Glóðafeykir - 01.04.1984, Side 49

GLÓÐAFEYKIR
49
og kom eigi skapi við hvern sem var. Skipti nokkuð í tvö horn um álit
hans og viðhorf gagnvart mönnum og málefnum, og mótgerðir
gleymdust honum seint. Ingimar var draumspakur og gæddur
dulargáfum sem frændi hans á Einarsstöðum, en um það vissu rauhar
fáir.
Einar Guðmundsson, fv. bóndi í Ási í Hegranesi, lést hinn 26. júlí
1975.
Hann var fæddur í Ási 3. mars 1894, sonur Guðmundar
sýslunefndarmanns og bónda þar Ólafssonar og konu hans Jóhönnu
Einarsdóttur. (sjá þátt um Guðmund í Glóðaf. 1968, 8. h.). Systkinin
voru 6, þau er upp komust, og var Einar eini
sonurinn. Eftir eru á lífí 3 systur, allar yngri.
Einar óx upp með foreldrum sínum og
systkinum í Ási. Ungur fór hann til náms að
Hólum í Hjaltadal en var þar aðeins einn
vetur, veiktist þá af berklum og lá mánuðum
saman á Sjúkrahúsi Sauðárkróks, gekkst
undir aðgerð hjá Jónasi Kristjánssyni, þeim
ágæta lækni, hlaut fullan bata og var heilsu-
góður eftir það allt til síðustu ára, er hann
kenndi hjartabilunar og varð þá að liggja
nokkrum sinnum á sjúkrahúsi.
Einar var tvíkvæntur. Árið 1916 gekk
hann að eiga Valgerði Jósafatsdóttur bónda á
Syðri-Hofdölum Guðmundssonar og konu
hans Guðrúnar Ólafsdóttur; var hún alsystir Soffíu, konu Jóns á
Bessastöðum, (sjá Glóðaf. 1973, 14. h. bls. 58), og þeirra systkina, Var
Valgerður mikil myndarkona og harðdugleg. Fyrstu árin voru ungu
hjónin í Ási hjá foreldrum Einars, en árið 1921 fluttu þau yfír að Syðri-
Hofdölum til Jósafats, föður Valgerðar, og settu þar saman bú. En
skjótt dró ský fyrir sólu. Valgerður andaðist vorið 1922. Einar brá búi
næsta vor (1923) og fluttist aftur heim að Ási með drengina sína þrjá,
er þau Valgerður höfðu eignast. Þeir komust allir upp og eru búfastir á
Sauðárkróki: Guðmundur, verkamaður, Guðjón, múrari og Svavar,
starfsmaður hjá Mjólkursamlagi Skagfirðinga.
Vorið 1925 kvæntist Einar seinni konu sinni, Sigríði Jósafatsdóttur,
alsystur Valgerðar, fyrri konu hans. Bjuggu þau hjón í sambýli við
foreldra Einars á hálfri jörðinni til 1936, er gömlu hjónin slepptu búi