Dagblaðið Vísir - DV - 09.03.2012, Blaðsíða 14

Norðurland
69 þúsund
Akureyri
102 þúsund
Austurland
83 þúsund
Suðurland
92 þúsund
Suðurnes
89 þúsund
Vesturland
89 þúsund
Vestfirðir
82 þúsund
Leiguverð 90 fermetra íbúðar
S
á sem segir upp leigusamn­
ingi þriggja herbergja íbúð­
ar vestan Kringlumýrar­
brautar í Reykjavík og flytur
norður í land getur vænst
þess að leigan lækki um meira en
helming, eða heil 55 prósent.
Þetta miðast við meðal fermetra­
verð þinglýstra húsaleigusamninga
síðustu þriggja mánaða en Þjóðskrá
Íslands hefur nýverið hafist handa
við að taka saman og birta þessar
upplýsingar.
Úr íbúð í stórt einbýlishús
Sá sem flytur af svæði þar sem
íbúðaverð er dýrast til Norðurlands
þar sem íbúðir eru ódýrastar, getur
sparað sér tugi þúsunda á mánuði.
Leiga níutíu fermetra þriggja her­
bergja íbúðar vestan Kringlumýrar­
bautar í Reykjavík og á Seltjarnar­
nesi er að jafnaði um 153 þúsund
krónur á mánuði. Leiga fyrir sam­
bærilega íbúð á Norðurlandi, ef Ak­
ureyri er frátalin, er 68 þúsund krón­
ur á mánuði.
Ef tilgangurinn er að stækka við
sig er það leikur einn. Umræddur
einstaklingur, sem segir upp leigu­
samningnum í Reykjavík, gæti hæg­
lega tekið á leigu fimm herbergja
200 fermetra einbýlishús á Norður­
landi en samt sparað sér 32 þúsund
krónur á mánuði, eða nærri 400 þús­
und krónur á ári. Fyrir þann pening
gæti hann leikandi farið með alla
fjölskylduna til sólarlanda á hverju
einasta ári.
Mikill munur innan
höfuðborgarsvæðisins
Eins og sjá má á meðfylgjandi korti
er munur á leiguverði nokkuð mikill
innan höfuðborgarsvæðisins. Dýrast
er að búa í Reykjavík, vestan Kringlu­
mýrarbrautar, og á Seltjarnarnesi
eins og áður sagði. Þar á eftir er dýr­
ast að búa í Reykjavík á milli Kringlu­
mýrarbrautar og Reykjanesbrautar
en þar kostar um 140 þúsund krónur
á mánuði að leigja 90 fermetra íbúð.
Í Grafarvogi, Grafarholti, Árbæ,
Norðlingaholti og Úlfarsárdal er
meðalverðið 130 þúsund krónur en
þar á eftir koma Kópavogur, Breið­
holt, Garðabær, Hafnarfjörður og
Álftanes. Þá Kjalarnes og Mosfells­
bær.
Ódýrt fyrir austan og
á Vestfjörðum
Þegar horft er út fyrir höfuðborgar­
svæðið má segja að leiguverðið
hækki eftir því sem lengra dregur frá
Reykjavík. Á eftir Norðurlandi (utan
Akureyrar) er verðið lægst á Vest­
fjörðum og Austurlandi, en mið­
að við meðalverð á fermetra þriggja
herbergja íbúða kostar rúmlega 80
þúsund krónur á þessum landsvæð­
um að leigja 90 fermetra.
Á Suðurlandi, Suðurnesjum og
Vesturlandi er verðið um 90 þúsund
krónur.
Minni akstur
Þeir sem glíma við fjárhagserfið­
leika, eða vilja stækka við sig án þess
að auka útgjöldin ættu að horfa til
landsbyggðarinnar. Þó að matvöru­
verð og flutningsgjöld séu víða hærri
úti á landi má í einhverjum tilvik­
um spara stórfé á bensínkostnaði.
Í smærri byggðum eru vegalengd­
ir stuttar og víða má ganga til vinnu
og skóla án nokkurra vandkvæða.
Árskostnaður venjulegrar fjölskyldu
vegna eldsneytis er að sögn FÍB 494
þúsund krónur. Því er mikið svigrúm
til þess að spara þar. Þó skal hafa í
huga að í þeim tilvikum sem fólk
býr í dreifbýli og þarf að sækja þjón­
ustu eða vinnu um langan veg, getur
dæmið snúist við. Þá geta eldsneyt­
isútgjöld verið ærin.
Vantar börn á leikskóla
Eins og sést á töflunni um atvinnu­
leysi hér til hliðar var atvinnuleysi í
janúar minnst á Norðurlandi vestra,
einungis 2,8 prósent. Almennt má
segja að atvinnuleysið sé minna úti á
landsbyggðinni en á Suðvesturlandi.
Það er því ekki ástæða til að ætla að
erfitt sé að fá vinnu úti á landi, þar
sem leiguverð er lægra. Hins vegar er
ekki víst að allir finni þá vinnu sem
þá helst dreymir um. Atvinnufram­
boð er víðast fábreyttara en á Suð­
vesturhorninu.
