Peningamál - 01.11.2000, Qupperneq 77
76 PENINGAMÁL 2000/4
Október 1999
Hinn 25. október birti Seðlabanki Íslands verðbólgu-
spá sem gerði ráð fyrir að meðalhækkun verðlags
yrði 3,3% milli áranna 1998 og 1999 en hækkun frá
upphafi til loka árs 1999 yrði 4,6%. Spáð var að
verðlag á fjórða ársfjórðungi myndi hækka um 1,0%
eða 4,1% á ársgrundvelli.
Ríkissjóður seldi 51% hlut sinn í FBA. Söluverð-
mætið nam 9,7 ma.kr.
Hinn 25. október hóf Seðlabanki Íslands að birta á
heimasíðu sinni, www.sedlabanki.is tölfræðilegar
upplýsingar um íslenskt efnahagslíf og varða þær
einkum þá þætti sem heyra beint undir verksvið
bankans. Upplýsingarnar eru uppfærðar vikulega.
Nóvember 1999
Hinn 24. nóvember kom út fyrsta hefti Peningamála.
Peningamál eru gefin út ársfjórðungslega og inni-
halda umfjöllun um efnahags- og peningamál og þró-
un á fjármálamarkaði auk greina og tölulegra upp-
lýsinga.
Desember 1999
Í desember fór fram sala á 15% hlut ríkissjóðs í
Landsbanka Íslands hf. og Búnaðarbanka Íslands hf.
Bréfin voru seld með áskriftar- og útboðsfyrirkomu-
lagi. Söluverðmætið nam tæpum 6 ma.kr.
Bandarísku matsfyrirtækin Moody's Investor Service
og Standard & Poor's staðfestu mat sitt á lánshæfi
íslenska ríkisins. Lánshæfiseinkunnirnar eru Aa3 og
A+ á langtímaskuldbindingum og P-1/A-1+ á
skammtímaskuldbindingum í erlendri mynt. Á skuld-
bindingar í íslenskum krónum fékk ríkið hæstu eink-
unn, Aaa frá Moody's og einkunnina AA+ frá Stand-
ard & Poor's.
Hinn 8. desember voru samþykkt á Alþingi lög nr.
90/1999 um öryggi greiðslufyrirmæla í greiðslukerf-
um. Ákvæði laganna taka til þeirra greiðslukerfa sem
rekin eru hér á landi.
Hinn 21. desember voru samþykkt á Alþingi lög nr.
96/1999 um breytingu á lögum nr. 36/1986, um
Seðlabanka Íslands, með síðari breytingum. Breytt
var 8 gr. laganna, sem fjallar um laust fé, á þann veg
að skilgreining á lausu fé lánastofnana var rýmkuð.
Hinn 31. desember tóku gildi nýjar reglur um laust fé
bindiskyldra stofnana. Nýju reglurnar byggjast á öðr-
um grunni en þær eldri og fela í sér að fram fer heild-
armat á lausafjáreignum og lausafjárskuldbindingum
lánastofnana.
Janúar 2000
Hinn 1. janúar tóku gildi nýjar reglur um verðtrygg-
ingu sparifjár og lánsfjár o.fl. Breytingar voru gerðar
á ákvæði um jöfnuð verðtryggðra eigna og skulda
lánastofnana. Leyfileg mörk misvægis voru aukin úr
20% í 30% af eigin fé. Ekki voru gerðar breytingar á
heimildum til verðtryggingar sparifjár og lánsfjár
eins og stefnt hafði verið að samkvæmt reglum
bankans frá júní 1995. Lágmarksbinditími verð-
tryggðra innlána verður áfram 3 ár og lágmarksbindi-
tími verðtryggðra lána 5 ár.
Hinn 1. janúar tók gildi breyting á lögum nr. 36/1986
um Seðlabanka Íslands og fluttist yfirstjórn bankans
frá viðskiptaráðherra til forsætisráðherra.
Hinn 1. janúar fékk Greiðslumiðlun hf. Visa Ísland
starfsleyfi sem lánastofnun.
Hinn 12. janúar hækkaði Seðlabanki Íslands vexti
sína um 0,8 prósentustig.
Hinn 24. janúar birti Seðlabanki Íslands verðbólgu-
spá sem gerði ráð fyrir að meðalhækkun verðlags
yrði 5% milli áranna 1999 og 2000 en hækkun frá
upphafi til loka árs 2000 yrði 3,8%. Spáð var að
Annáll fjármálamarkaða
Október 1999 - október 2000