Frjáls verslun - 01.05.2008, Page 38

38 F R J Á L S V E R S L U N • 5 . T B L . 2 0 0 8
Þitt góða ráð eða heilræði í stjórnun?
Að byggja upp framúrskarandi liðsheild sem hefur dómgreind og
hæfileika til að nýta tækifærin og ná árangri.
Hverjir eru mikilvægustu eiginleikar stjórnanda?
Stjórnandi þarf að hafa hæfileika til að búa til liðsheild – og vera
sjálfur liðsstjóri. Mikilvægt er að stjórnandinn geti kallað fram
rétta stemmningu og keppnisanda hjá liðsheildinni, tryggi eðlilega
endurnýjun starfsmanna sem og tækja og búnaðar.
Samskiptahæfileikar – Nauðsynlegt er að stjórnandinn hafi hæfi-
leika til samskipta við mismunandi hópa innan fyrirtækisins og
geti sett sig inn í sjónarmið ólíkra hópa starfsmanna.
Miðla framtíðarsýn – Stjórnandanum þarf að takast að skapa
framtíðarsýn fyrir starfsfólk fyrirtækisins og hafa hæfileika til að
miðla henni til starfsmanna.
Vera fylginn sér – Stjórnandi þarf að fylgja eftir skoðunum sínum
þó svo að þær tillögur sem hann telur skynsamlegar kunni að
mæta andstöðu stjórnarmanna.
Stjórnandi þarf að geta brugðist hratt við þörfum viðskiptavin-
arins og nýjum markaðsaðstæðum.
Síðast en ekki síst þarf stjórnandi að vera víðsýnn og ferskur í
hugsun.

Ert þú hlynnt því að ganga í ESB og taka upp evru?
Það er engin lausn á vanda íslenskra fyrirtækja í dag að taka upp
evru. Þar er engin töfralausn til. Við eigum hins vegar að skoða
þennan möguleika vel og velta uppi kostum og göllum þess að
ganga í ESB. Það er ljóst að íslenska krónan er örsmár gjaldmið-
ill sem sveiflast mikið, á sama tíma og mikilvægt er öllum fyr-
irtækjum að búa við stöðugt umhverfi og þar með stöðugan gjald-
miðil. Inngöngu í ESB fylgja bæði kostir og gallar sem við verðum
að velta fyrir okkur og taka yfirvegaða ákvörðun í framhaldinu.
Þessi vinna þarf að hefjast hið fyrsta því góður undirbúningur
mun skipa höfuðmáli við ákvörðunartöku.
Hvað er brýnasta verkefnið þessa stundina hjá stjórnendum
íslenskra fyrirtækja?
Stjórnendur íslenskra fyrirtækja þurfa að endurskipuleggja og
hagræða i rekstrinum en einnig aðlaga stefnumótun fyrirtækisins
að nýjum tímum. Mikilvægt er að nýta þau mörgu tækifæri sem
munu skapast vegna breyttra aðstæðna á markaði.
Áttu von á að fyrirtæki þitt nái markmiðum sínum á árinu?
Já, áreiðanlega. Fyrirtæki OKG starfa í Svíþjóð og Danmörku og
ganga samkvæmt áætlun og ég geri fastlega ráð fyrir að þau nái
þeim markmiðum sem sett hafa verið.
Sex orða ævisagan:
Engin logmolla og fullt af misvel nýttum tækifærum.
ELÍN ÞÓRÐARDÓTTIR
forstjóri Opinna kerfa Group
tölVubúnaður og þjónusta
Sigríður Olgeirsdóttir, forstjóri Humac (apple)
Elín Þórðardóttir, forstjóri opinna kerfa group.
Valgerður H. Skúladóttir, forstjóri sensa