Dagblaðið Vísir - DV - 09.03.2012, Blaðsíða 30

30 Umræða 9.–11. mars 2012 Helgarblað
Steinunn Árnadóttir: Hvað
hefðir þú gert í staðinn fyrir
að sameina skóla?
 Sóley Ég hefði búið til áætlun um
breytingar í öllu stjórnkerfinu – en
ekki bara á viðkvæmasta sviðinu.
Hafist svo handa við sameiningar
á hörðu sviðunum fyrst. Sennilega
hefði það dugað.
Inga Guðmundsdóttir: Sæl
Sóley, ég rek vefinn
dressupgames.com sem
hefur verið vinsæll hjá stelpum. Um
daginn sakaði femínisti mig um að
stuðla að klámvæðingu og vera
subbuleg fyrirmynd. Hvað finnst þér
um dúkkulísuleiki?
 Sóley Sæl. Ég hef ekki séð þessa síðu,
dúkkulísuleikir eru sjálfsagt allt í lagi
– en mér finnst mikilvægt að börn fái
frjálst val um viðfangsefni og að þau
megi leika sér að öðru en hefðbundin
kynhlutverk gera ráð fyrir.
Sigurður Eggertsson: Hvað
finnst þér um aksturslag við
t.d. Melaskóla þar sem
stöðvunarskylda er virt að vettugi og
hvað finnst þér að ætti að gera í þessu?
 Sóley Það finnst mér ómögulegt.
Mér finnst raunar skrýtið hversu
margir foreldrar velja að keyra
börnin sín í skólann með tilheyrandi
mengun og hættum sem skapast.
Sigurður Eggertsson: Hvað
finnst þér um aðferðir „Stóru
systur“?
 Sóley Ég er ánægð með Stóru
systur. Finnst hún hugrökk og er
þakklát henni fyrir að hafa vakið
athygli á því að vændi þrífst í ríkum
mæli á Íslandi án þess að mikið sé
aðhafst til að vinna gegn því.
Drífa Snædal: Hvað finnst þér
að setja ætti í forgang í
skipulagsmálum borgarinnar?
 Sóley Skapandi hugsun. Við þurfum
að vera dugleg að sjá ný tækifæri.
Það var t.d. ferlega skemmtilegt að
vera í stjórn Hafnanna og endur-
skipuleggja verbúðirnar sem nú eru
orðnar að verslunum. En þétting
byggðar og bætt nýting Vatnsmýr-
arinnar er líka gríðarlega mikilvægt
í umhverfislegu tilliti – fyrir landið
allt. Og það þarf að framkvæma
gegnum skipulag.
Jónas Halldórsson: Hvernig
finnst þér Gnarr hafi staðið
sig sem borgarstjóri?
 Sóley Gnarr hefur margar góðar
hugmyndir og vill vel. Ég vildi óska
þess að hann framkvæmdi fleiri
þeirra og léti meira til sín taka. T.d. að
hann stæði með umhverfi og lýðræði
í ríkari mæli.En öll hagsmunabarátta
helst í hendur – femínistar hafa
t.d. lært mjög mikið af umhverfis-
verndarsinnum og baráttunni gegn
kynþáttafordómum.
Ásta Sigrún Magnúsdóttir:
Hvað finnst þér um stefnu
mannréttindaráðs og
trúfrelsi í skólum o.fl.? Var of hart
gengið fram?
 Sóley Nei, ég er mjög sátt við stefnu
mannréttindaráðs í þessum efnum
og hef lagt til að sambærilegar
reglur verði settar fyrir velferðarsvið,
sem reyndar var hafnað.
Hannes Hall: Bresk könnun:
Karlkyns kennarar bæta
hegðun og námsárangur
drengja. Miðað við þetta, er þá ekki
kominn tími á að setja kynjahlutfall
á grunnskólakennara?
 Sóley Best væri ef allir vinnu-
staðir væru kynjablandaðri því rann-
sóknir sýna að það bæti árangur á
öllum sviðum. Held að hegðun og
námsárangur drengja standi ekki og
falli með kyni kennarans, enda eru
kennarar menntaðir til að koma til
móts við þarfir beggja kynja. Raunar
finnst mér þurfa að bæta kynjafræði
í menntunina þannig að kennarar
verði enn betur í stakk búnir.
