Tímarit um menntarannsóknir - 01.01.2013, Qupperneq 143

Ritrýnd grein
Timarit um menntarannsóknir /
Journal of Educational Research (lceland) 10, 2013, 141.-161.
Uppsker hver eins og hann sáir?
Hefur val á skóla og námsárangur
áhrif á íslenskum vinnumarkaði?
Kári Kristinsson, Tinna Dahl Christiansen1 og Friðrik Eysteinsson
Háskóli íslnnds
Hér er gerð grein fyrir rannsókn á því hvort val á skóla og námsárangur hafi
áhrif á íslenskum vinnumarkaði. Gerð var ferilskrárrannsókn með 2 (einkaskóli /
ríkisskóli) x 2 (há/lág meðaleinkunn) sniði til að athuga hvort val á skóla og
námsárangur hefðu áhrif á ráðningar og launakjör fyrir tilbúið starf. Til að rann-
sóknin endurspeglaði sem best íslenskan vinnumarkað var þýðið mannauðs-
stjórar stærstu fyrirtækja á íslandi. Þátttakendur voru 143 talsins, 49% karlar og
51% konur. Svarhlutfall var 49,3%. Notuð var megindleg aðferðafræði í formi
spurningakönnunar. Fjórar útgáfur af ferilskrá voru gerðar. Umsækjandi var
með menntun úr einkaskóla (HR) eða ríkisskóla (HÍ) og með háa (8,5) eða lága
(6,5) meðaleinkunn. Þátttakendur reyndust ekki meta nemanda úr einkaskóla
hæfari en nemanda úr ríkisskóla né líklegri til að bjóða honum í atvinnuviðtal
eða ráða hann. Þeir voru tilbúnir að bjóða nemanda úr ríkisskóla 9,8% hærri laun.
Þátttakendur mátu umsækjanda með háa meðaleinkunn hæfari en umsækjanda
með lága meðaleinkunn og voru líklegri til að bjóða honum í viðtal og ráða hann
í starf. Meðaleinkunn hafði hins vegar ekki áhrif á fyrsta launatilboð.
Lykilorö: Meöaleinkunn; einkaskóli; rikisskóli; íslenskur vinnumarkaöur.
Hagnýtt gildi Niðurstöður þessarar rannsóknar varpa Ijósi á áhrif vals á skólaog námsárangurs
á ráðningar og launakjör á íslenskum vinnumarkaði. Niðurstöðurnar hafa hagnýtt gildi fyrir
nemendur hvort sem þeir standa í þeim sporum að vera að velja háskóla eða eru nú þegar í
námi. Niðurstöðurnar hafa einnig hagnýtt gildi fyrir stjórnendur háskóla þvi að þeir sjá hvernig
nemendur þeirra standa gagnvart nemendum annarra háskóla á vinnumarkaði.
'Greinin er byggö á meistaraverkefni Tinnu (2012): Uppsker liver eins og hann sáir? Verkefnið var unnið í Félags-
visindadeild Háskóla íslands og leiðbeinandi var dr. Kári Kristinsson lektor.