Tímarit um menntarannsóknir - 01.01.2013, Side 186

Leiðbeiningartil greinahöfunda
Leiðbeiningar til greinahöfunda
Reglur ritstjórnar
Tímarit um menntarannsóknir er vettvangur fyrir fræðilega umræðu um menntarann-
sóknir á íslandi. Þær kröfur eru gerðar til greinahöfunda að þeir lúti viðteknum venjum
um fræðilega framsetningu efnis og vísindaleg vinnubrögð og vandaðan frágang.
Öllum er heimilt að senda efni í ritið. Allt efni sem tengist menntun og rannsóknum
á menntamálum með einum eða öðrum hætti metur ritstjórn og skoðar með tilliti til
útgáfu.
Meginregla er að innsendar greinar hafi ekki birst annars staðar. Undantekning er gerð
frá þessari reglu ef ritstjórn telur greinar sem birst hafa í viðurkenndum erlendum fag-
tímaritum eftirsóknarverðar til birtingar á íslensku.
Fyrsti höfundur greinar er talinn aðalhöfundur hennar og ber ábyrgð á samskiptum við
ritstjóra og væntanlega lesendur.
Greinar geta verið hvort sem er á íslensku eða ensku. Ef grein er á íslensku er áhersla
lögð á að öll fræðiheiti séu á íslensku og að málfar og framsetning efnis sé samkvæmt
íslenskum málvenjum.
Ákvörðun um birtingu greina byggist á faglegri umsögn a.m.k. tveggja ritrýna um gæði
rannsóknar eða fræðilegrar greinar og viðbrögðum höfundar við athugasemdum.
Umsögn fylgir jafnframt ákvörðun um birtingu eða synjun. í vissum tilvikum getur
grein verið samþykkt með fyrirvara um að brugðist sé við faglegum ábendingum. Þeg-
ar greinarhöfundur hefur brugðist við athugasemdum skal hann gera grein fyrir við-
brögðum sínum í fylgibréfi með greininni. Þá er grein hans lesin yfir að nýju og honum
sendar nýjar ábendingar, fyrri ábendingar ítrekaðar eða hann látinn vita að grein hans
sé endanlega samþykkt með áorðnum breytingum.
Greinum sem ekki standast kröfur um framsetningu og efnistök hafnar ritstjórn hvort
sem um er að ræða innsendar greinar eða greinar sem fólki hefur verið boðið að skrifa
í blaðið.
Höfundur ber endanlega ábyrgð á lokapróförk. Ritstjórn áskilur sér þó rétt til að breyta
orðalagi eða stafsetningu ef nauðsyn krefur við lokafrágang ritsins.
184