Elías Ágústsson: Nú hafa
borgaryfirvöld hætt að
mestu að ryðja hjólreiða-
stíga á stofnleiðum einmitt þegar
færðin hefur að öllu jöfnu verið verri
en undanfarin ár. Sérð þú hvernig
þetta gæti batnað?
 Sóley Já, það hefði þurft að fjölga
snjóruðningstækjum fyrir göngu- og
hjólreiðastíga fyrir löngu síðan. Nú-
verandi fjöldi stendur engan veginn
undir þjónustunni.
Ásta Sigrún Magnúsdóttir:
Hvað með flugvöllinn? Á
hann að vera eða fara?
 Sóley Flugvöllurinn á að fara – kom
fram áðan að ég tel það vera risastórt
umhverfismál að þétta hér byggð og
þar er Vatnsmýrin lykilsvæði.
Eva Hauksdóttir: Ertu
fylgjandi öfugri sönnunar-
byrði í kynferðisbrotamálum?
 Sóley Nei, Eva.
Reynir Traustason: Hvað
finnst þér um fegurðarsam-
keppnir kvenna?
 Sóley Þær eru að mínu mati tíma-
skekkja, Reynir. Staðalmyndir og
útlitsdýrkun er ekki það sem gerir
þetta samfélag betra.
Magnea Matthíasdóttir:
Hvernig leggst í þig að
fjármagna eigi nýjar virkjanir á
Hellisheiði með verkefnisfjármögnun?
Er þetta dulin einkavæðing?
 Sóley Ég er ekki viss um að hún
sé einu sinni dulin. Það er verið að
hleypa öðrum en hinu opinbera að
virkjunarframkvæmdum OR. Það
er grafalvarlegt mál og þvert gegn
stefnu borgarinnar fram til þessa.
Valgeir Ragnarsson: Hverjar
telur þú vera ástæðurnar
fyrir því að námsárangur
drengja í grunnskólum sé lakari en
námsárangur stelpna?
 Sóley Mýmargar – fyrst og fremst
hefðbundin kynhlutverk og staðal-
myndir sem er haldið að kynjunum
og eru skaðlegar báðum kynjum.
Nói Blomsterberg: Sæl og
bless, Sóley. Hver finnst þér
að ætti að verða næsti biskup
yfir íslensku þjóðkirkjunni og af hverju?
 Sóley Blessaður. Ég er ekki
í þjóðkirkjunni og finnst hún
eiginlega hafa allt of mikið vægi í
samfélaginu. Er þó ferlega spennt
fyrir Sigríði Guðmarsdóttur, hún er
skemmtilega ögrandi og hress.
Vigfús Bollason:
Nú hefur þér verið legið á
hálsi fyrir að elska ekki son
þinn. Er það nokkuð rétt?
 Sóley Nei, ég elska son minn af öllu
hjarta. Og ávirðingar um annað eru
til marks um hvað fólk er tilbúið til
að leggjast lágt í útúrsnúningum
til að ná sér niðri á pólitískum and-
stæðingum.
Haraldur Pálsson:
Stefnir þú á borgarstjór-
astólinn eftir næsta kjör-
tímabil?
 Sóley Nei, Haraldur, ég efast
stórlega um að verða í framboði fyrir
næsta kjörtímabil. Langar ekki að
ílengjast í pólitík.
Nói Blomsterberg:
Þau ummæli sem höfð voru
eftir þér í blaðaviðtali, að þú
hefðir verið í áfalli þegar þú komst
að því að þú hefðir eignast son, voru
þau orð tekin úr samhengi?
 Sóley Já, þar var ég að vísa í þá
áskorun sem það er að ala upp dreng
í samfélaginu og mér fannst hún
erfið þar sem ég ólst bara upp með
stelpum.
Hannes Hall:
Þú hefur verið mikill tals-
maður fyrir femínista,
hefurðu séð einhverja breytingu á
baráttunni frá því að þú byrjaðir og
til dæmis í dag?
 Sóley Já, það þokast aðeins. Ég er
samt óþolinmóð að eðlisfari.
Eva Hauksdóttir: Nú eiga
þolendur kynferðisbrota oft
erfitt með að sýna fram á brot.
