Morgunblaðið - 19.02.2015, Blaðsíða 38

38 FRÉTTIRInnlent
MORGUNBLAÐIÐ FIMMTUDAGUR 19. FEBRÚAR 2015
ÚR BÆJARLÍFINU
Skapti Hallgrímsson
Akureyri
Heimskautasetur verður opnað á
Akureyri síðar á árinu. Þar verða
sýningar um líf og atvinnuhætti á
norðurslóðum, um sókn mannsins að
norðurpólnum og ferðir á og yfir
Grænlandsjökul.
  
Heimskautasetrið er í einka-
eigu en verður rekið í samstarfi við
Heimskautaréttarstofnunina, sjálf-
stæða rannsóknar- og fræðslustofn-
un sem starfrækt er við Háskólann á
Akureyri. Formaður stjórnar henn-
ar er Arngrímur Jóhannsson flug-
stjóri.
  
Hús hefur verið keypt undir
heimskautasetrið; það verður í
Strandgötu 53, neðst á Oddeyri,
steinsnar frá bryggjunum þar sem
skemmtiferðaskip koma að landi yfir
sumarið. Síðast var veitingastaður-
inn Oddvitinn í húsinu.
  
Eigendur heimskautasetursins
eru nú þegar komnir með efni á fjór-
ar eða fimm sýningar sem settar
verða upp í húsinu. Einnig verða þar
farandsýningar og hefur þeim verið
boðið ýmislegt mjög spennandi að
sögn, en ekki tímabært að greina
nánar frá því að svo stöddu.
  
Stefnt er að því að opna heim-
skautasetrið á Akureyrarvöku, síð-
sumars.
  
Litskrúðugar furðuverur voru
áberandi á Akureyri fyrir hádegi í
gær, enda jafnan haldið upp á ösku-
daginn með bravör norðan heiða.
Mikið var sungið og að sögn versl-
unarmanna var lagið Í síðasta skipti,
sem Friðrik Dór flutti í Söngkeppni
sjónvarpsins, langvinsælast. Sumir
fullyrtu að níu af hverjum tíu ösku-
dagsliðum hefðu sungið það lag.
  
Söngkeppni fór að vanda fram á
verslunarmiðstöðinni Glerártorgi og
í Hamraborg, stóra salnum í menn-
ingarhúsinu Hofi, blésu Menningar-
félag Akureyrar og sjónvarpsstöðin
N4 til hæfileikakeppninnar Gott tal-
ent … Á báðum stöðum var mjög
fjölmennt.
  
Verkefnið TA togvélar hlaut
fyrstu verðlaun, eina milljón króna
og ráðgjafartíma frá KPMG, á at-
vinnu- og nýsköpunarhelgi sem fór
fram á Akureyri um síðustu helgi.
Að verkefninu stendur Gísli Steinar
Jóhannsson.
  
TA togvélar snýst um að hanna
tölvustýrða togvél til að draga t.d.
snjóbrettafólk áfram með meiri ná-
kvæmni „og gera þannig kleift að ná
mun flóknari stökkum en áður og af
meira öryggi. Þannig opnast einnig
möguleiki á notkun snjóbretta þar
sem ekki eru skíðalyftur og ódýrari
kostur á fjölbreyttari útiveru“, segir
í frétt á heimasíðu Háskólans á
Akureyri en samkoman fór fram
innan veggja skólans.
  
Að sögn skipuleggjenda tókst
helgin vel og mörg metnaðarfull
verkefni voru kynnt. Margir hófu
leik á föstudag en á sunnudag voru
14 hugmyndir kynntar fyrir dóm-
nefnd og fimm verðlaunaðar.
  
Önnur verðlaun hlaut verkefnið
Rabarbaraverksmiðja sem er hug-
mynd Eddu Kamillu Örnólfsdóttur.
Verkefnið hlaut 400.000 krónur í
verðlaun, auk ráðgjafartíma frá
KPMG. Verkefnið snýst um að auka
rabarbaraframleiðslu í landinu í því
skyni að draga úr innflutningi á rab-
arbara, auk þess að hefja útflutning
á íslenskum rabarbara.
  
