stóli árið 2011
með stuðningi vestrænna ríkja.
Líbía var nýlenda Ítalíu til ársins
1947 og varð sjálfstætt ríki árið 1951.
Binda þarf enda
á glundroðann
Gentiloni sagði að mikil hætta
væri á því að liðsmenn Ríkis íslams
tækju höndum saman við vopnaða
hópa og glæpagengi í Líbíu. Tvær
ríkisstjórnir hafa tekist á um völdin í
landinu síðan stjórn, sem nýtur al-
þjóðlegrar viðurkenningar, flúði til
hafnarborgarinnar Tobruk eftir að
uppreisnarhópar náðu höfuðborg-
inni Trípolí á sitt vald og komu á fót
nýrri stjórn. Stór svæði eru á valdi
annarra hópa og glundroði ríkir í
landinu.
Gentiloni lagði áherslu á að Ítalir
hefðu ekki í hyggju að hefja hernað í
Líbíu en sagði að nauðsynlegt væri
að ríki heims gerðu þegar í stað ráð-
stafanir til að binda enda á glundroð-
ann í landinu.
Yfir 5.300 flóttamenn hafa farið til
Ítalíu frá Líbíu það sem af er árinu,
nær 60% fleiri en á sama tíma í fyrra.
Á síðasta ári fóru meira en 170.000
manns yfir Miðjarðarhafið til Ítalíu,
þeirra á meðal tugir þúsunda Sýr-
lendinga sem flúðu borgarastríðið í
heimalandinu.
Margir flóttamenn hafa drukknað
í Miðjarðarhafi eftir að hafa greitt
smyglurum fyrir að sigla með þá til
Ítalíu. Til að mynda er talið að yfir
300 flóttamenn hafa drukknað í vik-
unni sem leið þegar bátar þeirra
sukku.
Vilja stöðva björgunaraðgerðir
Nokkrir þingmenn stjórnarand-
stöðunnar á Ítalíu hafa hvatt til þess
að leitar- og björgunaraðgerðum
varðskipa í Miðjarðarhafi verði hætt
vegna þess að þeir telja hættu á því
að hryðjuverkamenn laumist til Ítal-
íu með flóttafólkinu í því skyni að
fremja hryðjuverk. Stjórn Ítalíu
kveðst ekki geta útilokað að þetta
geti gerst en segir að nú þegar sé
leitað að hugsanlegum hryðjuverka-
mönnum á meðal flóttafólksins. Ekk-
ert hafi komið fram sem bendi til
þess að Ríki íslams hafi reynt að
koma hryðjuverkamönnum til Ítalíu
með þessum hætti.
Fullyrt hefur verið að allt að
200.000 manns ætli að reyna að kom-
ast yfir hafið frá Líbíu til Ítalíu á
næstu mánuðum. Að sögn fréttaveit-
unnar AFP hafa þó ekki komið fram
neinar áreiðanlegar vísbendingar
um að þetta sé rétt.
Geri árásir á skip
The Daily Telegraph segir að fá-
mennir hópar á vegum Ríkis íslams
starfi nú þegar í Líbíu. Liðsmenn
samtakanna birtu á dögunum mynd-
skeið þar sem þeir sáust hálshöggva
um 20 Kopta, þ.e. kristna Egypta
sem störfuðu í Líbíu. „Við sigrum
Róm, með leyfi Allah,“ sagði einn
vígamanna samtakanna á mynd-
skeiðinu. Drápin á Koptunum urðu
til þess að her Egyptalands gerði
loftárásir fyrr í vikunni á bækistöðv-
ar íslamista í Líbíu.