Hvaða breytingar viltu sjá á réttar-
kerfinu sem gætu gagnast í slíkum
málum?
 Sóley Ég held það þurfi að endur-
mennta réttarkerfið í heild sinni til
að það geti tekið á móti þolendum af
virðingu og taki þá alvarlega.
Hildur Lilliendahl Viggós-
dóttir:
Hæ og til hamingju með
daginn. Hvað er hægt að bæta í
strætómálum og hvernig á að fara
að því?
 Sóley Blessuð og sæl. Það þarf að
forgangsraða meiri fjármunum í
strætó. Auka tíðni og þétta kerfið.
Morten Lange:
Hvernig list þér á að beita
markaðnum/skatta sem
eru í ætt við mengunarbótar-
reglunni í ríkara mæli, í stað þess að
banna hluti? Nú er kolefnisskattur.
Nagladekkjaskatt eins og í borgum
Noregs?
 Sóley Ég er hlynnt því, Morten. Mjög
hlynnt. Mengunarbótareglan er
frábær!
Ásta Sigrún Magnúsdóttir:
Hvernig finnst þér núverandi
borgarstjórn vera að standa
sig í jafnréttismálum?
 Sóley Við getum öll gert betur í
jafnréttismálum. Verst finnst mér
aðför núverandi meirihluta að
leikskólakennurum í Reykjavík, hún
er óásættanleg og afar kynjuð. Það
hefur samt ýmislegt gott verið gert.
Þórður Eiríksson: Sæl,
hefurðu einhverja skoðun á
lyftingamótum karla, í
sambandi við að fegurðarsam-
keppnir kvenna eru neikvæðar vegna
kynjahlutverka?
 Sóley Tja – ekki beint lyftingum,
en vaxtarræktarkeppnir finnst mér
betri samanburður – og alls ekki af
hinu góða, ekki frekar en fegurðar-
samkeppnirnar.
Árni Sigurðsson: Á að taka
kennsluaðferðir til
gagngerrar endurskoðunar?
Er hægt að nota Khan academy sem
fyrirmynd að 21. aldar kennslu?
 Sóley Sæll, Árni. Mér finnst Khan
academy mjög skemmtileg nálgun.
Mikilvægast er að beita fjölbreytt-
um aðferðum, börn eru svo ólík og
við verðum að laga okkur að þeirra
þörfum.
Halldór Benediktsson: Myndi
það ekki gagnast Reykjavík
meira að hafa litla sem enga
byggð í Vatnsmýrinni, ef flug-
völlurinn fer, vegna t.d. fuglalífs þar?
 Sóley Niðurstaða hugmyndasam-
keppni um Vatnsmýrina gerir ráð
fyrir að friðlandið þar verði áfram og
fuglalífið ætti að hafa jafnvel enn
betri aðstæður en nú.
Hildur Lilliendahl Viggós-
dóttir: Sérðu VG fyrir þér í
meirihluta með Sjálfstæðis-
flokknum í borginni?
 Sóley Nei, Hildur, það geri ég ekki.
Allt of margt sem skilur á milli
hugmyndafræðilega. Ég er samt enn
spennt fyrir samstarfi allra flokka og
vona að svoleiðis fyrirkomulag verði
að veruleika einn daginn.
Sigurður Eggertsson: Er OR
stjórnlaus – geta þeir bara
selt hvað sem er án þess að
borgarstjórn viti af því – er
hugsanlegt að farið verði í málaferli
út af óheimilum sölum?
 Sóley Tja – það er allavega eitthvað
sem vert er að skoða í ljósi nýjustu
tíðinda. Ég hef ítrekað sagt að
það sé andlýðræðislegt og vont
fyrir almenning að hafa „faglega
rekstrarmenn“ í stjórn en ekki kjörna
fulltrúa almennings. Það eru þeir
sem eiga að gæta heildarhagsmuna
og verða að axla þá ábyrgð.
Hallur Guðmundsson: Hvert
er viðhorf þitt til kynjakvóta
á þeim forsendum að vel
starfandi manni í stjórn félags er ýtt
út í nafni kynjakvóta? Á ekki frekar
að meta hæfni frekar en hvers kyns
maður er?