Þriðju verðlaun hlaut verkefnið
Speni sem er hugmynd Halldórs
Karlssonar sem snýst um að aðstoða
bændur við heimaframleiðslu á
mjólkurafurðum með færanlegu
mjólkurbúi. Verkefnið Orðflokka-
greiningarforrit hlaut hvatningar-
verðlaunin í ár en þar er Sigurður
Friðleifsson á ferð með forrit sem
ætlað er að gera orðflokkagreiningu
meira spennandi og skemmtilegri en
hún er í dag.
  
Samkomulag Akureyrarbæjar
og Markaðsstofu Norðurlands um
flugklasann – Air66N – var endur-
nýjað í vikunni. Markmiðið með því
er að komið verði á reglulegu milli-
landaflugi til og frá Akureyri sem
stuðla mun að fjölgun ferðamanna á
Norðurlandi. Akureyrarbær styður
við markaðsstarf í þessu skyni til
ársins 2017. Í ár leggur bærinn fram
níu milljónir króna í þessu skyni.
  
Sýning á verkum Lárusar H.
List, Álfareiðin, verður opnuð í vest-
ursal Listasafnsins á Akureyri. Lár-
us hefur haldið liðlega 20 einkasýn-
ingar og tekið þátt í fjölmörgum
samsýningum á Íslandi og erlendis.
Hann vinnur aðallega með olíu og
akríl á striga.
  
Sýning Lárusar verður opin kl.
12-17 til fimmtudags 26. febrúar og
lýkur þá formlega með lokunarteiti!
Þetta er hluti af röð átta vikulangra
sýninga sem hófst 10. janúar og mun
standa til 8. mars.
  
Jonna, Jónborg Sigurðardóttir,
opnar sýninguna Strange fruit í
Flóru á Akureyri á laugardaginn.
Jonna fæddist árið 1966 og útskrif-
aðist úr málunardeild Myndlistar-
skólans á Akureyri vorið 1995. „Í ár
eru 100 ár frá því að konur á Íslandi
fengu kosningarétt, og er Strange
fruit tilvitnun í það óréttlæti og van-
virðingu sem konur máttu þola. Víða
um heim eru konur enn réttinda-
lausar og búa við ofríki karla,“ segir
í tilkynningu.
  
Grínistinn Pétur Jóhann Sigfús-
son verður með sýningu á Græna
hattinum í kvöld; Pétur Jóhann
óheflaður kallar hann sýninguna.
  
Ljótu hálfvitarnir verða með tón-
leika á Græna hattinum bæði á
föstudags- og laugardagskvöld.
Uppselt er á þá seinni.
Fjölbreytt heimskautasetur í bígerð
Morgunblaðið/Skapti
Gleði Litskrúðug og fjörug ungmenni voru áberandi á Akureyri í gær. Mikið var sungið og töluvert borðað!
Morgunblaðið/Skapti
Heimskautasetur Sýningar um líf og atvinnuhætti á norðurslóðum verða í
Strandgötu 53, neðst á Oddeyri. Þar var síðast veitingastaðurinn Oddvitinn.
Karl Guðmundsson á Akureyri var
kjörinn listamaður hátíðarinnar
Listar án landamæra að þessu sinni.
Var af því tilefni haldin móttaka í
Listasafninu á Akureyri á þriðju-
daginn þar sem Karli var afhent við-
urkenningarskjal og hann hlaðinn
blómum.
Kalli hefur fengist við listsköpun
frá unga aldri, fyrst með aðstoð og
síðan í samstarfi við Rósu Kristínu
Júlíusdóttur myndlistarmann og
kennara. Leiðir þeirra lágu fyrst
saman þegar Kalli var fimm ára og
varð nemandi Rósu Kristínar í
Myndlistarskólanum á Akureyri.
Fyrst var efnt til Listar án landa-
mæra á Evrópuári fatlaðra 2003 og
hefur hátíðin verið haldin árlega síð-
an. Síðustu árin hafa listafólk og
hópar frá Norðurlöndunum óskað
eftir samstarfi og komið til Íslands
og sýnt verk sín á hátíðinni og við-
burðum fjölgar ár frá ári.
Markmið hátíðarinnar er að auka
gæði, gleði, aðgengi, fjölbreytni og
jafnrétti í menningarlífinu. „Við vilj-
um koma list fólks með fötlun á
framfæri og koma á samstarfi á milli
fatlaðs og ófatlaðs listafólks,“ segir á
heimasíðu hátíðarinnar.
Kalli Karl Guðmundsson með viðurkenningarskjalið og blómin í vikunni.
Kalli valinn listamaður
Listar án landamæra
www.kalli25.net