Tímarit um menntarannsóknir - 01.01.2013, Page 187

Leiðbeiningar til greinahöfunda
Skilafrestur efnis í tímaritið er 1. maí ár hvert. Handrit sendist ritstjóra (sjá http:/ /www.
fum.is).
Framsetning efnis
1. Handritum skal skila í rafrænu formi til ritstjóra. Þau skulu vera unnin í Word
með leturgerð Times New Roman 12 punkta. Línubil skal vera tvöfalt og jafnað til
vinstri. Fyrirsagnir skulu vera í Times New Roman 14 punkta og aðeins jafnaðar
til vinstri. Lengd handrits skal vera að hámarki 9000 orð (um 25 bls.). Að öðru leyti
skal fylgja útgáfureglum APA'.
2. Nauðsynlegt er að höfundar gefi til kynna í handriti hvar þeir vilja að töflur og
myndir séu staðsettár í texta. Sérstök athygli er vakin á því að vitna skal til skírnar-
og föðurnafns íslensks höfundar en ekki föðurnafns eingöngu eins og gildir um
erlenda höfunda. Jafnframt skal raða íslenskum höfundum í heimildaskrá sam-
kvæmt skírnarnafni þeirra.
3. í greinum á íslensku er ætlast til þess að beinar tilvitnanir úr erlendum tungu-
málum séu þýddar á íslensku.
4. Höfundum er bent á að geta þess í neðanmálsgrein ef greinin er byggð á prófritgerð
höfundar eða ef vinnan við verkefnið hefur hlotið styrki.
5. Myndum sem höfundar vilja birta í greinum sínum skal skila án texta. Sá texti sem
höfundur vill að standi við mynd, ásamt númeri myndar, fylgi myndinni.
6. Stafabil í texta eiga aldrei að vera fleiri en eitt. Þegar þau þurfa að vera fleiri (t.d. við
töflugerð) skal nota dálkalykil á lyklaborði.
7. Greinum á íslensku skal fylgja ágrip sem er um 300 orð að lengd. Þeim skal og
fylgja ágrip á ensku (abstract) sem er um 600 orð að lengd. Því má skipta í undir-
kafla. Greinum á ensku skal fylgja ágrip á ensku sem er um 300 orð að lengd og
ágrip á íslensku sem er um 600 orð að lengd.
8. Öllum greinum skal fylgja um 60 orða texti undir fyrirsögninni „Hagnýtt gildi". Þar
skulu höfundar tilgreina á hvern hátt greinin gæti nýst í stefnumótun eða starfi á
vettvangi menntamála.
9. Öllum greinum skal fylgja texti um höfundana á íslensku og ensku (60-70 orð á
hvoru máli). Þar skal tilgreina menntun höfunda og núverandi starf. Einnig um
rannsóknarsvið þeirra og netfang. Heiti greinar skal fylgja á ensku. Nöfnum höf-
unda skal fylgja heiti þeirrar stofnunar sem þeir starfa hjá á íslensku og ensku.
1 Miðað er við reglur APA í framsetningu efnis, tilvitnana, tilvísana og heimildaskrár. Þær má finna t.d. í
Gagnfræðakveri handa háskólanemum (2007) sem Háskólaútgáfan gefur út, Publication Manual of the Amer-
ican Psychological Association (6. útgáfu 2010) og fleiri ritum, t.d. Handbók Sálfræðiritsins (1995) sem Sál-
fræðingafélag íslands gefur út. Ef reglur stangast á gildir það sem stendur í Gagnfræðakverinu.
185