 Sóley Ég er sannfærð um að það
séu til jafnmargar hæfar konur og
karlar til að sitja í stjórnum félaga.
Kynjakvótar fá stjórnendur til að
hugsa út fyrir rammann og það er
öllum holt. Kvótar munu aldrei leiða
til þess að vanhæf kona setjist í
stjórn, ég fullyrði það.
Haukur Alfreðsson:
Ertu plís til í að bjóða þig
fram sem forseta Íslands?
 Sóley Hæ, Haukur. Ef ég héldi að
ég ætti minnsta séns, þá myndi ég
íhuga það alvarlega. En við þurfum
einhvern sem fólk sameinast
um, ekki konu sem er þekkt fyrir
róttækar og umdeildar skoðanir. En
takk fyrir áskorunina.
Bergsteinn Sigurðsson:
VG leggur ríka áherslu á
kvenfrelsi í stefnu sinni.
Finnst þér flokkurinn standa undir
nafni í þessum efnum?
 Sóley Við getum sannarlega gert
betur – og ég hef svo sem gagnrýnt
flokkinn minn og mun halda áfram
á þessu sviði. En við höfum komið
mörgum góðum og mikilvægum
málum til leiðar.
Kristján Benjamínsson:
Hvers vegna heldurðu að
femínismi sé að fá svona
mikla gagnrýni frá sumum karl-
mönnum sem segja að íslenskir
femínistar séu að verða of öfgafullir?
 Sóley Femínismi ögrar ríkjandi
valdajafnvægi og viðteknum skoð-
unum og samfélagið er íhaldssamt.
Öfgastimpillinn er leið til að gera
lítið úr málstaðnum og er yfirleitt
ekki á rökum reistur.
Hallur Guðmundsson:
Ég get ekki verið sammála
með kynjakvótann, Sóley.
Eitt sinn starfaði ég í félagi þar sem
mér var ýtt úr stjórn fyrir konu sem
var nýbyrjuð og mætti illa og gerði
ekkert. Þetta er kynjakvóti í reynd.
 Sóley Hallur – þá getum við líka
sammælst um að vera ósammála.
En ertu viss um að þú leggir hlut-
laust mat á stöðuna þar sem þetta
mál varðar þig beint?
Kristján Benjamínsson:
Hvað geta femínistar gert til
að snúa þessu neikvæða við-
horfi takmarkaðs hóps karlmanna
gegn sér við?
 Sóley Ég veit það svei mér ekki. Er
ekki viss um að þeir allra hörðustu
sannfærist, alveg sama hvað yrði að
gert.
Bergsteinn Sigurðsson:
Að hvaða leyti finnst þér VG
helst geta bætt sig í jafn-
réttismálum?
 Sóley Að mörgu leyti. Fyrst og
fremst er mikilvægt að allir sem tala
og vinna í nafni flokksins séu alltaf
með kynjagleraugun á nefinu. Þau
eiga það til að gleymast heima –
eða á skrifstofunni.
Hildur Lilliendahl Viggós-
dóttir:
Fyrirgefðu persónulegu
spurninguna en fylgir þínum
pólitíska og femíníska frama mikið
álag á fjölskylduna þína?
 Sóley Ekkert mál, Hildur. Já, það er
mikið álag á fjölskyldunni minni. Ég
hitti þau allt of sjaldan og þau fá oft
ljótar athugasemdir. Sök sér með
manninn minn sem er fullorðinn, en
það er ómögulegt að börnin mín líði.
Verst þykir mér að fullorðnum ein-
staklingum hafi dottið í hug að reyna
að koma því inn hjá syni mínum að
hann væri ekki elskaður af mömmu
sinni.
Auður Ketilsdóttir: Nú ert þú
stjórnarmaður í OR, hvað
finnst þér mikilvægast að
huga að nú í tengslum við Orkuveitu
Reykjavíkur?
 Sóley Að koma í veg fyrir einkavæð-
ingu Hverahlíðarverkefnisins og
frekari þjónkun við stóriðjustefnuna.
Auk þess er nauðsynlegt að taka
enn fastar á stjórnunarháttum fyrir-
tækisins í ljósi nýjustu tíðinda.
