Glóðafeykir - 01.04.1984, Síða 60

60
GLÓÐAFEYKIR
héraðinu, var um árabil í karlakórnum Heimi, hafði mikla og blæfagra
tenórrödd og söng einsöng með kórnum, var og oft fenginn til að
skemmta með söng, ýmist einn eða með öðrum. Steinbjörn var góður
hestamaður og starfaði mjög að félagsmálum hestamanna. Hann átti
sæti í stjórn hestamannafélagsins Stíganda frá 1964 og formaður frá
1968, vann þar mikið starf og átti gildan þátt í sköpun þeirrar aðstöðu
til hestamótahalds, sem hestamannafélögin í héraðinu komu upp á
Vindheimamelum og talin er ein hin allra besta á landinu. Hvaðeftir
annað sat hann landsþing hestamanna sem fulltrúi Stíganda, var og í
dómnefnd gæðinga á þrem síðustu landsmótum.
Steinbjörn Jónsson var góður meðalmaður á vöxt og vel á sig
kominn, fríður í andliti og allur vel farinn, greindur í betra lagi.
„Glaður og hlýr var hann ávallt í viðmóti, prúður og glæstur í
framgöngu, tryggur og traustur í öllum samskiptum við vini sína.”
Hann vann af alúð og dugnaði að þeim málum, sem honum voru falin
til forsjár. Að honum var mikill mannskaði, svo ungum manni og
starfhæfum.
(Nokkrar heimildir frá sr. G.G. og M.H.G.).
Gunnar Jóhannesson Kleif á Skaga, verkamaður á Sauðárkróki, lést
hinn 24. september 1975.
Hann var fæddur að Neðra-Nesi á Skaga
20. maí 1896, sonur Jóhannesar bónda þar
Jóhannessonar og konu hans Margrétar
Stefánsdóttur; var hann albróðir Stefáns,
(sjá Glóðafeyki 1976, 17. h. bls 68).
Gunnar ólst upp með foreldrum sínum að
Neðra-Nesi, einn af 5 systkinum, flutti með
Gísla bróður sínum að Kleif, er Gísli fór búi
sínu þangað árið 1923, og enn fluttust þeir
bræður báðir saman til Sauðárkróks 1935 og
skildu eigi, meðan báðir lifðu. Arin 1927-
1935 höfðu þeir bræður ábúð á Lágmúla á
Skaga, enda þótt þeir væru að vísu báðir á
Kleif og Gísli byggi þar. Þeir urðu sæmilega efnum búnir, reistu sér
íbúðarhús á Sauðárkróki og bjuggu þar undir sama þaki til æviloka.
Lífsferill Gunnars frá Kleif var eigi viðburðaríkur hið ytra né
Gunnar Jóhannesson