Frjáls verslun - 01.05.2008, Page 29

F R J Á L S V E R S L U N • 5 . T B L . 2 0 0 8 29
MARGRÉT KRISTMANNSDÓTTIR
framkvæmdastjóri Pfaff
Þitt heilræði í stjórnun?
Fáðu starfsfólkið þitt í lið með þér.
Hverjir eru mikilvægustu eiginleikar stjórnanda?
Á endanum skiptir hæfnin í mannlegum samskiptum oft
sköpum.
Ert þú hlynnt því að ganga í ESB og taka upp evru?
Já og já. Ég held að þetta sé eingöngu spurning um hvenær
ekki hvort.
Hvað er brýnasta verkefnið þessa stundina hjá stjórn-
endum íslenskra fyrirtækja?
Að sýna ráðdeild á öllum sviðum og minna sjálfan sig og
starfsfólk sitt á að íslenskt hagkerfi hefur áður gengið í
gegnum erfiða tíma.
Áttu von á að fyrirtæki þitt nái
markmiðum sínum á árinu?
Já, fyrri helmingur ársins fór
fram úr væntingum en seinni
hlutinn verður sennilega með
þeim hætti að sá fyrri mun bæta
þann seinni upp.
Sex orða ævisagan:
Gæfurík, hress og hamingju-
söm … langflesta daga.
BRYNJA HALLDÓRSDÓTTIR
framkvæmdastjóri Norvikur
Þitt góða ráð eða heilræði í stjórnun?
Mitt ráð væri stjórnun á jafnréttisgrundvelli, með festu í huga
og þátttöku í starfi starfsmanna.
Hverjir eru mikilvægustu eiginleikar stjórnanda?
Þekking, einlægni og samviskusemi, nokkurn veginn í þessari
röð.
Ert þú hlynnt því að ganga í ESB og taka upp evru?
Í augnablikinu sýnist mér ekki íslenskt efnahagslíf vera tilbúið
til að aðlagast regluverki ESB og öðrum gjaldmiðli. Ég tel
afskaplega erfitt fyrir okkar hagkerfi að taka upp annan gjald-
miðil, m.a. vegna halla á viðskiptum við útlönd. Mitt mat er að
sennilega gætum við vart náð tökum á slíkum vanda án geng-
isleiðréttingar.
Hvað er brýnasta verkefnið þessa stundina hjá stjórn-
endum íslenskra fyrirtækja?
Í dag eru ýmiss konar rekstrarerfiðleikar að steðja að
íslenskum fyrirtækjum og ytri skilyrði til rekstrar hafa sjaldan
verið jafn erfið. Því tel ég brýnast fyrir stjórnendur í dag að
sýna aðgát og aðhaldssemi á næstunni. Rekstrarskilyrði verða
mjög erfið og því mikil áskorun fyrir stjórnendur einungis að
halda í horfinu.

Áttu von á að fyrirtæki þitt nái markmiðum sínum á
árinu?
Ég tel nokkuð víst að fæst fyrirtæki nái markmiðum sínum
miðað við upphaflega rekstraráætlun. Hins vegar hefur okkur
tekist nokkuð vel að laga okkar starfsemi að breyttum ytri
skilyrðum og því má segja að miðað við endurskoðun okkar
upphaflegu markmiða séu góðar líkur á því að núverandi áætl-
unum verði náð.
Sex orða ævisagan:
Frábær fjölskylda, vinna sem uppfyllir allt.
Iðunn
Jónsdóttir
stjórnarmaður
í Norvik