Frjáls verslun - 01.05.2008, Side 90
90 F R J Á L S V E R S L U N • 5 . T B L . 2 0 0 8
j a F n r é t t i S m á l
Þ
egar haft er í huga að íslenskar konur vinna
einna mest af konum í Evrópu og eignast
samhliða því hvað flest börn, blasir við að það
er nóg að gera. Ungir pabbar búa við sömu
aðstæður, vinna öllum stundum og eignast
helling af börnum, oft meira að segja börn annarra karla.
Þessi blanda er einhver besta uppskrift af samviskubiti sem
um getur og flestir íslenskir foreldrar vinna eftir þessari
uppskrift á degi hverjum.
Ég man eftir að hafa setið á kaffistofu Lögbergs á náms-
árunum með bekkjarsystrunum í lagadeildinni þar sem
umræðuefnið var hvort væri nú betra, að eiga börn á meðan
verið er í námi, strax eftir útskrift eða eftir nokkur ár í starfi.
Þetta var áhyggjuefni, jafnvel áhugamál kvenna í lagadeild.
Í lagadeildinni er kynjaskipting nokkuð jöfn og í lagadeild-
inni verða til mörg hjónabönd, en engu að síður var þetta
fyrst og fremst umræða á meðal kvenna.
Flóttinn í barneignir
Ég veit ekki hver skýringin á þessu er og kannski hefur hún
nákvæmlega ekkert með jafnréttismálin að gera. Mögulega
hefur óbærilegt kennsluefni um hugtakið galla í kröfurétti
eða mótbárumissi skuldara gert að verkum að konur flýðu
í barneignir, ég skal ekki segja.
Kröfurétturinn er kenndur á þriðja ári og á því fjórða
voru margar orðnar óléttar, sem í sjálfu sér styður kenn-
inguna um kennsluefnið.
Ég man ómögulega hvort einhver niðurstaða fékkst
í þessar umræður sem útskýrir ef til vill hvers vegna ég
eignaðist barn í námi og svo aftur strax eftir útskrift.
Við vinkonurnar höfum talið okkur verr haldnar af sam-
viskubitinu en makinn og höfum tileinkað okkur þann
frasa að maður láti ekki gott samviskubit framhjá sér fara.
Það er ákveðin list að pína sig á samviskubiti og í raun
ótrúlegt hversu marga fleti má finna til þess að viðhalda því.
Auðvitað finna konur að það er ekki bæði hægt að vera eins
og „Aðþrengdu eiginkonurnar“, sem dytta að orkídeum í
garðinum með spaða í annarri hendi og hvítvínsglas í hinni
þar sem blómabeðið er lokahnykkurinn á lýtalausu heimili,
og að storma um sigurreifar í fyrirtækjum landsins.
Þrátt fyrir aukna menntun, framsækna fæðingarorlofs-
löggjöf, jafnréttislög og áætlanir um sveigjanlegan vinnu-
tíma er það einhverra hluta vegna staðreynd að barneignir
virðast hafa meiri áhrif á stöðu kvenna á atvinnumarkaði en
karla. Auðvitað hefur brjóstagjöf og sjálf meðgangan eitt-
hvað að segja, en mín tilfinning er sú að þetta stafi að sama
skapi töluvert af viðhorfum.
PISTIll UM JAFnRÉTTISMál:
Samspil kröfuréttar
og barneigna
Þorbjörg Sigríður Gunnlaugsdóttir skrifar hér pistil um jafn-
réttismál og segir meðal annars: „Kröfurétturinn er kenndur
á þriðja ári í lögfræðinni og á því fjórða voru margar orðnar
óléttar, sem í sjálfu sér styður kenninguna um kennsluefnið.
TExTI: þorbjörg sigríður gunnlaugsdóttir • MYndIR: geir ólafsson