Glóðafeykir - 01.04.1984, Qupperneq 59

GLÓÐAFEYKIR
59
Jón bóndi á Hafsteinsstöðum, söngstjóri og tónskáld, Björnsson
bónda og hreppstjóra á Stóru-Seylu, Jónssonar bónda á Ögmundar-
stöðum, Björnssonar, og kona hans Sigríður Trjámannsdóttir,
eyfirskrar ættar mikil ágætiskona. Móðir
Jóns og fyrri kona Björns í Seylu var
Steinvör Sigurjónsdóttir bónda og oddvita í
Glæsibæ í Staðarhreppi, Bergvinssonar, og
fyrri konu hans Júlíönu Margrétar Jóns-
dóttur.
Steinbjörn ólst upp með foreldrum Sínum,
fyrst í Brekku hjá Víðimýri til 1936, þá á
Reykjarhóli, næsta bæ, til 1939 og síðast á
Hafsteinsstöðum. Hann stundaði nám við
héraðsskólann á Reykjum í Hrútafirði
veturna 1945-1946 og 1946-1947, vann síðan
að búi foreldra sinna heima þar á Hafsteins-
stöðum. Faðir hans var dugmikill bóndi og hinn mesti athafnamaður,
enda þótt hann fórnaði hljómlist og kórstjórn ómældum tíma og
kröftum. Og Sigríður á Hafsteinsstöðum lét í engu sinn hlut eftir
liggja-
Árið 1953, hinn 7. desember, gekk Steinbjörn að eiga Ester
Skaftadóttur bónda í Kjartansstaðakoti á Langholti, Oskarssonar, og
konu hans Ingibjargar Hallgrímsdóttur bónda á Hringveri í Viðvíkursveit
o.v., Jónssonar, en móðir Ingibjargar var Anna Gunnarsdóttir bónda
á Ulfsstöðum í Blönduhlíð, Bjartmarssonar. (Sjá þátt um Oskar, föður
Skafta, í Glóðaf. 1974, 15. h. bls. 54). Fyrstu árin tvö voru þau ungu
hjónin í sambýli við foreldra Steinbjörns, en tóku við hálfri jörðinni
árið 1955 og hélst svo til 1973, er Jón fékk syni sínum og tengdadóttur
jörðina alla í hendur, en hann hafði misst Sigríði konu sína 1969.
Börn þeirra Steinbjörns og Esterar eru 4 og öll heimilisföst á
Hafsteinsstöðum: Jón, Skafti, Björn, stundar menntaskólanám í
Reykjavík, og Sigríður yngst. Áður en Steinbjörn kvæntist eignaðist
hann dóttur, Ragnheiði, húsfreyju í Reykjavík. Móðir hennar, Elísabet
Ragnarsdóttir, þá heimasæta á Bergsstöðum í Borgarsveit, er nú
húsfreyja í Ási í Hegranesi.
Að Steinbirni á Hafsteinsstöðum er mikill sjónarsviptir. Hann var
góður drengur og frábærlega vinsæll, hann var mikill bóndi og
einstakur snyrtimaður í öllum búnaði, hann var í fremstu röð
mikilsverðra félagssamtaka. Steinbjörn kom mjög við sögu söngmála í
Steinbjörn M. Jónsson