Að sögn The Daily Telegraph
kemur fram í bréfum frá manni, sem
talinn er vera einn af helstu áróðurs-
mönnum Ríkis íslams, að samtökin
hafi í hyggju að ná Líbíu á sitt vald í
því skyni að gera árásir þaðan á lönd
í sunnanverðri Evrópu. Íslamistarn-
ir hyggist senda fjölda liðsmanna
sinna frá Sýrlandi og Írak til Líbíu
og senda þá síðan með bátum yfir
Miðjarðarhafið til Ítalíu, láta þá
þykjast vera flóttamenn frá Sýr-
landi. Markmiðið sé að fremja
hryðjuverk í sunnanverðri Evrópu
og einnig að gera árásir á skip í Mið-
jarðarhafi.
Ekki er hægt að sanna að bréfin
endurspegli stefnu samtakanna en
The Daily Telegraph hefur eftir sér-
fræðingum að höfundur þeirra sé
áhrifamikill meðal stuðningsmanna
íslamistanna.
Óttast árásir í Evrópu frá Líbíu
 Stjórnvöld á Ítalíu vara við því að liðsmenn samtakanna Ríki íslams geti komið sér upp bækistöðvum
í Líbíu til að senda hryðjuverkamenn yfir hafið til Ítalíu í því skyni að gera árásir í sunnanverðri Evrópu
AFP
Byltingarafmæli Líbíumenn fagna á Torgi píslarvottanna í höfuðborginni Trípólí í tilefni af því að fjögur er eru lið-
in frá því að Muammar Gaddafi einræðisherra var steypt af stóli í byltingu. Glundroði ríkir nú víða í landinu.
Líbía
500 km
NÍGER
TSJAD
EG
YP
TA
LA
N
D
TÚ
N
IS
A
LS
ÍR
TRÍPÓLÍ
Derna
Her Egypta-
lands gerði
loftárásir
Miðjarðarhaf
Vill hernaðaríhlutun
» Abdel Fattah al-Sisi, forseti
Egyptalands, hefur hvatt ör-
yggisráð Sameinuðu þjóðanna
til að samþykkja ályktun þar
sem fjölþjóðleg hernaðar-
íhlutun í Líbíu yrði heimiluð.
» Her Egyptalands gerði loft-
árásir á stöðvar íslamista í
Líbíu í vikunni eftir að þeir
hálshjuggu 20 kristna Egypta.
» Herinn hefur einnig barist
við uppreisnarmenn úr röðum
íslamista á Sinaískaga.
Hundruð manna voru í gær við út-
för Dans Uzan, 37 ára gyðings sem
beið bana í skotárás 22 ára Dana af
palestínskum ættum í Kaupmanna-
höfn um helgina. Á meðal við-
staddra var Helle Thorning-
Schmidt forsætisráðherra sem sást
fella tár við athöfnina.
Dan Uzan var borinn til grafar í
grafreit gyðinga í Kaupmannahöfn.
Lögreglan var með mikinn öryggis-
viðbúnað á svæðinu. M.a. voru
leyniskyttur á nálægum húsþökum.
Thorning-Schmidt og fleiri leið-
togar í Evrópu hvöttu gyðinga til
að flýja ekki frá álfunni eftir að
Benjamin Netanyahu, forsætisráð-
herra Ísraels, hvatti evrópska gyð-
inga til að flytja búferlum til Ísraels
vegna hættunnar á fleiri slíkum
hryðjuverkum. „Árás á gyðinga í
Danmörku er árás á Danmörk,“
sagði danski forsætisráðherrann.
Ekki er talið líklegt að margir
danskir gyðingar ákveði að fara til
Ísraels. „Maður er ekki öruggari í
Ísrael en Danmörku,“ sagði kona
sem var við útförina í gær.
EPA
Fórnarlamb skotárásar-
innar borið til grafar
SPORTÍS
MÖRKIN 6 108 REYKJAVÍK S:520-1000 SPORTIS.IS
KOMDU Á ÓVART!
KONUDAGS ÚLPAN ER CANADA GOOSE
KENSINGTON
Kr.129.990.-
OPIÐ: MÁN. - FÖS. KL. 10 - 18 - LAU. KL. 12-16