Geir Andersen: Ert þú á móti
því að börn séu klædd í bleik
eða blá föt eftir kyni, við
fæðingu?
 Sóley Ég er á móti því að það sé
ákveðið fyrirfram að stelpur eigi að
vera í bleiku og strákar í bláu. Ég vil
að foreldrar fái sjálfir að velja – og
litir regnbogans eru fleiri en tveir.
Guðni Jónasson: Skipulags-
mál. Þétting byggðar eða
áframhaldandi úthverf-
amyndun?
 Sóley Þétting byggðar. Ekki
spurning. Innan skynsamlegra
marka samt.
Auður Ketilsdóttir: Hvernig
er hægt að gera reiðhjól að
raunverulegum valkosti í
samgöngumálum innan borgar-
innar? Fyndist þér það æskilegt?
 Sóley Já, það er sannarlega
æskilegt. Til þess þarf að bæta
hjólreiðastígakerfið, taka upp sam-
göngustyrki og standa að almennri
hugarfarsbreytingu. Við erum að
reyna að vinna í því.
Sara Hrund: Heldur þú að
mitt í allri jafnréttisbaráttu
fullorðna fólksins, hver sem
hún er, gleymist börnin?
 Sóley Já, Sara. Ég er hrædd um það.
Sem betur fer er að aukast skilningur
á því að jafnrétti næst ekki nema
við ölum börnin okkar betur upp,
hjálpum þeim að yfirvinna kröfur
staðalmyndanna og kennum þeim
vel.
Agnes Marzellíusardóttir: Nú
vilt þú flugvöllinn burt úr
Vatnsmýrinni. Gerirðu þér
grein fyrir því hversu slæmt það er
fyrir landsbyggðina? – Gísli Marteinn
vill flytja hann til Keflavíkur, vilt þú
það líka?
 Sóley Umhverfismál eru global – og
slæm áhrif bílaumferðar og dreifðrar
byggðar í Reykjavík er stórmál fyrir
landsbyggðina líka. Það þyrfti að
sjálfsögðu að tryggja sómasamlegar
aðstæður fyrir flugið samt.
Hjörtur Einarsson: Er
markvisst litið til þess, innan
borgarkerfisins, sem vel
hefur heppnast í skipulags- og
stjórnunarmálum í bæjum og
borgum nágrannalanda okkar? Eða
er sífellt verið að finna upp hjólið?
 Sóley Já, hjólreiðaáætlunin byggir
á reynslu annarra borga líka, m.a.
borga sem eru svipaðar að stærð og
legu og Reykjavík. Vinnan í þessum
efnum er að mínu mati góð og unnin
af flinku fólki.
Ásta Sigrún Magnúsdóttir:
Ef þú myndir hætta í pólitík
– hvað myndir þú vilja taka
þér fyrir hendur þess í stað?
 Sóley Ég á marga spennandi
drauma. Allt frá því að stofna
veitingastað yfir í að læra meira.
Kannski læra eitthvað allt annað
en það sem ég kann núna. Veit það
ekki. Lífið býður upp á óteljandi
tækifæri.
Þorgrímur Halldórsson: Ef
svo vel vildi til, myndir þú
titla þig sem borgarstjóra
eða borgarstýru?
 Sóley Ég myndi titla mig borgarstýru.
Daníel Ingólfsson: Finnst þér
forræðisdeilur ósanngjarnar
í garð karla þar sem rétturinn
er nánast allur hjá konum, þrátt fyrir
að maðurinn sé e.t.v. í betri stöðu til
að hugsa um börnin?
 Sóley Eina rannsóknin sem ég veit
um bendir til þess að karlar fái dæmt
forræði í 40% tilfella en konur í
60%. Ég sé ekki að þar sé rétturinn
allur hjá konunum. En kynin þurfa að
deila ábyrgðinni betur á börnum og
heimilisstörfum.
Nafn: Sóley Tómasdóttir
Aldur: 37 ára
Starf: Borgarfulltrúi í
Reykjavík fyrir VG
Menntun: BA í uppeldis- og
menntunarfræðum frá HÍ
Ekki aftur í framboð
Sóley Tómasdóttir, borgarfulltrúi og femínisti, sat fyrir svörum á Beinni línu á DV.is á fimmtudag.