Þó má finna nýleg dæmi þess
að starfskrafta beinlínis vanti í fjöl­
breytt störf á landsbyggðinni. Þann­
ig greindi Rannveig Halldórsdóttir,
hárskeri á Kópaskeri, frá því í að­
sendri grein í Morgunblaðinu að
ýmsar stöður í þorpinu væru laus­
ar. Þannig vantaði bifvélaverkja,
kaupanda eða meðeiganda að bif­
reiða­ og vélaverkstæði, hjúkrunar­
fræðing, snyrtisérfræðing og hand­
menntakennara, svo eitthvað væri
nefnt. „Síðast en ekki síst vantar
á svæðið börn bæði í leikskóla og
í grunnskóla ásamt foreldrum og
duglegt fólk á öllum aldri sem vill
taka þátt í samfélaginu,“ skrifaði
Rannveig.
Það er því ljóst að á landsbyggð­
inni er húsnæði miklu ódýrara en á
höfuðborgarsvæðinu og atvinnu­
möguleikar ekki alls staðar af skorn­
um skammti.
Fluttu norður og
sparaðu stórfé
„Eins og sést á töfl-
unni um atvinnu-
leysi hér til hliðar var at-
vinnuleysi í janúar minnst
á Norðurlandi vestra,
einungis 2,8 prósent.
Baldur Guðmundsson
blaðamaður skrifar baldur@dv.is
n Meira en helmingi ódýrara er að leigja á Norðurlandi en í Reykjavík
Atvinnulausir
í janúar 2012
n Höfuðborgarsvæðið 7,8%
n Suðurnes 12,5%
n Vesturland 4,0%
n Vestfirðir 3,8%
n Norðurland vestra 2,8%
n Norðurland eystra 5,6%
n Austurland 4,4%
n Suðurland 5,6%
Höfuðborgarsvæðið
Kjalarnes og Mosfellsbær
116 þúsund
Garðabær, Hafnarfjörður og Álftanes
123 þúsund
Breiðholt
126 þúsund
Kópavogur
128 þúsund
Grafarvogur, Grafarholt, Árbær, Norð-
lingaholt og Úlfarsárdalur
130 þúsund
Reykjavík milli Kringlumýrarbrautar og
Reykjanesbrautar
140 þúsund
Reykjavík, vestan Kringlumýrar-
brautar, og Seltjarnarnes
153 þúsund
14 Fréttir 9.–11. mars 2012 Helgarblað
Ekki ný stefna hjá Nóa Síríus:
Málshátturinn
var á ensku
„Í mörg ár hef ég keypt, vikurnar
fyrir páska, lítil páskaegg í pakka
frá Nóa Síríus og gefið móður
minni sem nú er á áttugasta og
sjöunda aldursári. Fyrir utan það
hve hrifin hún er af eggjunum þá
hefur mesta spennan verið að lesa
málsháttinn. Í ár brá svo við að
móðir mín gat ekki lesið málshátt­
inn þar sem hann var á ensku og
ég varð að þýða hann fyrir hana,“
segir maður sem veltir fyrir sér
hvort um nýja stefnu hjá Nóa Sírí­
us sé að ræða.
Hann segir móður sína hafa
safnað málsháttunum í mörg ár
og því hafi þetta verið viss von­
brigði fyrir hana. Málshátturinn
sem konan fékk var svohljóðandi:
„There is no sense so uncommon
as common sense.“
Þau svör fengust hjá Nóa Sírí­
us að fyrirtækið væri ekki búið að
taka upp nýja alþjóðlegri stefnu í
málsháttagerð sinni heldur væri
um mistök að ræða. Fyrirtækið
hefur undanfarið selt páskaegg
erlendis og þá aðallega á Norður­
löndum og í þau egg hafi verið
settir málshættir á ensku. Nokkrir
kassar af þeim eggjum hafi fyrir
mistök farið á markað hér en þeir
ættu að vera komnir úr umferð.
Ábendingar hafi borist til þeirra
um þetta og viðskiptavinir sem
hafi fengið enska málshætti hafi
fengið það bætt.
Nói Siríus vill fullvissa konuna
sem fékk enska málsháttinn um
að ekki sé um nýja stefnu að ræða
og að í framtíðinni verði máls­
hættirnir á íslensku.
gunnhildur@dv.is
Kynlegar tölur:
Fleiri listaverk
eftir karla
Mannréttindaskrifstofa og Mann­
réttindaráð Reykjavíkurborgar
gáfu út bækling á fimmtudag,
Kynlegar tölur, í tilefni þess að á
fimmtudag var Alþjóðlegur bar­
áttudagur kvenna. Bæklingurinn
hefur að geyma tölfræðilegar upp­
lýsingar þar sem varpað er ljósi á
ólíka stöðu karla og kvenna eins
og hún birtist á ýmsan hátt í borg­
inni.
Margt athyglisvert er að finna
í bæklingnum. Til dæmis kemur
fram að 18,7 prósent útilista­
verka í Reykjavík eru eftir kon­
ur en 78,9 prósent þeirra eru eftir
karla. Óþekktir höfundar eru 2,4
prósent. Einungis 2 prósent þeirra
sýna nafngreindar konur en 18,7
prósent þeirra nafngreinda karl­
menn. Kynjahlutföll aðalmanna í
nefndum og ráðum borgarinnar
eru mjög jöfn, 48 prósent þeirra
eru konur og 52 prósent karl­
ar. Handhafar Menningarkorts­
ins, sem veitir aðgang að söfnum
Reykjavíkurborgar, eru 71 prósent
konur og 29 prósent karlar. Til­
nefninguna íþróttamaður ársins
hafa konur hlotið í 7 prósentum
tilvika en karlar í 93 prósentum til­
vika. Í þeim hópi sem hefur rétt til
að kjósa biskup eru 40,2 prósent
konur en 59,8 prósent karlar.