Gripla - 20.12.2013, Qupperneq 101

101
FJ BE 2003 (AM 455 4to) Lína Mat
bað ganga v́t bað út ganga 33 FJ
konur konurnar 33 FJ
er v́tganga var lofut er útgǫngu var leyft 36 FJ
þá spurðe hon: spurði hon: 40 FJ
Í Viðauka A er mynd af vinstra dálki 69v ásamt uppskrift af því sem sést á
myndinni. Spurningarmerki í töflunni hér að framan táknar að ekki sést á
þeirri uppskrift hvor lesturinn er réttari. FJ táknar að texti Finns sé réttari
en ekki endilega að allur textinn sjáist. Til dæmis sést orðið fóru greinilega
í lok tíundu línu en framhaldið í næstu línu sést ekki. Í Viðauka A er
strikað undir nokkur þeirra orða sem hafa verið skýrð síðar og sjást ekki á
innrauðu myndinni en sjást á venjulegum ljósmyndum.
Í útgáfu Bjarna frá 2003 eru notuð orð úr útgáfu Finns á þremur
stöðum. Þetta eru: <um Skarnssund>, <Naumudals> og <.v. skip eða .vj. ok
oll stór.>.16
Orðið Skarnssund í 13. línu kemur ekki fyrir í öðrum gerðum sögunnar
og aðeins Finnur hefur lesið það. Þetta orð sést á innrauðu myndinni sem
fylgir.
Mynd 3: <[ſ]kar[nſ]ſunꝺ.> í línu 13 í dálki 69va. Andhverf innrauð mynd.
Af nafninu Naumudals í 15. línu sést lítið en þetta nafn er í öðrum hand-
ritum Egils sögu, þar á meðal í γ17 og δ18. Orðið er ekki meðal þeirra sem
Finnur sagðist sjá illa eða ekki og eru innan hornklofa í Viðauka A. Af
orðunum fimm skip eða sex og öll stór í línum 17–18 sést standa ... skip eꝺa
vi ... tor (sjá mynd). Í sögunni hefur Haraldur fjögur skip í upphafi ferðar
samkvæmt 17. aldar eftirritinu og virðist vera misræmi í því að hann skuli
síðan þurfa fimm eða sex stór skip undir sama lið. Ástæðan fyrir þessu gæti
verið mislestur á skip sín (<ſın> lesið sem fjögur strik, þ.e. talan fjórir).
16 Egils saga (2003), 26.
17 „AM 162 A γ fol (Reykjavík),“ útg. Alex Speed Kjeldsen, Opuscula 12 (2005).
18 „AM 162 A δ fol (Reykjavík),“ útg. Alex Speed Kjeldsen, Opuscula 12 (2005).
ofAn í soRtAnn