Frjáls verslun - 01.05.2008, Page 89

F R J Á L S V E R S L U N • 5 . T B L . 2 0 0 8 89
Hver er
galdurinn?
Agnar Hansson, bankastjóri Icebank:
Staðlaðar kynjaímyndir
og goðsagnir þarf að
leggja til hliðar
„Fjölgun kvenna í stjórnunarstöðum í atvinnulífinu er að mínu mati
framfaraskref. Rannsóknir hafa sýnt fram á að þeim fyrirtækjum, sem
hafa á að skipa konum og körlum í stjórnunarstöðum, vegnar betur en
þeim sem ekki eru svo lánsöm að njóta krafta beggja kynja. Þá tel ég
að það sé partur af samfélagslegri ábyrgð fyrirtækja að veita öllum jöfn
tækifæri til að nýta hæfileika sína og keppa um ábyrgðastöður á sam-
keppnisgrundvelli.
Það tryggir að lokum að hæfasti einstaklingurinn er valinn í hvert
rúm, án þess að gefin sé afsláttur vegna kynferðis. Það er líka
reynsla mín að það sé mun skemmtilegra að hafa bæði karla og
konur við borðið þegar ákvarðanir eru teknar, það verður til þess
að fleiri fletir koma til umræðu og álita. Það eitt leiðir til betri
ákvarðana.
Til að fjölga konum í stjórnunarstöðum í atvinnulífinu þurfa
nokkrir þættir að vinna saman. Þættir sem ég kýs að flokka í innri
og ytri.
Innri þættirnir snerta vilja og metnað kvenna sjálfra. Konur
hafa sjálfar tekið hvatningu um að sækja aukna menntun á
hinum hefðbundnu karlasviðum, t.d. í raungreinum. Svo vel að
nú eru þær í meirihluta háskólanema flestum greinum, sem ætti
að gera samkeppnishæfni þeirra um stjórnunarstöður betri. Þær
verða síðan að fylgja þessari auknu menntun eftir með auknum
metnaði þegar út í atvinnulífið er komið, sækjast oftar eftir fram-
gangi innan fyrirtækja, vera óhræddar við að leggja hart að sér,
sækja um lausar stöður, láta ekki eitt „nei“ buga sig, heldur
halda áfram að gefa þau skilaboð að þær vilji axla ábyrgð sem
stjórnendur og hætti ekki fyrr en þangað er komið.
Ytri þættirnir snerta atvinnulífið og þá stjórnendur sem þar
eru fyrir. Atvinnulífið verður að vera hlutlaust í kynjaafstöðu þegar
kemur að ráðningum í stjórnunarstöður. Auglýsingar um laus störf
mega ekki vera útilokandi fyrir annað kynið fremur en hitt – nema
þá kannski baðverðir! Það er þekkt að konur sækja ekki um störf
ef þær valda ekki að eigin mati öllum kröfum starfs. Karlarnir
láta hins vegar vaða. Ráðningaferlið þarf að vera kynjahlutlaust.
Staðlaðar kynjaímyndir og goðsagnir þarf að leggja til hliðar. Svo
má aldrei missa sjónar á því sem mestu máli skiptir, að fá alltaf
hæfasta stjórnandann sem völ er á burtséð frá kynferði.“
Það sem við þurfum fyrst og fremst að gera er að láta frábær
dæmi um hvað fjölbreytni skilar fyrirtækjum smitast út í viðskiptalífið
allt. Þannig náum við bestum árangri.
Ég hef áður sagt að stundum sé eins og karlmenn líti á hugmynd-
ina um konur í stjórnum svipuðum augum og oft virðist gagnvart
útlendingum. Viðhorf í mörgum þjóðfélögum gagnvart útlendingum
eru oft á þá leið að fólk þekkir þá ekki, óttast að þeir séu með allt
önnur viðmið og hugsi öðruvísi og við erum smeyk við þá þess
vegna. Það kann vel að vera að karlmenn, sem oft ráða hverjir sitja
í stjórnum, þekki fáar konur og þær séu því eins og útlendingar fyrir
þeim. Ég segi því bara, fjölgum útlendum viðhorfum í stjórnum
fyrirtækja. Það er gott fyrir þau.
Í haust og næsta vetur mun eiga sér stað kraftmikil umræða um
þessi mál sem ég trúi að muni skila sér og smita út frá sér inn í við-
skiptalífið.