Tímarit um menntarannsóknir - 01.01.2011, Page 72

72
Torfi Hjartarson og Anna Kristín Sigurðardóttir
tengsl grunn- og leikskóla voru ekki ráðin
þegar gagnaöflun fór fram.
Í skóla 1 eru stofur list- og verkgreina
rúmgóðar og gætu boðið upp á samþætt-
ingu við aðrar námsgreinar en í sumum
hinna skólanna er beinlínis gert ráð fyrir
tengslum á milli greina. Í skóla 2 er grunn-
hugmyndin að list- og verkgreinakenn-
arar taki höndum saman við aðra kennara
um ýmis verkefni og fyrir vikið voru rými
undir þær greinar höfð fremur lítil. Nú er
nýsköpun og grófri vinnu komið fyrir í
lausum stofum utan við skólann. Í skóla
3 eru þrjú rými undir smíðar, myndlist
og textíl tengd með breiðum dyraopum.
Verkefni eru yfirleitt ekki þvert á greinar
en töluvert flæði er á milli svæða. Heim-
ilisfræðin aftur á móti er út af fyrir sig í
mjög þröngu rými. Í skóla 4 mynda mynd-
menntastofa, textílstofa og smíðastofa sér-
stakan klasa sem býður upp á samgang og
lítið fjölnotarými. Tónmenntastofa, heim-
ilisfræðistofa, eldhús og salur eru þar næst
utan við en náttúrufræðistofa er stök og út
af fyrir sig. Í skóla 5 eru list- og verkgrein-
ar í stórri smiðju með nokkrum kimum
eða smærri herbergjum. Undirliggjandi er
hugmynd um handíðatorg í anda miðalda
og mikil áhersla á þverfaglega samvinnu.
Tónmennt er í sérstökum klasa við hlið
þessarar smiðju og býður upp á hljóm-
sveitarstarf og hljóðfærakennslu. Lítil
herbergi til hljóðfærakennslu eru einnig í
boði í skólum 1 og 2. Þá má nefna að salir
virðast talsvert notaðir í tengslum við tón-
mennt.
Skólasöfn, upplýsingatækni og miðlun
Í skóla 1 eru skólasafn og tölvustofa fjarri
öðrum kennslurýmum og mest til hljóð-
lesturs, útlána og tölvukennslu. Bækur
úr safninu má víða sjá í stofum skólans.
Gluggar eru á milli tölvustofu og safns en
lítið samt um tengsl þar á milli. Í skóla 2 er
safnið á galopnu svæði miðrýmis og býð-
ur upp á nokkrar borðtölvur en annars eru
fartölvuvagnar í opnum kennslurýmum. Í
skóla 3 eru safn og tölvuver í einu, opnu
rými með útsýni um innri glugga fram á
gang og inn í almenn kennslurými. Þar
þurfa nemendur og kennarar ekki að taka
nema nokkur skref til að komast í upp-
lýsingaverið. Að auki standa fartölvur til
boða. Í skóla 4, líkt og í skóla 1, er safnið
á sama svæði og stjórnun en þaðan er
skammur vegur í flest kennslurýmin því
að skólinn er lítill um sig. Engin tölvustofa
var teiknuð í bygginguna en á lokastigum
var stök stofa tekin undir tölvur. Í skóla
5 kemur nokkuð á óvart að safnrými er
ekki miðlægt en þar er gengið út frá því
að fartölvur og bókakostur flæði um bygg-
inguna. Sérstakt herbergi er ætlað undir
skapandi starf með stafrænni miðlun.
Athygli vekur að safnkennari í opnu
safni í skóla 2 lætur ekki stöðuga umferð
um opið safnrýmið trufla sig svo mjög
heldur telur það til kosta að safnið skuli
vera í miðri hringiðu skólastarfsins. Í
skóla 3 aftur á móti kom fram að töluverð
truflun er af umferð um og við upplýs-
ingaverið. Munurinn liggur eflaust í meiri
þrengslum, erfiðari hljóðvist þar sem
margir stórir glerfletir hafa sitt að segja og
svo því að tölvukennsla í verinu er við-
kvæm fyrir mikilli truflun.
Þrátt fyrir framsækna hönnun í ný-
legum skólabyggingum er reyndin sú að